ᐊᑕᓃᑦ ᓯᕗᓪᓖᑦ 1:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨ ᓇᒡᔪᕕᓂᖅ ᐸᐅᕐᖓᐅᑉ ᐅᕐᓱᖓᓂᒃ ᐃᒪᓕᒃ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔭᒥᓂᒃ ᑕᕝᕙᓐᖓᑦ ᓲᓗᒨᓂ ᑯᕝᕕᕆᕚ. ᑕᕝᕙ ᑎᑦᑐᓚᐅᑎᑦ ᓂᓪᓕᕐᑎᑕᐅᕗᑦ; ᐃᓄᓕᒫᓪᓗ ᕾᒐᓛᓕᕐᐳᑦ, “ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!”

ᐊᑕᓃᑦ ᓯᕗᓪᓖᑦ 1:39 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 1:25

ᐅᓪᓗᒥ ᐊᐅᓪᓚᕐᐳᖅ, ᑐᓂᕐᕈᓯᕆᐊᕐᑐᕐᓗᓂ ᐅᓄᕐᑐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᓄᕐᕋᓂᒡᓗ ᖁᐃᒃᑎᑦᓯᐊᖑᓯᒪᔪᓂᒃ, ᕾᖁᔨᓪᓗᓂ ᐊᖓᔪᖅᑳᕐᔪᐊᑉ ᐃᕐᓂᓕᒫᖏᓐᓂᒃ, ᔪᐊᐱᒥᒡᓗ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ, ᑕᑯᒋᓪᓗ, ᒫᓐᓇ ᓂᕆᕕᒡᔪᐊᕐᐳᑦ ᐃᒥᕐᓗᑎᒡᓗ ᑖᑦᓱᒪ ᓵᖓᓂ ᕾᒐᓛᕐᓗᑎᒃ ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᐊᑐᓁᔭ!’

ᐊᑕᓃᑦ ᓯᕗᓪᓖᑦ 1:34

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᐊᑕᓃᑦ ᓯᕗᓪᓖᑦ 1:40

ᑕᒪᕐᒥᒃ ᑕᕝᕙ ᒪᓕᓕᕐᐹᑦ ᐅᑎᓕᕐᓗᑎᒃ, ᕾᒐᓛᕐᐳᑦ ᖁᕕᐊᓱᒡᓗᑎᒃ ᓱᐴᒊᑦ ᓂᓪᓕᐊᑎᑕᐅᕗᑦ, ᖁᕕᐊᓱᒃᐳᑦ ᐊᖏᔪᕐᔪᐊᒥᒃ ᖁᕕᐊᓱᒡᓗᑎᒃ, ᓂᐱᖃᓕᕐᒪᑦ ᐊᒡᓛᑦ ᓄᓇ ᓴᔪᒃᑎᑕᐅᕗᖅ.

ᐊᑕᓃᑦ ᓯᕗᓪᓖᑦ 2:15

ᐊᑐᓁᐊ ᐅᖃᕐᐳᖅ, “ᖃᐅᔨᒪᔪᑎᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᓚᐅᕋᓗᐊᕋᒪ, ᐃᓴᕆᐊᓕᒥᐅᓕᒫᓪᓗ ᑕᒪᑐᒥᖓ ᓂᕆᐅᒋᔭᖃᓚᐅᕐᓱᑎᒃ, ᑕᒪᓐᓇ ᑭᓯᐊᓂ ᑍᒤᓯᒪᖏᒻᒪᑦ, ᓄᑲᕋ ᐊᖓᔪᖅᑳᕐᔪᐊᓐᖑᖔᕐᓯᒪᖕᒪᑦ ᐊᑕᓂᐅᑉ ᐱᔪᒪᔭᖓ ᒪᓕᒡᓗᒍ.

ᐊᑕᓃᑦ ᐂᑉᐸᖏᑦ 11:12

ᔨᕼᐅᐃᐊᑕᐅᑉ ᐊᖓᔪᖅᑳᕐᔪᐊᑉ ᐃᕐᓂᖓ ᓴᖅᑭᑎᓪᓗᓂᐅᒃ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᐹ; ᑐᓂᓪᓗᓂᐅᒡᓗ ᐊᖏᖃᑎᒌᒃᓯᒪᓂᖏᑕ ᓇᓗᓁᕐᑕᐅᑦᔪᑎᖏᓐᓂᒃ ᐊᖓᔪᖅᑳᕐᔪᐊᖑᓕᕐᓂᖓᓗ ᓇᓗᓁᕐᓗᒍ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᕚᑦ; ᐃᓄᐃᑦ ᐸᑦᑕᒃᑐᕐᓗᑎᒃ ᓂᐱᒋᒃᑑᓪᓗᑎᒃ ᓂᓪᓕᐊᕗᑦ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᐊᑕᓃᑦ ᐂᑉᐸᖏᑦ 11:14

ᑕᑯᒐᒥᓗ ᐊᖓᔪᖅᑳᕐᔪᐊᕐᒥᒃ, ᓇᖏᕐᑐᒥᒃ ᓇᐸᔪᐊᓗᐃᑦ ᓴᓂᐊᓂ ᐱᐅᓯᕆᔭᐅᓲᖅ ᒪᓕᒡᓗᒍ. ᐅᓇᑕᕐᑏᑦ ᐊᖓᔪᖅᑳᖏᑦ ᓱᐴᒐᕐᑏᓪᓗ ᓴᓂᐊᓂ ᓇᖏᕐᓗᑎᒃ, ᐃᓅᓕᒫᓗ ᓇᑭᑐᐃᓐᓇᖅ ᐱᓯᒪᔪᑦ ᑕᕝᕙᓃᑉᐳᑦ ᖁᕕᐊᓱᒃᑐᐊᓘᓪᓗᑎᒃ ᓱᐴᒐᕐᓂᒡᓗ ᓂᓪᓕᐊᑎᑦᓯᓪᓗᑎᒃ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᐰᑦ ᓂᐱᑭᑦᑑᓪᓗᓂᓗ ᐅᖃᕐᐳᖅ, “ᐊᑭᕋᕐᑐᕐᑎᐅᕗᓯ! ᐊᑭᕋᕐᑐᕐᑎᐅᕗᓯ!”

ᐊᑕᓃᑦ ᐂᑉᐸᖏᑦ 9:1

ᐃᓔᓴ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᖁᔨᕗᖅ ᐊᖑᒻᒥᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᐃᓚᖓᓐᓂᒃ ᐅᖃᐅᑎᓪᓗᓂᐅᒡᓗ, “ᐸᕐᓁᓕᕆᑦ ᐂᓗᑎᓪᓗ ᕌᒪᑦ-ᒋᓖᑦᒧᑦ ᐅᓇ ᐅᕐᓱᖅ ᓇᒃᓴᕐᓗᒍ.

ᐊᑕᓃᑦ ᐂᑉᐸᖏᑦ 9:13

ᑕᕝᕙ ᑐᐊᕖᓐᓇᖅ ᐅᓕᒡᔪᐊᒥᖕᓂᒃ ᐃᓯᕕᑦᓯᕗᑦ ᑐᖕᒥᕌᓄᑦ ᖁᖁᐊᕈᒻᒥᒡᓗ ᓂᓪᓕᕐᑎᑦᓯᓪᓗᑎᒃ ᓂᐱᖅᑯᕐᑐᓪᓗᑎᒃ ᐅᖃᕐᐳᑦ, “ᔨᕼᐆ ᐊᖓᔪᖅᑳᕐᔪᐊᖑᓕᕐᐳᖅ!”

ᑯᕉᓂᑲ ᓯᕗᓪᓖᑦ 29:22

ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

ᑯᕉᓂᑲ ᐂᑉᐸᖏᑦ 23:11

ᑕᕝᕙ ᐊᖓᔪᖅᑳᕐᔪᐊᑉ ᐃᕐᓂᖓ ᑕᕝᕗᓐᖓᐅᑎᕚ, ᐊᖓᔪᖅᑳᕐᔪᐊᕐᓯᐅᒻᒥᒡᓗ ᓂᐊᖂᑎᒥᒃ ᐊᑎᑎᑉᐹ, ᐱᖁᔭᓂᒡᓗ ᑐᓂᓯᕕᒋᕚ; ᓂᓪᓕᕐᓗᑎᒡᓗ ᐊᖓᔪᖅᑳᕐᔪᐊᓐᖑᕐᓂᕋᕐᐹᑦ, ᑕᕝᕙ ᔨᕼᐅᐃᐊᑕᐅᑉ ᐃᕐᓂᖏᑕᓗ ᐅᕐᓱᕐᑎᕐᐹᑦ ᑎᓕᓪᓗᒍ, ᐅᖃᕐᓗᑎᒡᓗ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᑯᕉᓂᑲ ᐂᑉᐸᖏᑦ 23:13

ᑕᑯᓴᕋᒥᓗ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᓇᖏᕐᑐᒥᒃ ᐃᑎᕆᐊᕐᕕᐅᑉ ᓱᑲᖓᑕ ᓴᓂᐊᓂ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᑦᑐᓚᐅᓯᔭᕐᑏᓪᓗ ᐊᖓᔪᖅᑳᕐᔪᐊᑉ ᓴᓂᐊᓃᑉᐳᑦ, ᐃᓄᓕᒫᓪᓗ ᓄᓇᓖᑦ ᖁᕕᐊᓱᒃᐳᑦ ᑎᑦᑐᓚᐅᑎᓄᓪᓗ ᓂᓪᓕᐊᑎᑦᓯᓪᓗᑎᒃ, ᐃᓐᖏᕐᑏᓪᓗ ᓂᑦᔭᐅᓯᔭᕐᑐᑦ ᓯᕗᓕᕐᓗᑎᒃ ᖁᕕᐊᓲᑎᖃᕐᐳᑦ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᓗᒋᑦ ᐅᖃᕐᐳᖅ, “ᐊᑭᕋᕐᑐᓕᕐᐳᓯ! ᐊᑭᕋᕐᑐᓕᕐᐳᓯ!”

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᒨᓯᓯ ᐂᑉᐸᖏᑦ 30:35

ᑕᒪᒃᑯᐊ ᐊᑐᕐᓗᒋᑦ ᐃᓯᕐᓗᐊᕐᓂᒍᑎᒃᓴᓕᐅᕐᑐᒃᓴᐅᕗᑎᑦ, ᑲᑎᓯᒪᓗᒋᑦ ᑎᐱᑦᓯᐊᕆᒃᓴᐅᑎᑎᑐᑦ. ᑕᕆᐅᓕᕐᓗᒋᓪᓗ ᓴᓗᒪᑦᓯᐊᖏᓐᓇᖁᓪᓗᒋᑦ ᐃᑦᔪᕐᓁᖁᓪᓗᒋᓪᓗ.

ᓴᒧᐃᓕ ᓯᕗᓪᓖᑦ 10:24

ᓴᒧᐃᓕᐅᓪᓗ ᐃᓄᓕᒫᑦ ᐅᖃᐅᑎᕔᑦ, “ᑕᑯᕕᓯᐅᑉ ᑖᓐᓇ ᐊᑕᓂᐅᑉ ᓂᕈᐊᕐᑕᖓ, ᑖᓐᓇ ᐊᑦᔨᒋᔭᐅᓐᖏᓚᖅ ᐃᓄᓕᒫᓂᑦ.” ᐃᓄᓕᒫᓪᓗ ᕾᒐᓛᓕᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᓴᒧᐃᓕ ᓯᕗᓪᓖᑦ 16:13

ᑕᕝᕙ ᓴᒧᐃᓕᐅᑉ ᓇᒡᔪᒃ ᐅᕐᓱᒥᒃ ᐃᒪᓕᒃ ᑎᒍᕚ, ᐅᕐᓱᕐᑎᕐᓗᒍᓗ ᖃᑕᓐᖑᑎᖏᑦ ᑕᑯᓐᓇᕐᑎᓪᓗᒋᑦ; ᐊᑕᓂᐅᓪᓗ ᐊᓂᕐᓂᖓᑕ ᐱᔪᓐᓇᕐᓂᖓ ᑍᕕᑎᒧᐊᕐᐳᖅ ᐅᓪᓗᒥ ᑕᕝᕙᓂ ᓇᔪᐃᓐᓇᓕᕐᓗᒍᓗ. ᓴᒧᐃᓕᓗ ᒪᑭᓐᓇᒥ, ᕌᒪᒧᐊᕐᐳᖅ.