ᐊᑕᓃᑦ ᓯᕗᓪᓖᑦ 10:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐅᒥᐊᕐᔪᐊᖁᑎᖃᕐᓗᓂᓗ ᐅᓄᕐᑐᓂᒃ ᐃᒪᕐᕕᖕᒥ ᐃᓚᖃᕐᓗᑎᒃ ᕼᐅᕋᒻ ᐅᒥᐊᕐᔪᐊᖁᑎᖏᓐᓂᒃ. ᐊᕐᕌᒍᑦ ᐱᖓᓱ ᑕᒫᑦ ᐅᒥᐊᕐᔪᐊᖁᑎᖏᑦ ᑖᕐᓯᓯᒥᐅᑦ ᐅᑎᕐᐸᓚᐅᕐᐳᑦ ᓇᒃᓴᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒡᓗ, ᐂᑉᓂᒡᓗ ᒪᖕᑭᓂᒃ, ᒪᖕᑭᑐᐃᓐᓇᕐᓂᒡᓗ.

ᐊᑕᓃᑦ ᓯᕗᓪᓖᑦ 10:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 10:4

ᔭᕚᓇᐅᑉ ᐃᕐᓂᖏᑦ ᐅᑯᐊᖑᕗᑦ; ᐃᓔᓴᕼᐊ, ᑖᕐᓯᓯ, ᑭᑎᒻ, ᑐᑕᓂᒻᓗ;

ᐊᑕᓃᑦ ᓯᕗᓪᓖᑦ 10:18

ᐊᖓᔪᖅᑳᕐᔪᐊᖅ ᐊᖏᔪᒥᒃ ᐃᒃᓯᕙᐅᑕᕐᔪᐊᒥᒃ ᓴᓇᔭᐅᑎᑦᓯᕗᖅ ᐃᓚᖓ ᖄᓕᕐᓯᒪᓪᓗᓂ ᑑᒐᕐᓂᒃ ᐃᓚᖓᓗ ᖄᓕᕐᓯᒪᓪᓗᓂ ᒎᓗᒥᒃ ᐱᐅᓂᕐᐹᒥᒃ.

ᐊᑕᓃᑦ ᓯᕗᓪᓖᑦ 10:21

ᓲᓗᒨᓂᐅᑉ ᐃᒥᕈᑎᓕᒫᖏᑦ ᒎᓘᓚᐅᕐᐳᑦ, ᓂᕆᑦᔪᑎᓕᒫᓪᓗ ᓂᕆᕕᒡᔪᐊᕐᕕᐅᑉ ᓕᐸᓇᓂᐅᑉ ᓇᐹᕐᑐᖏᓐᓂᒃ ᐊᑎᓕᖕᒥ ᒎᓘᓚᐅᕆᕗᑦ ᐱᐅᓂᕐᐹᑦ; ᑕᕝᕙᓂ ᐊᑐᕐᑕᐅᔪᖃᓐᖏᓚᖅ ᓯᐅᓪᕕᕆᒥᒃ, ᑍᒤᑦᑐᑦ ᓲᓗᒨᓂ ᐃᓅᑎᓪᓗᒍ ᐊᑭᑐᓇᓱᒋᔭᐅᓚᐅᖏᒻᒪᑕ.

ᐊᑕᓃᑦ ᓯᕗᓪᓖᑦ 22:48

ᔨᕼᐆᓴᐸᑦ ᑖᕐᓯᓯᒥ ᐅᒥᐊᕐᔪᐊᓂᒃ ᓴᓇᓚᐅᕐᐳᖅ ᓄᓇᒧᑦ ᐅᐱᕼᐃᒧᑦ ᒎᓗᓯᐅᕆᐊᕐᑐᒃᓴᓂᒃ; ᑭᓯᐊᓂᓕ ᐊᐅᓪᓚᓚᐅᓐᖏᓚᑦ, ᐅᒦᔭᓚᐅᕐᒪᑕ ᐃᔨᐅᓂ-ᒋᐱᕆᒥ.

ᐊᑕᓃᑦ ᓯᕗᓪᓖᑦ 22:49

ᐊᕼᐊᔧᐊ ᐂᕼᐊᐱᐅᑉ ᐃᕐᓂᖓ ᔨᕼᐆᓴᐸᑦᒧᑦ ᐅᖃᓚᐅᕐᐳᖅ, “ᐅᒥᐊᕐᔪᐊᒃᑯᑦ ᐃᓄᖁᑎᒃᑲ ᐃᓄᖁᑎᖕᓄᑦ ᐊᐅᓪᓚᖃᑕᐅᓚᐅᕐᓕᑦ.” ᔨᕼᐆᓴᐸᑦᓕ ᐱᖁᔨᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 9:26

ᓱᓕ ᐊᖓᔪᖅᑳᕐᔪᐊᖅ ᓲᓗᒨᓂ ᐅᒥᐊᕐᔪᐊᓂᒃ ᓴᓇᔭᐅᑎᑦᓯᓪᓗᓂ ᐃᔨᐅᓂ-ᒋᐱᕆᒥ ᐃᓗᑎᐅᑉ ᖃᓂᒋᔮᓂ, ᐊᒡᒐᐸᐅᑉ ᑲᖏᕐᓱᐊᑕ ᓯᒡᔭᖓᓂ ᐃᒪᕐᒧᑦ ᐊᐅᐸᓗᒃᑕᒧᑦ, ᐄᑐᒥᐅᑉ ᓄᓇᖓᓂ.

ᑯᕉᓂᑲ ᐂᑉᐸᖏᑦ 9:21

ᐊᖓᔪᖅᑳᕐᔪᐊᑉ ᐅᒥᐊᕐᔪᐊᖁᑎᖏᑦ ᑖᕐᓯᓯᒧᐊᖃᑦᑕᓚᐅᕐᐳᑦ ᕼᐅᕋᐅᑉ ᐱᔨᖏᑦ ᐱᖃᑎᒋᓪᓗᒋᑦ; ᐊᕐᕌᒍᐃᑦ ᐱᖓᓱᑦ ᓈᔭᕌᖓᑕ ᑕᒫᑦ ᓇᒃᓴᖃᑦᑕᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒃ, ᒪᖓᑭᐊᓗᖕᓂᒃ, ᒪᖓᑭᑐᐃᓐᓇᓂᒡᓗ.

ᔫᐱᐅᑉ ᐊᒡᓚᖏᑦ 39:13

ᑎᖕᒥᐊᕐᔪᐊᑦ ᑎᖏᔪᓐᓇᖏᑦᑐᑦ ᐃᓴᕈᕐᓱᓲᖑᕗᑦ ᐅᐱᒪᓪᓗᑎᒃ; ᖃᖓᑕᔪᓐᓇᓐᖏᓚᓪᓕ ᓯᑐᐊᕆᒃᑎᑐᑦ ᑕᑎᒡᒐᕐᔪᐊᖑᔮᕐᑐᑎᑐᑦ.

ᐃᓐᖏᕈᑎᑦ 48:7

ᓲᕐᓗ ᐅᒥᐊᕐᔪᐊᑦ ᐊᓯᕈᕋᕕᒋᑦ ᑖᕐᓯᓯᒥ ᐊᓄᕆᒧᑦ ᓯᕿᓂᐅᑉ ᓄᐃᕕᐊᓂᑦ ᐱᔪᒧᑦ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 2:16

ᐊᑭᕋᕐᑐᕐᓗᓂᓗ ᑖᕐᓯᓯᐅᑉ ᐅᒥᐊᕐᔪᐊᖁᑎᖏᓐᓂᒃ ᑕᒤᓐᓂᒃ, ᐅᒥᐊᓂᒡᓗ ᑕᑯᒥᓇᕐᑐᓂᒃ ᑕᒤᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 23:1

ᐅᑯᐊ ᐅᖃᐅᓰᑦ ᐃᓂᕐᑎᕆᔪᑦ ᑍᕆᒥᐅᓂᒃ ᐱᑦᔪᑎᖃᕐᐳᑦ, ᕿᒃᓵᖕᓂᕐᒧᑦ ᓂᓪᓕᐊᒋᑦᓯ, ᐅᒥᐊᕐᑐᕐᑎᐅᔪᓯ ᑖᕐᓯᓯᒥᐅᑦ ᑕᕆᐅᕐᔪᐊᕐᒥ! ᑐᓚᒃᑕᕐᕕᒋᕙᒃᑕᓯ ᑍᕆᒥᐅᑦ ᐊᓯᕈᕐᓯᒪᖕᒪᑕ: ᐃᒡᓗᖏᑦ ᐅᒥᐊᕐᔪᐊᓄᓪᓗ ᐅᓯᓕᕐᓱᕐᕕᖏᑦ ᓯᖁᑦᑎᕐᓯᒪᓕᕐᐳᑦ, ᐅᒥᐊᕐᔪᐊᓯ ᓮᐸᕋᓯᒥᑦ ᐅᑎᕐᐸᓪᓕᐊᓕᕐᑎᓪᓗᒋᑦ ᑐᓴᓚᐅᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 23:10

ᑖᕐᓯᓯᐅᑉ ᓄᓇᖓᓂ ᓄᓇᓕᖁᑎᒋᔭᐅᔪᓯ ᓄᓇᒥ ᐱᕈᕐᓰᓇᓱᐊᓕᕆᑦᓯ! ᑭᓇᒧᑦ ᓴᐳᑎᔭᐅᓯᒪᓂᐊᕈᓐᓃᕐᑐᓯ.

ᐂᓮᐊᓯᐅᑉ ᐊᒡᓚᖏᑦ 23:6

ᐱᓃᓯᐊᒥᐅᑕᐅᔪᓯ ᓂᐱᖅᑯᕐᑐᓗᓯ ᕿᐊᓕᕆᑦᓯ ᑖᕐᓯᓯᒧᑦ ᐊᓐᓇᒋᐊᓕᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 60:9

ᐃᒪᐅᑉ ᓯᓇᓂᒥᐅᑦ ᐅᑕᖅᑭᔪᒫᕐᐳᑦ ᐅᕙᓐᓂᒃ, ᐅᒥᐊᕐᔪᐊᑦ ᑖᕐᓯᓯᒥᑦ ᐱᔪᑦ ᑎᑭᖅᑳᕈᒫᕐᐳᑦ, ᐃᕐᓂᑦᓯᓐᓂᒃ ᓇᒃᓴᕐᓗᑎᒃ ᐅᖓᓯᒃᑐᒥᑦ, ᓯᐅᓪᕕᕆᖁᑎᒥᖕᓂᒃ ᒎᓗᖁᑎᒥᖕᓂᒡᓗ ᐱᖃᓯᐅᑦᔨᓗᑎᒃ, ᐊᑕᓂᐅᑉ ᒎᑎᑦᓯ ᐊᑎᖓᓄᑦ, ᐃᓴᕆᐊᓕᑏᓪᓗ ᐃᑦᔪᕐᓁᑦᑐᖁᑎᖓᓐᓄᑦ, ᑖᑦᓱᒪ ᐅᐱᓐᓇᕐᓯᑎᓯᒪᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 66:19

ᓇᓗᓁᒃᑯᑕᖃᕐᑎᑦᓯᔪᒫᕐᐳᖓᓗ ᑖᒃᑯᓇᓂ. “ᑖᒃᑯᓇᓐᖓᓪᓗ ᐊᒥᐊᒃᑰᔪᓂᒃ ᐊᐅᓪᓚᕈᑦᔭᐅᑎᑦᓯᔪᒫᕐᐳᖓ, ᓄᓇᓕᖕᓄᑦ ᑖᕐᓯᓯᒧᑦ, ᓄᓇᓕᖕᓄᓪᓗ ᐴᓕᒧᑦ, ᓗᑦᒧᓪᓗ, ᐱᑎᒃᓯᒥᖕᓂᒃ ᐅᕐᓕᕐᑐᕐᑐᓄᑦ ᑐᐸᐅᓪᒥᐅᓄᑦ, ᔭᕚᓇᒥᐅᓄᓪᓗ, ᐃᒪᐅᓪᓗ ᓯᓈᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐅᖃᐅᑎᒋᔭᐅᓂᓐᓂᒃ ᑐᓴᓚᐅᕐᓯᒪᖏᑦᑐᓄᑦ ᓂᕐᑐᕐᓇᕐᓂᕐᔪᐊᓐᓂᒡᓗ ᑕᑯᓚᐅᕐᓯᒪᖏᑦᑐᓄᑦ; ᑖᒃᑯᐊᓗ ᓂᕐᑐᕐᓇᕐᓂᕐᔪᐊᕋ ᐅᖃᐅᑎᒋᔪᒫᕐᐹᑦ ᐃᓅᖃᑎᒌᒡᔪᐊᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:12

“‘ᑖᕐᓯᓯᒧᑦ ᓂᐅᕐᕈᑎᑲᕆᐊᕐᑐᖃᑦᑕᕐᐳᓯ ᐊᔪᕐᓴᖏᑦᑐᕐᔪᐊᖑᒐᑦᓯ ᓱᓇᓕᒫᓂᒃ; ᓯᐅᓪᕕᕆᓂᒃ, ᓴᕕᕋᔭᖕᓂᒃ, ᓴᕕᕋᔭᖕᓂᒡᓗ ᓵᑦᑐᓂᒃ, ᑯᓯᕐᓯᐊᓂᒡᓗ ᓱᓇᑐᐃᓐᓇᕐᑖᕈᑎᖃᖃᑦᑕᕐᐳᓯ ᐊᑭᓕᐅᑕᐅᔪᓂᒃ ᑕᐅᕐᓰᑦᔪᑎᒋᔭᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:15

ᕉᑎᓯᒥᐅᑦ ᑕᐅᕐᓰᖃᑎᒋᕙᒃᐸᓯ; ᐃᒪᐅᓪᓗ ᓯᓈᓂᒥᐅᑦ ᑕᐅᕐᓰᖃᑎᒋᓂᕐᐹᕆᕙᒡᓗᒋᑦ, ᑖᒃᑯᓇᓐᖓᑦ ᐊᑭᓕᕐᑕᐅᕙᒃᓗᓯ ᑑᒑᕐᓂᒃ ᕿᔪᖕᓂᒡᓗ ᓯᑎᔪᔭᓂᒃ.

ᐂᒨᓯᐅᑉ ᐊᒡᓚᖏᑦ 3:15

ᐃᒡᓗᐃᓪᓗ ᐅᑭᐅᕐᓯᐅᑎᑦ ᐊᐅᔭᕐᓯᐅᑎᓪᓗ ᐊᓇᐅᓂᐊᕐᐸᒃᑲ, ᑑᒑᓪᓗ ᐃᒡᓗᐃᑦ ᓯᑯᒥᓐᓂᐊᕐᐳᑦ, ᐃᒡᓗᑦᓯᐊᕚᓗᐃᓪᓗ ᓄᖑᓪᓗᑎᒃ,” ᐊᑕᓂᖅ ᐅᖃᕐᐳᖅ.

ᔫᓇᐅᑉ ᐊᒡᓚᖏᑦ 1:3

ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᒥᑦ; ᐊᑎᕐᓗᓂᓗ ᔮᐸᒧᑦ ᐅᒥᐊᕐᔪᐊᕐᓯᐅᕐᐳᖅ ᑖᕐᓯᓯᓕᐊᕐᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᕐᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ.