ᔪᐊᓇᓯ ᓯᕗᓪᓖᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ.

ᔪᐊᓇᓯ ᓯᕗᓪᓖᑦ 1:8 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:46

“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ;

ᐊᑕᓃᑦ ᐂᑉᐸᖏᑦ 20:15

ᐂᓮᐊᓯᐅᑉ ᐊᐱᕆᒃᑲᓐᓂᕐᐹ, “ᓱᓇᓂᒃ ᑕᑯᕙᑦ ᐊᖓᔪᖅᑳᕐᔪᐊᑉ ᐃᒡᓗᖓᓃ?” ᕼᐃᓯᑬᐊ ᑭᐅᕗᖅ, “ᑍᒤᓐᓂᑦᓯᐊᖅ ᐃᓪᓗᑦᑎᓐᓃᑦᑐᓂᒃ ᑕᑯᓯᒪᓐᖏᑕᖃᕈᓐᓃᕐᐳᑦ; ᐱᒃᑯᕕᖃᐅᑎᑦᑎᓐᓃᑦᑐᓂᒃ ᐃᓘᓐᓇᖏᓐᓂᒃ ᕿᒥᕐᕈᑎᓐᓇᒃᑭᑦ.”

ᑯᕉᓂᑲ ᐂᑉᐸᖏᑦ 6:36

“ᐊᔪᕐᑐᓕᒃᐸᑕᓕ ᐃᓕᖕᓄᑦ ᓇᓪᓕᐊᓐᓂᒡᓘᓐᓃᑦ ᐊᔪᕐᑐᓕᖏᑦᑐᖃᖏᒻᒪᑦ, ᓂᓐᖓᐅᑎᒍᕕᒋᓪᓗ, ᑐᓂᓗᒋᓪᓗ ᐊᑭᕋᖏᓐᓄᑦ, ᑎᒍᔭᐅᓗᑎᒡᓗ ᐊᐅᓪᓚᕈᑦᔭᐅᒃᐸᑕ ᓄᓇᒧᑦ ᐅᖓᓯᒃᑐᒧᑦ ᖃᓂᑦᑐᒧᓪᓘᓐᓃᑦ;

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᔫᐱᐅᑉ ᐊᒡᓚᖏᑦ 15:14

ᐃᓄᒃ ᓇᓪᓕᐊᑦ ᐊᔪᕐᓂᖃᖏᑦᓯᐊᕈᓐᓇᕐᐸ? ᐅᕝᕙᓗ ᐊᕐᓇᒥᑦ ᐃᕐᓂᐊᖑᓯᒪᔪᖅ ᖃᓄᖅ ᐃᓱᐊᕐᑑᔪᓐᓇᕐᐸ?

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᔫᐱᐅᑉ ᐊᒡᓚᖏᑦ 9:2

“ᐄᓛᒃ, ᑕᒪᓐᓇ ᖃᐅᔨᓯᒪᖕᒥᔭᕋ; ᐃᓄᒡᓕ ᖃᓄᖅ ᒎᑎᐅᑉ ᓵᖓᓂ ᐃᓱᐊᕐᑑᔪᓐᓇᕐᐹ?

ᐃᓐᖏᕈᑎᑦ 143:2

ᐱᔩᑦ ᐃᖅᑲᕐᑐᕐᓂᐊᕐᓇᒍ; ᓵᖕᓂ ᐃᓄᐃᑦ ᐃᓅᔪᑦ ᐸᓯᔭᒃᓴᐅᖏᑦᑐᖃᖏᒻᒪᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:9

ᑭᓇ ᐅᖃᕈᓐᓇᕐᐸ, “ᐆᒻᒪᑎᒐ ᓴᓗᒻᒪᕐᐸᕋ; ᐊᔪᕐᓂᒃᑲ ᐲᔭᕐᑕᐅᓯᒪᖕᒪᑕ ᓴᓗᒤᓐᓂᖃᕈᓐᓃᕐᐳᖓ”?

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:20

ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 2:35

ᐅᖃᕐᐳᓯ ᐸᓯᔭᒃᓴᐅᖏᓐᓂᕋᕐᓗᓯ, ᓂᓐᖓᐅᑦᔭᐅᔪᒃᓴᐅᖏᓐᓂᕋᕐᓗᓯᓗ ᐅᕙᓐᓄᑦ. ᑕᑯᒋᑦ ᐃᖅᑲᕐᑐᐃᓂᐊᕐᐳᖓ ᐃᓕᑦᓯᓐᓂᒃ, ᐅᖃᓚᐅᕋᑦᓯ ᐊᔪᕐᑐᓕᓚᐅᖏᓐᓂᕋᕐᓗᓯ.

ᒨᓯᓯ ᐱᖓᔪᖏᑦ 13:12

ᐅᕕᓂᕐᓗᖕᓂᖅ ᓯᐊᒻᒪᕐᐸᑦ ᑎᒥᓕᒫᖓᓄᑦ, ᑐᓂᕐᕈᓯᕐᑎᑦᓯᔨᐅᓪᓗ ᑕᑯᓗᓂᐅᒃ, ᐃᓄᖕᒥᒃ ᓈᓯᓯᒪᒃᐸᑦ ᓂᐊᖁᖓᓂᑦ ᐃᑎᒐᖏᓐᓄᑦ ᑎᑭᓯᒪᓗᓂ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᕉᒪᒥᐅᓄᑦ 3:10

ᑎᑎᕋᕐᓯᒪᖕᒪᑦ: “ᐱᐅᔪᒥᒃ ᐱᓇᓱᐊᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ;

ᕉᒪᒥᐅᓄᑦ 3:23

ᐊᑦᔨᒌᖏᑦᑐᖃᖏᒻᒪᑦ ᐃᓘᓐᓇᑦᓯᐊᑎᒃ ᐊᔪᕐᑐᓕᓯᒪᖕᒪᑕ ᒎᑎᐅᓪᓗ ᓂᕐᑐᕐᓇᕐᓂᕐᔪᐊᖓᓄᑦ ᑎᑭᐅᑎᔪᓐᓁᓪᓕᓪᓗᑎᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:18

ᓇᓕᕐᓯ ᓇᖕᒥᓂᖅ ᐅᐃᕖᕐᕆᓂᐊᕋᓂ. ᐃᒻᒥᓂᒃ ᓯᓚᑐᓇᓱᒋᔪᖅ ᓯᓚᕐᔪᐊᕐᒥᐅᑦ ᓯᓚᑐᓂᖓ ᒪᓕᒡᓗᒍ, ᓯᓔᑦᑐᓐᖑᕐᑐᒃᓴᐅᕗᖅ ᓯᓚᑐᔪᓐᖑᓪᓚᕆᖁᓪᓗᒍ.

ᒐᓔᑎᐊᒥᐅᓄᑦ 6:3

ᐱᐅᔪᕆᔪᖃᕐᐸᓪᓕ ᓱᓇᐅᖏᑦᑑᒐᓗᐊᕐᓗᓂ, ᑖᓐᓇ ᓇᖕᒥᓂᕐᒥᓂᒃ ᐅᐃᕕᕐᕆᕗᖅ.

ᑎᒧᑎᒧᑦ ᓯᕗᓪᓖᑦ 6:5

ᐂᕙᓕᕐᑎᑦᓯᕙᒃᐳᑦ ᐃᓄᖕᓂᒃ ᐃᓱᒪᖃᑦᓯᐊᕋᓱᐊᖏᑦᑐᓂᒃ ᓱᓕᓂᕐᒦᖏᑦᑐᓂᒡᓗ, ᐅᒃᐱᕐᓂᖅ ᐊᔪᕐᓴᓐᖏᑦᔪᑎᒃᓴᐅᓇᓱᒋᒃᓯᕐᑐᓂᒃ.

ᑎᒧᑎᒧᑦ ᐂᑉᐸᖏᑦ 3:13

ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

ᔧᒥᓯᐅᑉ ᐊᒡᓚᖏᑦ 1:22

ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.

ᔧᒥᓯᐅᑉ ᐊᒡᓚᖏᑦ 1:26

ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

ᔧᒥᓯᐅᑉ ᐊᒡᓚᖏᑦ 3:2

ᑕᒪᑦᑕ ᐊᑦᔨᒌᖏᑦᑐᑎᒍᑦ ᑕᒻᒪᕐᐸᒃᑲᑦᑕ, ᓇᓪᓕᐊᓪᓗ ᐅᖃᐅᓯᕐᒥᒍᑦ ᑕᒻᒪᓚᐅᕐᓯᒪᖏᑦᑐᖅ ᑖᓐᓇ ᓈᒻᒪᑦᓯᐊᕐᑐᒥᒃ ᐃᓅᓯᖃᕐᐳᖅ, ᑎᒥᓂᓗ ᐊᔪᕐᑐᓕᓂᕐᒧᑦ ᐱᑎᑦᑍᓕᔪᓐᓇᕐᐹ.

ᐲᑦᑐᕉᓯ ᐂᑉᐸᖏᑦ 2:13

ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.

ᔪᐊᓇᓯ ᓯᕗᓪᓖᑦ 1:10

ᐊᔪᕐᑐᓕᓚᐅᕐᓯᒪᖏᓐᓂᕋᕈᑦᑕᓕ, ᑕᕝᕙ ᒎᑎ ᓴᒡᓗᑐᓂᕋᕐᐸᕗᑦ, ᐅᖃᐅᓯᖓᓗ ᐃᓗᑦᑎᓐᓃᓐᖏᓚᖅ.

ᔪᐊᓇᓯ ᓯᕗᓪᓖᑦ 1:6

ᑖᑦᓱᒧᖓ ᐃᓚᒌᒍᑎᖃᕐᓂᕋᕈᑦᑕ ᑖᕐᑐᒥᓗ ᐃᓅᓗᑕ, ᑕᕝᕙ ᓴᒡᓗᕗᒍᑦ ᓱᓕᓇᑕᓗ.

ᔪᐊᓇᓯ ᓯᕗᓪᓖᑦ 2:4

ᓇᓪᓕᐊᑦ ᑖᑦᓱᒥᖓ ᖃᐅᔨᒪᓂᕋᕐᐸᑦ, ᐱᖁᔭᖏᓐᓂᒡᓗ ᒪᓕᖏᓪᓗᓂ ᑖᓐᓇ ᓴᒡᓗᑐᔫᕗᖅ, ᓱᓕᔪᒧᓪᓗ ᓇᔪᕐᑕᐅᓇᓂ.

ᔪᐊᓇᓯ ᓯᕗᓪᓖᑦ 4:20

ᓇᓪᓕᐊᑦ, ᒎᑎᒥᒃ ᓇᒡᓕᒍᓱᖕᓂᕋᕐᐸᑦ, ᐅᒃᐱᕐᑑᖃᑎᒥᓂᒡᓗ ᐆᒥᓱᒡᓗᓂ, ᑖᓐᓇ ᓴᒡᓗᑐᔫᕗᖅ; ᖃᑕᓐᖑᑎᓂ ᑕᑯᔪᓐᓇᕐᑕᓂ ᓇᒡᓕᒋᔪᓐᓇᖏᒃᑯᓂᐅᒃ, ᒎᑎ ᑕᑯᓚᐅᕐᓯᒪᓐᖏᑕᓂ ᓇᒡᓕᒋᔪᓐᓇᓐᒋᓛ.

ᔪᐊᓇᓯᐅᑉ ᐂᑉᐸᖏᑦ 1:2

ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ:

ᔪᐊᓇᓯᐅᑉ ᐱᖓᔪᖏᑦ 1:3

ᖁᕕᐊᓱᒻᒪᕆᓚᐅᕐᐳᖓ ᑐᓴᕐᑎᑕᐅᒐᒪ ᐅᒃᐱᖃᑎᕗᑦ ᑎᑭᓐᓇᒥᒃ ᐅᓂᒃᑳᓚᐅᕐᒪᑕ ᓱᓕᔪᒧᑦ ᐃᓅᓯᕐᓂ ᑲᔪᓯᑦᓯᐊᕐᓂᕋᕐᑕᐅᓪᓗᑎᑦ, ᐃᓛᒃ ᑍᒪᓐᖓᑦ ᓱᓕᓂᕐᒥ ᐃᓅᒐᕕᑦ.