ᐊᑕᓃᑦ ᓯᕗᓪᓖᑦ 1:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᒤᒻᒪᑦ ᐱᔨᖏᑦ ᑖᑦᓱᒧᖓ ᐅᖃᓕᕐᐳᑦ, “ᐊᖓᔪᖅᑳᕐᔪᐊᖅ ᐃᓅᓱᒃᑐᒥᒃ ᐊᕐᓇᒥᒃ ᓇᓂᓯᑦᔪᑎᔪᒪᓕᕋᑦᑎᒋᑦ ᐱᔨᑦᓯᕋᕐᑎᒋᓂᐊᕐᑕᕐᓂᒃ. ᐃᕝᕕᑦ ᓴᓂᐊᓂ ᓇᓚᓗᓂ ᑖᑦᓱᒧᖓ ᐅᖅᑰᑎᑕᐅᓂᐊᕋᕕᑦ.”

ᐊᑕᓃᑦ ᓯᕗᓪᓖᑦ 1:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 16:5

ᑕᕝᕙ ᓴᕅ ᐅᖃᕐᐳᖅ ᐂᑉᕋᒻᒧᑦ, “ᓈᒻᒪᖏᑦᑐᓕᕕᐅᓂᕋ ᐃᕝᕕᑦ ᓵᑕᒃᓴᐅᑦᔪᑎᒃᓴᕆᕙᑦ! ᐱᔨᒐ ᑐᓂᓚᐅᕋᒃᑯ ᐃᓕᖕᓄᑦ, ᑍᒪᓐᖓᓪᓕ ᓄᑕᕋᒃᓴᖃᓕᕐᓂᕐᒥᓂᒃ ᖃᐅᔨᑐᐊᕋᒥ, ᐅᕙᓐᓂᒃ ᐆᒥᓱᓕᕐᐳᖅ. ᐊᑕᓂᕐᓕ ᓇᖕᒥᓂᖅ ᖃᐅᔨᓴᕐᓕ ᓇᓕᕐᐳᒃ ᑕᒻᒪᕐᓯᒪᖕᒪᖔᑦ ᐃᕝᕕᓪᓘᓐᓃᑦ ᐅᕙᖓᓘᓐᓃᑦ!”

ᓴᒧᐃᓕ ᐂᑉᐸᖏᑦ 12:3

ᐊᒃᓱᔪᕐᓕ ᐊᑕᐅᓯᕐᒥᒃ ᓄᕐᕋᐅᔭᖁᑎᖃᓚᐅᕐᐳᖅ, ᓂᐅᕕᐊᕆᓚᐅᕐᑕᒥᓂᒃ. ᑲᒪᒋᑦᓯᐊᓚᐅᕐᐹ ᐱᕈᓚᐅᕐᐳᕐᓗ ᐊᖏᕐᕋᖓᓂ ᕿᑐᕐᖓᖏᓐᓂᓗ; ᓂᕆᑎᖃᑦᑕᓚᐅᕐᐹᓗ ᓂᕿᒥᓂᑦ, ᐃᒥᕐᑎᑉᐸᒡᓗᓂᐅᓪᓗ ᐃᒥᐅᑎᒥᓂᑦ, ᓴᕐᓕᐊᕐᐸᒡᓗᓂᐅᒡᓗ, ᓄᕐᕋᐅᔮᕐᑐᕐᓗ ᑖᑦᓱᒪ ᐸᓂᒋᔫᔮᓚᐅᕐᐹ.

ᐊᑕᓃᑦ ᓯᕗᓪᓖᑦ 1:1

ᐊᖓᔪᖅᑳᕐᔪᐊᖅ ᑍᕕᑎ ᐃᑦᑐᒻᒪᕆᐅᓕᕐᑎᓪᓗᒍ ᐅᓄᕐᑐᓂᒃ ᐊᕐᕌᒍᖃᓕᕐᓱᓂ, ᐱᔨᖏᑕ ᕿᐲᖕᓄᑦ ᐅᖅᑰᓯᑎᓐᓇᓱᖃᑦᑕᕋᓗᕐᐊᒪᑦᔪᑦ, ᐅᖅᑰᓯᔪᓐᓁᓪᓕᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 1:3

ᑕᕝᕙ ᕿᓂᓕᓚᐅᕐᐳᑦ ᐃᓴᕆᐊᓕᒥᐅᓂ ᐃᓅᓱᒃᑐᒥᒃ ᐊᕐᓇᒥᒃ ᐃᓂᖁᓇᕐᑐᒥᒃ, ᑕᕝᕙ ᓄᓇᒥᑦ ᓲᓇᒥᑦ ᓇᓂᓯᕗᑦ ᐃᓅᓱᒃᑐᒥᒃ ᐊᕐᓇᒥᒃ ᐊᑎᖃᕐᑐᒥᒃ ᐊᐱᓵᒡᒥᒃ, ᐊᖓᔪᖅᑳᕐᔪᐊᒧᓪᓗ ᐋᑕᐅᕗᖅ.

ᑯᕉᓂᑲ ᐂᑉᐸᖏᑦ 29:11

ᐃᕐᓂᒃᑳ, ᒫᓐᓇ ᐃᒃᐱᒍᓱᖏᑦᑑᑦᑍᓕᒋᑦᓯ, ᐊᑕᓂᐅᑉ ᓂᕈᐊᓚᐅᕐᒪᓯ ᓇᖏᖁᓪᓗᓯ ᑖᑦᓱᒪ ᓵᖓᓂ, ᐱᔨᑦᓯᕐᕕᒋᓗᒍ, ᑖᑦᓱᒧᖓᓗ ᐱᔨᑦᓯᕐᑎᒋᔭᐅᖁᓪᓗᓯ ᐃᑯᐊᓪᓔᖁᓪᓗᓯ ᑎᐱᑦᓯᐊᕆᒃᑐᒥᒃ.”

ᐃᔅᑕᐅᑉ ᐊᒡᓚᖏᑦ 2:2

ᑕᕝᕙ ᐊᖓᔪᖅᑳᕐᔪᐊᑉ ᐃᓱᒪᓕᐅᕐᑎᖏᑕ ᐃᓚᖏᑦ ᑕᕝᕙᓂ ᓇᔫᑎᔪᑦ ᐊᖓᔪᖅᑳᕐᔪᐊᒧᑦ ᐅᖃᕐᐳᑦ, “ᐅᐃᖃᓚᐅᕐᓯᒪᖏᑦᑐᓂᒃ ᐊᕐᓇᑦᓯᐊᕙᖕᓂᒃ ᕿᓂᕐᑎᑦᓯᓚᐅᕆᑦ ᓂᕈᐊᕐᕕᒋᓛᕐᑕᕐᓂᒃ;

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:11

ᓱᓕᓗ, ᓂᒡᓚᓱᒃᑐᒥ ᒪᕐᕉᒃ ᓇᓚᖃᑎᒌᒃᐸᑎᒃ ᐅᖅᑰᖃᑎᒌᖕᓂᐊᕐᐴᒃ; ᖃᓄᕐᓕ ᐃᓄᑐᐊᖅ ᐃᒻᒥᓂᒃ ᐅᖅᑰᑎᑦᓱᓐᓇᕐᐸ?

ᒤᑲᐅᑉ ᐊᒡᓚᖏᑦ 7:5

ᑕᑎᖃᕐᑍᓕᒋᑦᓯ ᐱᖃᓐᓇᕆᔭᑦᓯᓐᓂᒃ, ᐅᒃᐱᕈᓱᒃᑍᓕᒋᑦᓯᓗ ᐃᓅᖃᑎᑦᓯᓐᓂᒃ. ᐊᒡᓛᑦ ᐅᖃᐅᓯᓯ ᐅᑦᔨᕐᑐᕐᓯᐅᒃ ᐃᓐᓇᖓᖃᑎᒋᕙᒃᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 10:8

ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.