ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᖃᐅᔨᒪᕕᓰ ᐅᓪᓚᖕᓂᒃᑯᑦ ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᔪᑦ ᑕᒪᕐᒥᒃ ᐱᓇᓱᐊᕐᒪᑕ, ᐊᑕᐅᓯᐅᓪᓕ ᓵᓚᒃᓴᕐᓂᖅ ᐱᕚ? ᑍᒤᒻᒪᑦ ᐅᓪᓚᒋᑦᓯ ᓵᓚᖃᐅᑎᒃᓴᖅ ᐱᓇᓱᐊᕐᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:24 ပူးပေါင်းရင်းမြစ်များ

ᐃᓐᖏᕈᑎᑦ 19:5

ᐊᑦᔨᖃᕐᐳᕐᓗ ᐅᐃᒃᓴᑐᑦ ᐃᒡᓗᕈᓯᕐᒥᓂᑦ ᐊᓂᓕᕐᑐᑐᑦ. ᖁᕕᐊᓱᒃᑐᑐᓪᓗ ᐊᖑᑎᑐᒃ ᓴᓐᖏᔪᑐᑦ ᐅᓪᓚᐅᑎᓂᐊᕐᑐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 12:5

ᐃᓄᖕᓂᒃ ᐅᓪᓚᐅᑎᖃᑎᖃᕐᓗᑎᑦ ᑕᖃᔨᐊᕆᔭᐅᒍᕕᑦ, ᖃᓄᕐᓕ ᕿᒻᒥᕐᔪᐊᓂᒃ ᓱᒃᑲᓕᐅᑎᖃᑎᖃᕈᓐᓇᕋᔭᕐᐲᑦ? ᓄᓇᒥ ᐊᑦᑕᕐᓇᕐᑐᖃᖏᑦᑐᒥ ᐹᓪᓚᖃᑦᑕᕈᕕᑦ ᔪᐊᕐᑕᓂᐅᑉ ᓇᐹᕐᑐᖃᕐᓂᖓᓃᓕᕈᕕᑦ ᖃᓄᕐᓕ ᐱᒐᔭᕐᐲᑦ?

ᕼᐆᓯᐊᑉ ᐊᒡᓚᖏᑦ 12:10

ᐱᔪᖃᓛᕐᑐᒥᒃ ᐅᖃᕐᑎᓐᓄᑦ ᐅᖃᐅᑦᔨᖃᑦᑕᓚᐅᕐᐳᖓ; ᑕᑯᑎᑕᐅᓃᓪᓗ ᐅᓄᕐᓯᑎᓚᐅᕐᐸᒃᑲ, ᐱᔪᖃᓛᕐᑐᓂᒡᓗ ᐊᑦᔨᐅᔪᑎᒍᑦ ᓇᓗᓁᕐᓯᖃᑦᑕᓚᐅᕐᐳᖓ ᐅᖃᕐᑎᒃᑯᑦ.

ᕉᒪᒥᐅᓄᑦ 6:16

ᖃᐅᔨᒪᓐᖏᓚᓰ ᑐᓂᒍᑦᓯ ᐃᓕᑦᓯᓐᓂᒃ ᑭᓇᑐᐃᓐᓇᕐᒧᑦ ᑭᒡᒐᑎᑐᑦ ᒪᓕᑦᓯᐊᕐᓂᐊᕐᑐᑎᑐᑦ, ᑭᒡᒐᐅᓕᕐᐳᓯ ᑕᕝᕙ ᓈᓚᒃᑕᑦᓯᓐᓄᑦ, ᐊᔪᕐᓂᕐᒧᓪᓘᓐᓃᑦ ᑐᖁᑎᑦᓯᔪᒧᑦ, ᐅᕝᕙᓗ ᓈᓚᖕᓂᕐᒧᑦ, ᐃᓗᐊᕐᑐᓐᖑᕐᑎᑦᓯᔪᒧᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:13

ᖃᐅᔨᒪᓐᖏᓚᓰ? ᑐᒃᓯᐊᕐᕕᒡᔪᐊᕐᒥ ᐃᖅᑲᓁᔭᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᓂᕆᕙᖕᒪᑕ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᑐᑦ ᑐᓂᕐᕈᑎᕕᓃᑦ ᐃᓚᖏᓐᓂᒃ ᐱᖃᑕᐅᕙᖕᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:23

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᑍᒫᒃ ᐱᕗᖓ, ᓮᒻᒪᕐᑎᑕᐅᓇᕐᓂᖏᓐᓂᒃ ᐱᖃᑕᐅᔪᒪᓪᓗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:26

ᑍᒤᒻᒪᑦ ᑕᒪᐅᖎᓐᓇᖅ ᐅᓪᓚᑐᐃᓐᓇᓐᖏᓚᖓ; ᑎᒡᓘᑎᔪᑎᑐᓪᓗ ᑍᒤᒃᑭᕗᖓ, ᑕᒪᐅᖎᓐᓇᖅ ᑎᒡᓗᒋᐊᖃᑦᑕᓐᖏᓚᖓ.

ᒐᓔᑎᐊᒥᐅᓄᑦ 2:2

ᔨᕉᓴᓕᒻᓕᐊᓚᐅᕐᐳᖓ ᒎᑎᐅᑉ ᑕᑯᑎᓚᐅᕐᒪᖓ ᑕᐅᕗᓐᖓᕆᐊᖃᕐᓂᓐᓂᒃ; ᑕᓯᐅᕐᑎᐅᔪᑦ ᐅᒃᐱᕐᑑᖃᑎᒌᓂ ᑲᑎᒪᖃᑎᑐᐊᕆᓪᓗᒋᑦ ᓇᓗᓁᕐᓯᕕᒋᓚᐅᕐᐸᒃᑲ ᐅᖃᐅᓰᑦ ᑐᓴᕈᒥᓇᕐᑐᑦ ᔫᑎᐅᖏᑦᑐᓄᑦ ᐊᔪᕆᕐᑐᐃᑦᔪᑎᒋᖃᑦᑕᕐᑕᒃᑲ ᐱᓇᓱᐊᕐᓂᕆᓚᐅᕐᑕᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐱᓇᓱᐊᕐᓂᕆᔭᒃᑲ ᑕᒪᐅᖓᑐᐃᓐᓈᖁᓇᒋᑦ.

ᒐᓔᑎᐊᒥᐅᓄᑦ 5:7

ᐅᓪᓚᑦᓯᐊᓕᓚᐅᕐᑐᓯ; ᑭᐊ ᓄᖅᑲᕐᑎᓚᐅᕐᐹᓯ ᓱᓕᓂᕐᒥᒃ ᓈᓚᒍᓐᓁᕐᑎᓪᓗᓯ?

ᐱᓕᐱᒥᐅᓄᑦ 2:16

ᐊᑕᕕᒋᑦᓯᐊᕐᓗᒍ ᐅᖃᐅᓯᖅ ᐃᓅᑦᔪᑕᐅᔪᖅ, ᑕᕝᕙ ᙭ᔅᑑᓯᐅᑉ ᐅᓪᓗᒃᓴᖓᓂ ᖁᕕᐊᓱᒍᑎᒃᓴᖃᕋᔭᕐᐳᖓ ᐅᓪᓚᐅᑎᔪᓂ ᓵᓚᐅᔪᑎᑐᑦ ᑍᒤᑦᑑᖏᓐᓂᓐᓄᑦ ᐅᕝᕙᓗ ᐊᒃᓱᕈᕐᓗᖓ ᐱᓇᓱᐊᓚᐅᕐᓂᕐᒪ ᑕᒪᐅᖕᒊᓐᓈᕐᓯᒪᖏᓐᓂᖓᓄᑦ.

ᐱᓕᐱᒥᐅᓄᑦ 3:12

ᑕᒪᑐᒥᖓ ᐱᔭᕇᕐᓯᒪᓂᕋᕐᓗᖓ ᐅᖃᓐᖏᓚᖓ ᐅᕝᕙᓗ ᓈᒻᒪᒃᓯᔭᕇᕐᓂᕋᕐᓗᖓᓘᓐᓃᑦ; ᐱᓇᓱᐊᕐᐸᕋᓕ ᓵᓚᖃᐅᑎᒃᓴᖅ ᐱᑖᕆᔪᒪᓪᓗᒍ, ᔩᓱᓯ ᙭ᔅᑑᓯᐅᑉ ᓵᓚᖃᕈᑎᔭᕇᕐᓯᒪᖕᒪᖓ ᐱᑖᕆᓪᓗᓂᖓ ᓇᖕᒥᓂᖅ.

ᐱᓕᐱᒥᐅᓄᑦ 3:14

ᓯᕗᒧᐊᑦᓯᐊᕋᓱᐊᕐᐳᖓ ᓵᓚᖃᐅᑎᒃᓴᖅ ᐱᕕᐊᕐᓇᕐᑐᕐᔪᐊᖅ ᐱᑖᕆᔪᒪᓪᓗᒍ ᑕᒪᓐᓇ ᒎᑎᐅᑉ ᕾᖁᔨᑦᔪᑎᒋᖕᒪᒍ ᔩᓱᓯ ᙭ᔅᑑᓯᒥ.

ᑯᓘᓯᐊᒥᐅᓄᑦ 2:18

ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᕐᐸᒃᑐᓄᑦ, ᑕᑯᑎᑕᐅᓯᒪᓂᕐᒥᒃ ᑐᓐᖓᕕᖃᕐᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᒥᖕᓂᒡᓗ ᐋᖅᑮᕙᒃᓗᑎᒃ.

ᐄᑉᕈᐃᓄᑦ 12:1

ᑍᒤᒻᒪᑦ, ᐅᓄᕐᑐᕐᔪᐊᓂᒃ ᐅᒃᐱᕐᓂᑯᑦ ᐃᓅᓯᒪᔪᓂᒃ ᐊᕙᑕᖏᕐᑕᐅᓯᒪᒐᑦᑕ, ᐅᕙᑦᑎᓐᓄᑦ ᐊᒡᕕᐊᕐᑐᑦ ᐲᔭᓚᐅᕐᓚᕗᑦ, ᐊᔪᕐᓃᑦ ᐅᕙᑦᑎᓐᓄᑦ ᓂᐱᓐᖓᔪᑦ, ᐅᖁᒤᒃᓴᐅᑎᒋᔭᕗᓪᓗ; ᕿᓄᐃᓵᕐᓗᑕ ᐅᓪᓚᖃᑕᐅᓚᐅᕐᑕ ᑲᔪᓯᓗᑕ ᐅᐸᒐᓱᐊᕐᑕᕗᑦ ᓯᕗᓂᑦᑎᓐᓃᒻᒪᑦ,

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:11

“‘ᐊᑯᓂᐅᖏᑦᑐᖅ ᑎᑭᓐᓂᐊᕐᐳᖓ; ᐱᒋᔧᑦ ᐱᓯᒪᑦᓯᐊᕈᒃ, ᐋᑕᐅᖁᓇᒃ ᓵᓚᖃᐅᑎᒃᓴᕐᓂᒃ ᓂᐊᖂᑎᒥᒃ.