ᐊᑕᓃᑦ ᓯᕗᓪᓖᑦ 1:38 - ᐊᒡᓔᑦ ᐃᑦᔪᕐᖕᓁᑦᑐᑦ

³⁸ ᑖᒃᑯᐊ ᔭᑑᒃ ᑐᓂᕐᕈᓯᕐᑎᑦᓯᔨ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥ ᐅᖃᕐᑎᖓ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᓲᓗᒨᓂ ᐊᖓᔪᖅᑳᕐᔪᐊᑉ ᑍᕕᑎᐅᑉ ᓯᐅᑎᖅᑯᕐᑐᔪᖁᑎᖓᓄᑦ ᐃᑭᑎᑉᐹᑦ, ᒋᕼᐅᓂᒧᐊᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 1:38 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 13:29

ᑕᕝᕙ ᐱᔩᑦ ᒪᓕᓚᐅᕐᐳᑦ ᐱᖁᔭᐅᑦᔪᑎᒥᖕᓂᒃ ᐋᑉᓴᓚᒻᒧᑦ ᑐᖁᓚᐅᕐᐹᓪᓗ ᐋᒻᓇᓐ. ᑕᕝᕙ ᑍᕕᑎᐅᑉ ᐃᕐᓂᓕᒫᖏᑦ ᒪᑭᓪᓗᑎᒃ, ᓯᐅᑎᖁᕐᑐᔪᒥᓄᐊᕐᓗᑎᒃ ᕿᒪᒃᓯᕗᑦ.

ᓴᒧᐃᓕ ᐂᑉᐸᖏᑦ 15:18

ᐊᖓᔪᖅᑳᖁᑎᖏᑦ ᓴᓂᐊᓂ ᓇᖏᕐᑎᓪᓗᒋᑦ ᓴᐳᓐᓂᐊᕐᑏᑦ ᓯᕆᑍᑏᑦ, ᐱᓕᑍᑏᓪᓗ ᓵᖓᒍᑦ ᖄᖏᓚᐅᕐᐳᑦ, ᐅᓇᑕᕐᑐᒃᓮᓪᓗ 600 ᒋᑍᑎᒥᐅᑦ ᒪᓕᒃᑐᑦ ᒑᑎᒥᑦ ᖄᖏᓚᐅᕆᕗᑦ, ᐊᖓᔪᖅᑳᕐᔪᐊᑉ ᓯᕗᕌᒍᑦ.

ᓴᒧᐃᓕ ᐂᑉᐸᖏᑦ 20:7

ᑕᕝᕙ ᔪᐊᐱᐅᑉ ᐃᓄᖁᑎᖏᑦ, ᐊᖓᔪᖅᑳᕐᔪᐊᓪᓗ ᓴᐳᓐᓂᐊᕐᑎᖏᑦ ᓯᕆᑍᑏᑦ ᐱᓕᑍᑏᓪᓗ, ᐅᓇᑕᕐᑐᒃᓴᓕᒫᓪᓗ ᔨᕉᓴᓕᒥᑦ ᐊᐅᓪᓚᕐᐳᑦ ᐊᐱᓮ ᐃᓚᒋᓪᓗᒍ ᒪᓕᒃᓴᕐᓗᑎᒃ ᓰᐸᒥᒃ ᐱᑭᕆᐅᑉ ᐃᕐᓂᖓᓂᒃ.

ᓴᒧᐃᓕ ᐂᑉᐸᖏᑦ 8:18

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᑲᒪᔨᐅᓚᐅᕐᐳᖅ ᓴᐳᓐᓂᐊᕐᑎᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 1:26

ᐅᕙᖓᓕ ᐱᔩᑦ, ᔭᑑᒃᓗ ᑐᓂᕐᕈᓯᕐᑎᑦᓯᔨ, ᐱᓁᐊᓘᓐᓃᑦ ᔨᕼᐅᐃᐊᑕᐅᑉ ᐃᕐᓂᖓ, ᐱᔩᓪᓘᓐᓃᑦ ᓲᓗᒨᓂ ᕾᖁᔭᐅᓚᐅᓐᖏᓚᒍᑦ.

ᐊᑕᓃᑦ ᓯᕗᓪᓖᑦ 1:33

ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑉ ᐱᔨᖏᑦ ᐃᓚᒋᓗᒋᑦ, ᐃᕐᓂᕋ ᓲᓗᒨᓂ ᐃᑭᑎᓪᓗᒍ ᓇᖕᒥᓂᖅ ᓯᐅᑎᖅᑯᕐᑐᔪᖁᑎᓐᓄᑦ ᒋᕼᐅᓂᓕᐊᕈᑎᓯᐅᒃ;

ᐊᑕᓃᑦ ᓯᕗᓪᓖᑦ 1:8

ᔭᑑᒃᓕ ᑐᓂᕐᕈᓯᕐᑎᑦᓯᔨ, ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ, ᓁᑕᓂᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ, ᓯᒥᐂᓗ, ᕆᐂᓗ, ᑍᕕᑎᐅᓪᓗ ᓴᐳᓐᓂᐊᕐᑎᖏᑦ ᐊᔪᖏᑦᑐᕐᔪᐊᑦ ᐊᑐᓁᔭᒥᒃ ᐃᑲᔪᕐᑐᓚᐅᓐᖏᓚᑦ.

ᐊᑕᓃᑦ ᓯᕗᓪᓖᑦ 2:15

ᐊᑐᓁᐊ ᐅᖃᕐᐳᖅ, “ᖃᐅᔨᒪᔪᑎᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᓚᐅᕋᓗᐊᕋᒪ, ᐃᓴᕆᐊᓕᒥᐅᓕᒫᓪᓗ ᑕᒪᑐᒥᖓ ᓂᕆᐅᒋᔭᖃᓚᐅᕐᓱᑎᒃ, ᑕᒪᓐᓇ ᑭᓯᐊᓂ ᑍᒤᓯᒪᖏᒻᒪᑦ, ᓄᑲᕋ ᐊᖓᔪᖅᑳᕐᔪᐊᓐᖑᖔᕐᓯᒪᖕᒪᑦ ᐊᑕᓂᐅᑉ ᐱᔪᒪᔭᖓ ᒪᓕᒡᓗᒍ.

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᑯᕉᓂᑲ ᓯᕗᓪᓖᑦ 18:17

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᕗᖅ ᓴᐳᓐᓂᐊᕐᑎᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᕗᑦ ᐊᖓᔪᖅᑳᖁᑎᒋᔭᐅᔪᓄᑦ ᐊᖓᔪᖅᑳᕐᔪᐊᒧᑦ.

ᔨᐸᓁᐊᐅᑉ ᐊᒡᓚᖏᑦ 2:5

ᑲᑉᐱᐊᓐᓇᒦᖑᔪᓯ ᑕᕆᐅᑉ ᓯᓈᓂ ᓄᓇᖃᕐᑐᓯ, ᐃᓅᖃᑎᒌᖑᔪᓯᓗ ᓯᕆᑍᑎᓄᑦ ᐊᑕᓂᐅᑉ ᐅᖃᐅᓯᖓᑕ ᐊᑭᕋᕐᑐᕐᒪᓯ, ᑬᓇᓁᒥᐅᖑᔪᓯ ᐱᓕᔅᑍᓂᒦᑦᑐᓯ; ᐊᓯᕈᕈᒪᕙᑦᓯ ᓄᓇᖃᕐᑐᓕᒫᑦ ᐊᒥᐊᒃᑯᖏᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 9:9

ᖁᕕᐊᓱᕕᒡᔪᐊᕆᑦᓯ, ᓮᐅᓂᐅᑉ ᐸᓂᐊ! ᕾᒐᓛᕆᑦ ᔨᕉᓴᓕᐅᑉ ᐸᓂᐊ! ᑕᑯᒋᑦ, ᐊᖓᔪᖅᑳᕐᔪᐊᓯ ᑎᑭᓕᕐᒪᑦ ᐃᓕᑦᓯᓐᓄᑦ! ᑖᓐᓇ ᐱᓂᐊᕐᓂᒥᒍᑦ ᐊᑦᔨᒌᒃᑎᑦᓯᔪᖅ, ᐱᐅᓕᔭᐅᓂᕐᒥᒡᓗ ᐱᖃᕐᓗᓂ; ᒥᑭᒡᓕᑎᕐᓯᒪᕗᖅ, ᓯᐅᑎᖅᑯᕐᑐᔪᒥ ᐃᑭᒪᓪᓗᓂ, ᓯᐅᑎᖅᑯᕐᑐᔫᑉ ᓄᕐᕋᖓᓂ.

ᓴᒧᐃᓕ ᓯᕗᓪᓖᑦ 30:14

ᐅᓇᑕᕆᐊᓚᐅᕐᐳᒍᑦ ᓯᕆᑍᑎᓄᑦ ᔫᑕᐅᑉ ᓯᕿᓂᖓᓃᑦᑐᒧᑦ ᓂᒋᑉᒧᑦ ᑬᓚᐱᐅᓪᓗ ᓄᓇᖁᑎᖓᓄᑦ, ᔨᒡᓛᒡᒥᐅᓪᓗ ᐃᑯᐊᓪᓚᓚᐅᕐᐸᕗᑦ.”