ᔪᐊᓇᓯ ᓯᕗᓪᓖᑦ 3:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐆᒻᒪᑎᑦᑎᒍᑦ ᐸᓯᔭᐅᒍᑦᑕ, ᒎᑎ ᐊᖏᓂᕐᓴᐅᕗᖅ ᐆᒻᒪᑎᑦᑎᓐᓂᑦ, ᑕᒤᓐᓂᑎᐊᕐᓗ ᖃᐅᔨᒪᕗᖅ.

ᔪᐊᓇᓯ ᓯᕗᓪᓖᑦ 3:20 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:4

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᖏᓐᓇᒪ, ᐃᓱᒪᔮᕈᑎᖃᖏᓐᓂᕋᓕ ᓱᓕᔪᒥᒃ ᐸᓯᔭᒃᓴᐅᖏᒻᒪᖔᕐᒪ ᓇᓗᓁᕐᓯᓐᖏᓚᖅ. ᐊᑕᓂᕐᓕ ᑖᓐᓇ ᐅᕙᓐᓂᒃ ᐃᖅᑲᕐᑐᐃᔨᐅᕗᖅ.

ᔪᐊᓇᓯ ᓯᕗᓪᓖᑦ 4:4

ᕿᑐᕐᖔᑯᓗᒃᑲ, ᒎᑎᒧᑦ ᐱᒋᔭᐅᕗᓯ, ᑖᒃᑯᓂᖓᓗ ᓵᓚᖃᕐᐳᓯ; ᑖᓐᓇ ᐃᓗᑦᓯᓐᓃᑦᑐᖅ ᐱᔪᓐᓇᕐᓂᕐᓴᐅᖕᒪᑦ ᓯᓚᕐᔪᐊᕐᒥᑦᑐᒥᑦ.

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᔫᐱᐅᑉ ᐊᒡᓚᖏᑦ 33:12

ᑕᑯᒋᑦ, ᔫᐲ ᑍᒤᓕᑎᓪᓗᑎᑦ ᑕᒻᒪᓚᐅᕐᐳᑎᑦ. ᒎᑎ ᐊᖏᓂᕐᓴᐅᖕᒪᑦ ᐃᓄᖕᓂᑦ.

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᐃᓐᖏᕈᑎᑦ 90:8

ᐊᔪᕐᑐᓕᓂᕗᑦ ᓵᖕᓄᑦ ᐱᑎᑉᐸᑎᑦ, ᐊᔪᕐᓂᕗᓪᓗ ᐃᔨᕐᓯᒪᔭᕗᑦ ᑮᓇᕐᐱᑦ ᖃᐅᒻᒪᒃᑎᑉᐰᑦ.

ᑍᑑᓯᒧᑦ 3:11

ᖃᐅᔨᒪᒐᕕᑦ ᐃᓄᒃ ᑍᒤᑦᑐᖅ ᓇᒻᒪᒃᓯᓐᖏᒻᒪᑦ ᐱᓂᐊᕐᓂᕐᒥᒍᑦ ᐊᔪᕐᑐᓕᓯᒪᓂᖓᑕ ᓇᓗᓇᕈᒃᓃᕐᑎᒻᒪᒍ ᑕᒻᒪᕐᓯᒪᓂᖓᓂᒃ.

ᔫᐱᐅᑉ ᐊᒡᓚᖏᑦ 27:6

ᐃᓱᐊᕐᑐᓕᓂᕋ ᑎᒍᒥᐊᖏᓐᓇᕐᓂᐊᕐᐸᕋ, ᓴᒃᑯᓐᓂᐊᕐᓇᒍᓗ; ᐆᒻᒪᑎᒪ ᐃᖅᑲᕐᑐᓚᐅᖏᒻᒪᖓ ᐃᓅᓂᓕᒫᓐᓂ.

ᔪᐊᓇᓯᐅᑉ ᐊᒡᓚᖏᑦ 8:9

ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᕐᐳᑦ, ᐊᑕᐅᓯᐅᓈᕐᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᓇᕐᓗ ᓇᖏᕐᑐᖅ ᐱᖃᑎᑐᐊᕆᓕᕐᐹ.

ᐄᑉᕈᐃᓄᑦ 6:13

ᒎᑎ ᐂᑉᕋᕼᐋᒻᒧᑦ ᐊᖏᕈᑎᖃᓕᕋᒥ, ᓱᓕᑎᓐᓂᐊᕐᓂᕋᕐᑕᒥᓂᒃ ᐊᖏᕈᑎᖃᓚᐅᕐᐳᖅ, ᐊᓯᒥᓂᒡᓕ ᑍᔭᒃᓴᒥᒃ ᐊᖏᓂᕐᓴᕐᑕᖃᖏᒻᒪᑦ, ᓇᖕᒥᓂᖅ ᐊᑎᕐᒥᓂᒃ ᐊᑐᕐᓗᓂ ᐊᖏᕈᑎᖃᓚᐅᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 5:33

ᑕᒪᓐᓇ ᑐᓴᕋᒥᑦᔪᒃ ᓂᓐᖓᕕᒡᔪᐊᕐᐳᑦ ᑐᖁᑦᓯᔪᒪᓕᕐᓗᑎᒃ ᑖᒃᑯᓂᖓ.

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᔪᐊᓇᓯ ᓯᕗᓪᓖᑦ 3:19

ᑍᒫᒃ ᖃᐅᔨᒪᑦᔪᑎᖃᕈᓐᓇᕐᐳᒍᑦ ᓱᓕᔪᒥᐅᑕᐅᓂᑦᑎᓐᓂᒃ, ᐆᒻᒪᑎᑦᑎᓐᓂ ᓇᓗᖏᑦᓯᐊᕐᓗᑕ ᓵᖓᓂ.

ᔪᐊᓇᓯ ᓯᕗᓪᓖᑦ 3:21

ᓇᒡᓕᒋᔭᒃᑲ, ᐆᒻᒪᑎᑦᑎᒍᑦ ᐃᖅᑲᕐᑐᕐᑕᐅᖏᒃᑯᑦᑕ, ᑕᕝᕙ ᖁᓚᖏᑦᔪᑎᒃᓴᖃᕐᐳᒍᑦ ᒎᑎᐅᑉ ᓵᖓᓂ.