ᐊᑕᓃᑦ ᓯᕗᓪᓖᑦ 1:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᐊᑕᓃᑦ ᓯᕗᓪᓖᑦ 1:34 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 15:10

ᑭᓯᐊᓂᓕ ᐃᔨᕋᕐᑐᕐᓗᓂ ᐅᖃᕆᐊᕐᑐᕐᑎᑦᓯᓚᐅᕐᐳᖅ ᐃᓴᕆᐊᓕᒥᐅᑦ ᑭᖑᕚᓕᒫᖏᓐᓄᑦ ᐃᒫᒃ ᐅᖃᖁᓪᓗᒋᑦ, “ᑎᑦᑐᓚᐅᑎᓂᒃ ᑐᓴᑐᐊᕈᑦᓯ, ᕾᒐᓛᓛᕐᐳᓯ, ‘ᐋᑉᓴᓚᒻ ᐊᖓᔪᖅᑳᕐᔪᐊᕈᕐᐳᖅ ᕼᐃᐸᕋᓐᒥ!’”

ᓴᒧᐃᓕ ᐂᑉᐸᖏᑦ 2:4

ᔫᑕᐅᓪᓗ ᐃᓄᖏᑕ ᐅᐸᒃᐹᑦ ᕼᐃᐸᕋᓐᒧᑦ, ᑕᕝᕙᓂᓗ ᑍᕕᑎ ᐅᕐᓱᕐᑎᕐᐹᑦ ᐊᖓᔪᖅᑳᕐᔪᐊᓐᖑᕐᑎᓪᓗᒍ ᔫᑕᒥᐅᓄᑦ. ᑍᕕᑎᓗ ᐅᖃᐅᑎᕚᑦ “ᔭᐲᓯ-ᒋᓖᑎᒥᐅᑦ ᐃᓗᕕᕐᓯᓚᐅᕐᐳᑦ ᓴᐅᓕᒥᒃ.”

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᐊᑕᓃᑦ ᓯᕗᓪᓖᑦ 1:25

ᐅᓪᓗᒥ ᐊᐅᓪᓚᕐᐳᖅ, ᑐᓂᕐᕈᓯᕆᐊᕐᑐᕐᓗᓂ ᐅᓄᕐᑐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᓄᕐᕋᓂᒡᓗ ᖁᐃᒃᑎᑦᓯᐊᖑᓯᒪᔪᓂᒃ, ᕾᖁᔨᓪᓗᓂ ᐊᖓᔪᖅᑳᕐᔪᐊᑉ ᐃᕐᓂᓕᒫᖏᓐᓂᒃ, ᔪᐊᐱᒥᒡᓗ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ, ᑕᑯᒋᓪᓗ, ᒫᓐᓇ ᓂᕆᕕᒡᔪᐊᕐᐳᑦ ᐃᒥᕐᓗᑎᒡᓗ ᑖᑦᓱᒪ ᓵᖓᓂ ᕾᒐᓛᕐᓗᑎᒃ ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᐊᑐᓁᔭ!’

ᐊᑕᓃᑦ ᓯᕗᓪᓖᑦ 1:35

ᐅᑎᓕᕈᑦᓯ ᒪᓕᒡᓗᓯᐅᒃ ᐃᒃᓯᕙᐅᑕᕐᔪᐊᓐᓄᑦ ᐃᖏᑎᑕᒃᓴᕆᕙᓯ; ᑖᓐᓇ ᐊᖓᔪᖅᑳᕐᔪᐊᓐᖑᕐᓂᐊᕐᒪᑦ ᐃᓇᖏᕐᓗᖓ; ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒧᑦ ᔫᑕᒧᓪᓗ.”

ᐊᑕᓃᑦ ᓯᕗᓪᓖᑦ 1:39

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨ ᓇᒡᔪᕕᓂᖅ ᐸᐅᕐᖓᐅᑉ ᐅᕐᓱᖓᓂᒃ ᐃᒪᓕᒃ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔭᒥᓂᒃ ᑕᕝᕙᓐᖓᑦ ᓲᓗᒨᓂ ᑯᕝᕕᕆᕚ. ᑕᕝᕙ ᑎᑦᑐᓚᐅᑎᑦ ᓂᓪᓕᕐᑎᑕᐅᕗᑦ; ᐃᓄᓕᒫᓪᓗ ᕾᒐᓛᓕᕐᐳᑦ, “ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!”

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 11:12

ᔨᕼᐅᐃᐊᑕᐅᑉ ᐊᖓᔪᖅᑳᕐᔪᐊᑉ ᐃᕐᓂᖓ ᓴᖅᑭᑎᓪᓗᓂᐅᒃ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᐹ; ᑐᓂᓪᓗᓂᐅᒡᓗ ᐊᖏᖃᑎᒌᒃᓯᒪᓂᖏᑕ ᓇᓗᓁᕐᑕᐅᑦᔪᑎᖏᓐᓂᒃ ᐊᖓᔪᖅᑳᕐᔪᐊᖑᓕᕐᓂᖓᓗ ᓇᓗᓁᕐᓗᒍ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᕚᑦ; ᐃᓄᐃᑦ ᐸᑦᑕᒃᑐᕐᓗᑎᒃ ᓂᐱᒋᒃᑑᓪᓗᑎᒃ ᓂᓪᓕᐊᕗᑦ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᐊᑕᓃᑦ ᐂᑉᐸᖏᑦ 11:14

ᑕᑯᒐᒥᓗ ᐊᖓᔪᖅᑳᕐᔪᐊᕐᒥᒃ, ᓇᖏᕐᑐᒥᒃ ᓇᐸᔪᐊᓗᐃᑦ ᓴᓂᐊᓂ ᐱᐅᓯᕆᔭᐅᓲᖅ ᒪᓕᒡᓗᒍ. ᐅᓇᑕᕐᑏᑦ ᐊᖓᔪᖅᑳᖏᑦ ᓱᐴᒐᕐᑏᓪᓗ ᓴᓂᐊᓂ ᓇᖏᕐᓗᑎᒃ, ᐃᓅᓕᒫᓗ ᓇᑭᑐᐃᓐᓇᖅ ᐱᓯᒪᔪᑦ ᑕᕝᕙᓃᑉᐳᑦ ᖁᕕᐊᓱᒃᑐᐊᓘᓪᓗᑎᒃ ᓱᐴᒐᕐᓂᒡᓗ ᓂᓪᓕᐊᑎᑦᓯᓪᓗᑎᒃ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᐰᑦ ᓂᐱᑭᑦᑑᓪᓗᓂᓗ ᐅᖃᕐᐳᖅ, “ᐊᑭᕋᕐᑐᕐᑎᐅᕗᓯ! ᐊᑭᕋᕐᑐᕐᑎᐅᕗᓯ!”

ᐊᑕᓃᑦ ᐂᑉᐸᖏᑦ 9:13

ᑕᕝᕙ ᑐᐊᕖᓐᓇᖅ ᐅᓕᒡᔪᐊᒥᖕᓂᒃ ᐃᓯᕕᑦᓯᕗᑦ ᑐᖕᒥᕌᓄᑦ ᖁᖁᐊᕈᒻᒥᒡᓗ ᓂᓪᓕᕐᑎᑦᓯᓪᓗᑎᒃ ᓂᐱᖅᑯᕐᑐᓪᓗᑎᒃ ᐅᖃᕐᐳᑦ, “ᔨᕼᐆ ᐊᖓᔪᖅᑳᕐᔪᐊᖑᓕᕐᐳᖅ!”

ᐊᑕᓃᑦ ᐂᑉᐸᖏᑦ 9:3

ᑖᓐᓇ ᐅᕐᓱᖅ ᐊᓕᒎᕐᒦᑦᑐᖅ ᐱᓗᒍ ᓂᐊᖁᐊᓄᑦ ᑯᕕᓗᒍ ᐅᖃᕐᓂᐊᕐᐳᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᖑᓕᖁᓪᓗᑎᑦ ᐃᓴᕆᐊᓕᒥᐅᓄᑦ.’ ᐱᔭᕇᑐᐊᕈᕕᑦ ᐊᓂᓗᑎᑦ ᐅᓪᓚᒃᓯᓂᐊᕐᐳᑎᑦ, ᓄᖅᑲᕐᑍᓕᓗᑎᑦ.”

ᐊᑕᓃᑦ ᐂᑉᐸᖏᑦ 9:6

ᔨᕼᐆ ᓂᑯᕕᓪᓗᓂ ᐃᒡᓗᒧᑦ ᐃᑎᕐᐳᖅ ᑕᕝᕙ ᑖᑦᓱᒪ ᐊᖑᑎᐅᑉ ᒎᑎᒧᑦ ᐅᖃᕐᑎᒋᔭᐅᔫᑉ ᐅᕐᓱ ᔨᕼᐅᑉ ᓂᐊᖁᖓᓄᑦ ᑯᕕᓪᓗᒍ ᐅᖃᐅᑎᕚ, “ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 23:11

ᑕᕝᕙ ᐊᖓᔪᖅᑳᕐᔪᐊᑉ ᐃᕐᓂᖓ ᑕᕝᕗᓐᖓᐅᑎᕚ, ᐊᖓᔪᖅᑳᕐᔪᐊᕐᓯᐅᒻᒥᒡᓗ ᓂᐊᖂᑎᒥᒃ ᐊᑎᑎᑉᐹ, ᐱᖁᔭᓂᒡᓗ ᑐᓂᓯᕕᒋᕚ; ᓂᓪᓕᕐᓗᑎᒡᓗ ᐊᖓᔪᖅᑳᕐᔪᐊᓐᖑᕐᓂᕋᕐᐹᑦ, ᑕᕝᕙ ᔨᕼᐅᐃᐊᑕᐅᑉ ᐃᕐᓂᖏᑕᓗ ᐅᕐᓱᕐᑎᕐᐹᑦ ᑎᓕᓪᓗᒍ, ᐅᖃᕐᓗᑎᒡᓗ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᐃᓐᖏᕈᑎᑦ 89:36

ᑭᖑᕚᖓ ᐃᓱᖃᖏᑦᑐᒧᑦ ᐱᔪᒫᕐᐳᖅ, ᐊᖓᔪᖅᑲᐅᕕᖓᓗ ᓯᕿᓂᖃᕐᓂᓕᒫᖓᓂ ᑲᒪᒋᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 45:1

“ᐊᑕᓂᖅ ᐃᒫᒃ ᐅᖃᕐᐳᖅ, ᐅᕐᓱᕐᑎᕐᓯᒪᔭᒥᓄᑦ ᓮᕋᓯᒧᑦ, ᑖᓐᓇ ᑕᓕᕐᐱᖓᒍᑦ ᑎᒍᕙᕋ ᓵᓚᖃᖁᓪᓗᒍ ᐃᓅᖃᑎᒌᒡᔪᐊᓂᒃ ᓯᕗᓂᕐᒥᓃᑦᑐᓂᒃ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᕐᔪᐊᕐᓯᐅᑎᖏᓐᓂᒃ ᐲᔧᖁᓪᓗᒍ, ᐅᒃᑯᐊᕐᔪᐊᓂᒃ ᒪᕐᕉᓕᖓᔪᓂᒃ ᐅᒃᑯᐃᕐᓯᑦᔪᑎᔪᒫᕐᐸᕋ ᐃᑎᕐᑕᕐᕖᓪᓗ ᐅᒃᑯᐊᕐᑕᐅᔪᓐᓇᕐᓂᐊᓐᖏᓚᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 10:24

ᓴᒧᐃᓕᐅᓪᓗ ᐃᓄᓕᒫᑦ ᐅᖃᐅᑎᕔᑦ, “ᑕᑯᕕᓯᐅᑉ ᑖᓐᓇ ᐊᑕᓂᐅᑉ ᓂᕈᐊᕐᑕᖓ, ᑖᓐᓇ ᐊᑦᔨᒋᔭᐅᓐᖏᓚᖅ ᐃᓄᓕᒫᓂᑦ.” ᐃᓄᓕᒫᓪᓗ ᕾᒐᓛᓕᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᓴᒧᐃᓕ ᓯᕗᓪᓖᑦ 16:3

ᔨᓯᓗ ᕾᖁᓗᒍ ᑐᓂᕐᕈᓯᕆᐊᕐᑐᖁᔭᒃᓴᕆᕙᑦ, ᖃᐅᔨᑎᑦᓱᒫᕐᐸᒋᑦ ᖃᓄᐃᓕᐅᕐᑐᒃᓴᐅᓂᕐᓂᒃ; ᐅᕐᓱᕐᑎᕐᑕᒃᓴᕆᕙᓪᓗ ᑍᓐᓇ ᐊᑎᖓ ᑍᔭᕋ.”