ᔪᐊᓇᓯ ᓯᕗᓪᓖᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔪᐊᓇᓯ ᓯᕗᓪᓖᑦ 3:8 ပူးပေါင်းရင်းမြစ်များ

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᑯᓘᓯᐊᒥᐅᓄᑦ 2:15

ᑕᕝᕙᓂ ᐱᔪᓐᓇᕐᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᓃᕈᑎᓚᐅᕐᐰᑦ, ᓯᓚᕐᔪᐊᕐᒥᐅᓄᓪᓗ ᑲᓐᖑᓇᕐᓯᑎᓪᓗᒋᑦ, ᓵᓚᒋᓚᐅᕐᐰᑦ ᓴᓐᓂᖓᔪᓕᖕᒥ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᔪᐊᓇᓯᐅᑉ ᐊᒡᓚᖏᑦ 16:11

ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

ᔪᐊᓇᓯᐅᑉ ᐊᒡᓚᖏᑦ 12:31

ᒫᓐᓇ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᑕᐅᕕᐊᑦ ᓇᓪᓕᐅᑎᕗᖅ, ᒫᓐᓇᓗ ᓯᓚᕐᔪᐊᑉ ᑕᒪᑐᒪ ᐊᐅᓚᑦᓯᔨᖓ ᓵᓚᐅᓗᓂ ᐊᓂᑎᑕᐅᓂᐊᓕᕐᐳᖅ;

ᐲᑦᑐᕉᓯ ᐂᑉᐸᖏᑦ 2:4

ᒎᑎ ᐂᖏᓕᓂᒃ ᐊᔪᕐᑐᓕᔪᓂᒃ ᐊᒥᐊᒃᑯᓯᓚᐅᓐᖏᓚᖅ, ᐃᒋᓚᐅᕐᐰᑦ ᑲᑉᐱᐊᓇᕐᑐᕕᖕᒧᑦ ᑕᕝᕙᓂᓗ ᕿᓚᒃᓱᕐᓗᒋᑦ ᐊᕐᓵᕐᑑᔭᓄᑦ ᑖᕐᓂᕐᐹᒥ ᑕᕝᕙᓃᓐᓂᐊᓕᕐᓗᑎᒃ ᐅᑕᖅᑭᓪᓗᑎᒃ ᐃᖅᑲᕐᑐᕐᑕᐅᕕᒃᓴᒥᖕᓂᒃ;

ᒫᑯᓯᐅᑉ ᐊᒡᓚᖏᑦ 1:24

ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

ᐃᐱᓯᒥᐅᓄᑦ 2:2

ᑍᑦᓱᒪᓂ ᑍᒫᒃ ᐃᓅᓯᖃᕐᑎᓪᓗᓯ ᓯᓚᕐᔪᐊᕐᒥᐅᑦ ᐃᓕᖅᑯᓯᖏᓐᓂᒃ ᒪᓕᓚᐅᕐᐳᓯ, ᓯᓚᕐᔪᐊᓪᓗ ᐊᐅᓚᑦᓯᔨᖓᓂᒃ ᓈᓚᒃᓗᓯ, ᑕᕝᕙ ᐊᓂᕐᓂᕐᒥᒃ ᒫᓐᓇ ᒎᑎᒥᒃ ᓈᓚᓐᖏᑎᑦᓯᔪᒥᒃ ᐃᓄᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 27:1

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᓴᕕᒡᔪᐊᓂ ᐊᖏᔪᖅ ᓴᓐᖏᔫᓪᓗᓂᓗ ᑲᑉᐱᐊᓇᕐᑐᖅ ᓱᒋᐊᕐᓯᑦᔪᑎᒋᔪᒫᕐᐹ ᓕᕔᐊᑕᓐᒥᒃ ᕿᒫᓯᒪᓪᓗᓂ ᖁᒡᓗᒋᐊᖅ, ᓕᕔᐊᑕᓐ ᖃᓄᑐᐃᓐᓇᖅ ᓂᒪᒡᓗᓂ ᐊᐅᓚᔪᓐᓇᕐᑐᖅ ᓂᒥᕆᐊᕐᔪᐊᖅ, ᐆᒪᔪᕐᓗᒃ ᑐᖁᑦᓱᒫᕐᐹ ᑕᕆᐅᕐᔪᐊᒥ.

ᓘᑲᓯᐅᑉ ᐊᒡᓚᖏᑦ 10:18

ᔩᓱᓯᐅᑉ ᑭᐅᕔᑦ, “ᓵᑖᓇᓯ ᑕᑯᓚᐅᕐᐸᕋ ᕿᓚᖕᒥᑦ ᑲᑕᒃᑐᖅ ᖃᐅᒻᒫᓪᓚᒃᑐᑎᑐᑦ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᒫᑎᐅᓯᐅᑉ ᐊᒡᓚᖏᑦ 13:38

ᐱᕈᕐᓰᕕᒃ, ᑕᕝᕙ ᓯᓚᕐᔪᐊᖅ, ᐱᕈᕐᑐᒃᓮᑦ ᐱᐅᔪᑦ ᑕᕝᕙ ᐃᓄᐃᑦ ᐊᑕᓂᐅᕕᐅᑉ ᐱᖏᑦ; ᐱᕈᕐᓂᕐᓗᒃᑐᑦ ᑕᕝᕙ ᐃᓄᐃᑦ ᓵᑖᓇᓯᐅᑉ ᐱᖏᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᔪᐊᓇᓯ ᓯᕗᓪᓖᑦ 3:5

ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:15

ᓇᓪᓕᐊᓪᓗ ᑎᑎᕋᕐᕕᒃᓴᓂ ᐃᓅᓯᕾᓐᓇᕐᓇᕐᑐᓂ ᐊᑎᖓ ᑎᑎᕋᕐᑕᐅᓯᒪᖏᑦᑐᖅ, ᑖᓐᓇ ᐃᒋᑕᐅᕗᖅ ᑕᓯᕐᒧᑦ ᐃᑯᒪᕐᔪᐊᕐᒧᑦ.

ᔫᑎᐅᑉ ᐊᒡᓚᖏᑦ 1:6

ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᒫᑎᐅᓯᐅᑉ ᐊᒡᓚᖏᑦ 4:3

ᐱᔪᒥᓵᕆᔨᐅᑉ ᑎᑭᑉᐹ ᐅᖃᐅᑎᓪᓗᒍ, “ᒎᑎᐅᑉ ᐃᕐᓂᕆᒃᐸᑎᑦ, ᐅᑯᐊ ᐅᔭᕅᑦ ᓂᐊᖂᔭᓐᖑᕐᑎᓚᐅᒃᑭᑦ.”

ᒫᑎᐅᓯᐅᑉ ᐊᒡᓚᖏᑦ 12:28

ᒎᑎᐅᓪᓕ ᐊᓂᕐᓂᖓᒍᑦ, ᐊᓂᕐᓂᕐᓗᐃᑦ ᐊᓂᑎᒍᒃᑭᑦ, ᑕᕝᕙ ᒎᑎᐅᑉ ᐊᑕᓂᐅᕕᖓᓄᑦ ᑎᑭᑕᐅᓯᒪᓕᕐᐳᓯ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᔪᐊᓇᓯ ᓯᕗᓪᓖᑦ 1:2

ᐃᓅᓯᖅ ᓴᖅᑭᔮᓚᐅᕐᐳᖅ, ᑕᑯᓚᐅᕐᑕᕗᓪᓗ, ᑕᕝᕙ ᓇᓗᓁᓕᕐᐸᕗᑦ ᐃᓅᓯᕐᑕᖃᕐᒪᑦ ᓄᖑᓱᐃᑦᑐᒥᒃ ᐊᑖᑕᒦᓚᐅᕐᑐᖅ ᐅᕙᑦᑎᓐᓄᓪᓗ ᓴᖅᑭᑎᑕᐅᓯᒪᔪᖅ.

ᒨᓯᓯ ᓯᑕᒪᖏᑦ 21:9

ᑍᒤᒻᒪᑦ ᒨᓯᓯ ᖁᒡᓗᒋᐊᖑᐊᒥᒃ ᑲᓐᓄᔭᒥᒃ ᓴᓇᕗᖅ, ᓇᐸᔪᒧᓪᓗ ᐃᓕᓪᓗᒍ; ᐃᒫᒡᓗ ᐱᓚᐅᕐᐳᑦ, ᖁᒡᓗᒋᐊᒧᑦ ᑮᔭᐅᔪᕕᓃᑦ, ᖁᒡᓗᒋᐊᓐᖑᐊᒥᒃ ᖃᑯᕐᓕᖕᒥᒃ ᑕᑯᔪᑦ, ᐃᓅᓕᓚᐅᕐᐳᑦ.