ᐊᑕᓃᑦ ᓯᕗᓪᓖᑦ 10:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᖓᔪᖅᑳᕐᔪᐊᖅ ᐊᖏᔪᒥᒃ ᐃᒃᓯᕙᐅᑕᕐᔪᐊᒥᒃ ᓴᓇᔭᐅᑎᑦᓯᕗᖅ ᐃᓚᖓ ᖄᓕᕐᓯᒪᓪᓗᓂ ᑑᒐᕐᓂᒃ ᐃᓚᖓᓗ ᖄᓕᕐᓯᒪᓪᓗᓂ ᒎᓗᒥᒃ ᐱᐅᓂᕐᐹᒥᒃ.

ᐊᑕᓃᑦ ᓯᕗᓪᓖᑦ 10:18 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 10:19

ᑖᓐᓇ ᐃᒃᓯᕙᐅᑕᕐᔪᐊᖅ ᑐᖕᒥᕌᖃᕐᐳᖅ ᐱᖓᓲᔪᕐᑐᓂᒃ ᖁᒻᒧᑦ, ᐃᒃᓯᕙᐅᑕᕐᔪᐊᑦ ᑐᓄᐊᓂ ᓴᓇᓯᒪᔪᖃᕆᓪᓗᓂ ᐃᒻᒧᒃᓯᐅᒐᐅᑉ ᓄᕐᕋᖓᑕ ᓂᐊᖁᓐᖑᐊᖓᓂᒃ, ᐊᕙᑖᓂᓗ ᐃᑯᓯᖕᒥᒑᖏᑦ ᓛᔭᓐᖑᐊᖃᕐᓗᑎᒃ ᓂᑯᕕᖓᓐᖑᐊᕐᑑᖕᓂᒃ.

ᐊᑕᓃᑦ ᓯᕗᓪᓖᑦ 10:22

ᐅᒥᐊᕐᔪᐊᖁᑎᖃᕐᓗᓂᓗ ᐅᓄᕐᑐᓂᒃ ᐃᒪᕐᕕᖕᒥ ᐃᓚᖃᕐᓗᑎᒃ ᕼᐅᕋᒻ ᐅᒥᐊᕐᔪᐊᖁᑎᖏᓐᓂᒃ. ᐊᕐᕌᒍᑦ ᐱᖓᓱ ᑕᒫᑦ ᐅᒥᐊᕐᔪᐊᖁᑎᖏᑦ ᑖᕐᓯᓯᒥᐅᑦ ᐅᑎᕐᐸᓚᐅᕐᐳᑦ ᓇᒃᓴᕐᓗᑎᒃ ᒎᓗᓂᒃ, ᓯᐅᓪᕕᕆᓂᒃ, ᑑᒑᓂᒡᓗ, ᐂᑉᓂᒡᓗ ᒪᖕᑭᓂᒃ, ᒪᖕᑭᑐᐃᓐᓇᕐᓂᒡᓗ.

ᐊᑕᓃᑦ ᓯᕗᓪᓖᑦ 22:39

ᐂᕼᐊᐱᐅᑉ ᐱᓂᐊᓚᐅᕐᑕᖏᑕ ᐊᓯᖏᑦ ᐱᓇᓱᐊᓚᐅᕐᑕᓕᒫᖏᓪᓗ, ᐃᒡᓗᓕᐅᕐᓂᕆᓚᐅᕐᑕᖓᓗ ᑑᒑᓂᑦ, ᐃᒡᓗᒐᓮᓪᓗ ᐃᒡᓗᓕᐅᓚᐅᕐᑕᖏᑦ, ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᐅᓂᒃᑲᐅᓯᐅᓂᖏᓐᓂ.

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 122:5

ᑕᕝᕙᓂ ᐊᖓᔪᖅᑳᕐᔪᐊᖏᑕ ᐃᒃᓯᕙᐅᑕᕐᔪᐊᖏᑦ ᐃᓕᓯᒪᕗᑦ ᐃᓱᐊᕐᓮᕕᖃᖁᓪᓗᒋᑦ, ᑍᕕᑎᐅᑉ ᑭᖑᕚᖏᑕ ᐃᒃᓯᕙᐅᑕᕐᔪᐊᖏᑦ.

ᐃᓐᖏᕈᑎᑦ 45:6

ᒎᑏ, ᐃᒃᓯᕙᐅᑕᕐᔪᐊᑦ ᑍᒤᓕᖓᓂᐊᕐᐳᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐊᖓᔪᖅᑳᕐᔪᐊᕐᓯᐅᑎᓗ ᐊᔭᐅᑉᐱᐊᑦ ᐃᖅᑲᕐᑐᐃᑦᓯᐊᕐᓂᕐᒧᑦ ᐊᔭᐅᑉᐱᐊᕆᓂᐊᕐᐸᑦ ᐊᑕᓂᐅᕕᖕᓂ.

ᐃᓐᖏᕈᑎᑦ 45:8

ᐊᓐᓄᕌᑎᑦ ᑎᐱᑎᕐᓯᒪᕗᑦ ᒧᕆᒥᒃ ᐋᓘᒥᒡᓗ ᑳᓯᐊᒥᒡᓗ. ᐊᖓᔪᖅᑳᕐᔪᐊᑉ ᐃᒡᓗᖏᓐᓂᑦ ᑑᒑᓂᒃ ᐱᐅᓴᕐᓯᒪᔪᓂᑦ, ᓄᖃᕐᑎᓕᖕᓂᓪᓗ ᓂᓪᓕᐊᑦᔪᑎᓂᑦ, ᖁᕕᐊᓱᒃᑎᑕᐅᕗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 27:6

ᐃᐳᑎᑖᕐᐸᒡᓗᑎᒡᓗ ᓯᑎᔪᔭᓂᒃ ᐆᒃᓂᒃ ᓇᐹᕐᑐᓂᒃ ᐹᓴᓂᒥᑦ ᐱᔪᓂᒃ, ᐅᒥᐊᒥᒡᓗ ᓇᑎᓕᐅᕐᐸᒡᓗᑎᒃ ᕿᔪᑦᓯᐊᓂᒃ ᓮᐸᕋᓯᒥᑦ ᐱᔪᓂᒃ, ᑕᑯᒥᓇᐅᑎᖃᕐᓗᒍ ᑑᒑᓂᒃ.

ᐂᒨᓯᐅᑉ ᐊᒡᓚᖏᑦ 6:4

ᑲᑉᐱᐊᓐᓇᒦᒃ ᐃᓕᑦᓯ ᐃᓐᓇᖓᕙᒃᑐᓯ ᐃᒡᓕᕐᓂ ᑑᒑᕐᓂᒃ ᐱᐅᓴᐅᑎᓕᖕᓂ, ᐃᒃᓯᕙᐅᑖᓗᖕᓂᓗ ᐊᑭᑐᔪᓂ ᓇᓚᕈᕐᐸᒃᑐᓯ, ᓰᐱᖁᑎᑦᓯᓗ ᓄᕐᕋᖏᓐᓂᒃ ᓂᕆᕙᒃᑐᓯ, ᐃᒻᒧᒃᓯᐅᒊᓪᓗ ᓄᕐᕋᖏᓐᓂᒃ ᓂᕆᕙᒃᑐᓯ ᐃᒻᒧᒃᓯᐅᒐᒃᑯᕕᑦᓯᓐᓂᑦ ᐱᔪᓂᒃ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 1:8

ᐃᕐᓂᕐᓕ ᐱᓪᓗᒍ ᐅᖃᓚᐅᕐᐳᖅ, “ᒎᑏ ᐃᒃᓯᕙᐅᑕᕐᔪᐊᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ, ᐊᑕᓂᐅᕖᓪᓗ ᐊᐅᓚᓐᓂᐊᕐᐸᑦ ᐊᔭᐅᑉᐱᐊᕐᓄᑦ ᓇᓛᒎᑦᓯᐊᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:12

ᓂᐅᕕᐊᒃᓴᖁᑎᖃᕐᒪᑕ ᒎᓗᓂᒃ, ᓯᐅᓪᕕᕆᓂᒃ, ᐅᔭᕋᖕᓂᒡᓗ ᐱᐅᓴᐅᑎᓂᒃ, ᓴᐸᖓᕐᓂᒡᓗ, ᖃᓪᓗᓈᕐᑕᑦᓯᐊᓂᒃ ᓵᑦᑐᓂᒃ, ᐊᐅᐸᓪᓚᕆᒃᑐᓂᒃ, ᐱᐊᒃᑐᓂᒡᓗ, ᐊᑭᑐᔪᒃᓴᔭᓂᒡᓗ ᐊᐅᐸᕐᑐᓂᒃ, ᕿᔪᖕᓂᒡᓗ ᐊᑦᔨᒌᖏᑦᑐᓂᒃ ᕿᔪᓯᐊᕙᖕᓂᒃ, ᑑᒑᕐᓂᒡᓗ ᓴᓇᓯᒪᔪᓂᒃ ᐊᒥᓱᓂᒃ, ᕿᔪᖕᓂᒡᓗ ᐊᑭᑐᔪᒃᓴᔭᓂᒃ ᓴᓇᓯᒪᔪᓂᒃ, ᑲᓐᓄᔭᓂᒃ, ᓴᕕᕋᔭᖕᓂᒃ, ᐅᔭᕋᖕᓂᒡᓗ ᒫᕐᐳᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.