ᑯᕆᓐᑎᐊᒥᐅᓄᑦ ᓯᕗᓪᓖᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᕿᒤᒃᐸᓪᓕ, ᐂᑉᐸᕐᑖᕐᑐᒃᓴᐅᓐᖏᓚᖅ ᐅᕝᕙᓘᓐᓃᑦ ᐅᐃᒥᓄᑦ ᐋᖅᑭᐅᑎᑦᓯᐊᕐᓗᓂ ᐅᑎᖔᕐᓕ; ᐊᖑᑎᐅᓪᓗ ᓄᓕᐊᓂ ᐊᕕᑕᒃᓴᕆᓐᖏᓛ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:11 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 3:1

ᐊᖑᑦ ᓄᓕᐊᒥᓂᒃ ᐊᕕᑦᑎᒃᐸᑦ ᐊᕐᓇᐅᓪᓗ ᐅᐃᒋᓚᐅᕐᑕᓂ ᕿᒪᒡᓗᒍ ᐊᓯᐊᓂᒡᓗ ᐅᐃᓂᒡᓗᓂ, ᐅᐃᒋᓚᐅᕐᑕᖓᑕ ᐅᑎᕐᕕᒋᔭᕆᐊᖃᕐᐸᐅᒃ? ᐃᓕᑦᓯᓕ ᐊᖑᓐᓂᐊᕐᑎᑎᑐᑦ ᐃᓅᓕᕐᐳᓯ ᐅᓄᕐᑐᓂᒃ ᐅᖓᒋᔭᖃᓕᕐᑐᑎᑐᑦ, ᑕᕝᕙ ᒫᓐᓇ ᐅᕙᓐᓄᑦ ᐅᑎᕈᓐᓇᕐᐱᓰ? ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:32

ᒫᓐᓇᓕ ᐅᖃᐅᑎᕙᑦᓯ: ᐊᖑᑎᐅᑉ ᓄᓕᐊᓂ ᐊᕕᓪᓚᕆᒃᐸᒍ ᐊᓯᓐᓂᐊᕐᓂᕐᒨᖏᑎᓪᓗᒍ, ᑖᓐᓇ ᐸᓯᔭᒃᓴᐅᓕᕐᐳᖅ ᓄᓕᐊᕇᖕᓂᕐᒥᒃ ᐊᓯᕈᐃᓂᕐᒧᑦ; ᑖᑦᓱᒥᖓᓗ ᐊᕐᓇᒥᒃ ᐊᕕᑕᐅᓪᓚᕆᒃᓯᒪᔪᒥᒃ ᓄᓕᐊᓂᒃᑐᖅ ᐊᓯᕈᐃᒋᕗᖅ.”

ᒫᑯᓯᐅᑉ ᐊᒡᓚᖏᑦ 10:12

ᑍᒫᒃᑕᐅᖅ ᐊᕐᓇᖅ ᐅᐃᒥᓂᒃ ᐊᕕᑦᓯᓪᓚᕆᒃᑐᖅ ᐊᓯᐊᓂᒃ ᐅᐃᓂᒡᓗᓂ, ᑖᓐᓇ ᐅᐃᒋᓚᐅᕐᑕᒥᓂᒃᑕᐅᖅ ᐊᓯᓂᐊᕆᕗᖅ.”

ᒫᑯᓯᐅᑉ ᐊᒡᓚᖏᑦ 10:2

ᐹᕆᓯᑦ ᐅᐸᒃᐹᑦ ᐆᒃᑐᕈᒪᓪᓗᒍ ᐊᐱᕆᕚᑦ, “ᐱᖁᔭᑎᓐᓂ ᐊᖑᑦ ᓄᓕᐊᒥᓂᒃ ᐊᕕᑦᓯᓪᓚᕆᒍᓐᓇᕐᑎᑕᐅᕚ?”

ᓘᑲᓯᐅᑉ ᐊᒡᓚᖏᑦ 16:18

“ᐊᖑᑦ ᓄᓕᐊᒥᓂᒃ ᐊᕕᑦᓯᓪᓚᕆᒃᐸᑦ ᐊᓯᐊᓂᒃ ᓄᓕᐊᓂᒡᓗᓂ, ᑖᑦᓱᒪ ᓄᓕᐊᕆᓚᐅᕐᑕᓂᖅ ᐊᓯᓐᓂᐊᕐᐹ, ᐊᖑᓪᓗ ᐊᕐᓇᒥᒃ ᐊᕕᑕᐅᓪᓚᕆᒃᓯᒪᔪᒥᒃ ᓄᓕᐊᓂᒃᐸᑦ ᑖᓐᓇ ᐊᓯᓐᓂᐊᕆᕗ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:10

ᐂᑉᐸᖃᕐᑐᓄᓪᓕ ᐃᒫᒃ ᐱᖁᔨᕗᖓ, ᐅᕙᒐᐅᖏᑦᑐᖅ ᐊᑕᓂᕐᓕ ᐱᖁᔨᕗᖅ, ᐊᕐᓇᖅ ᐅᐃᒥᓂᒃ ᕿᒤᔪᒃᓴᐅᓐᖏᓚᖅ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:12

ᐊᓯᖏᓐᓄᓪᓕ ᐅᖃᕐᐳᖓ, ᐅᕙᓐᓂᑦ ᐱᔪᒥᒃ ᐊᑕᓂᕐᒥᐅᖏᑦᑐᖅ; ᐅᒃᐱᕐᑐᖅ ᐊᖑᑦ ᐅᒃᐱᖏᑦᑐᒥᒃ ᓄᓕᐊᖃᕈᓂ, ᑖᑦᓱᒪᓗ ᑲᑎᒪᔪᒪᒃᐸᒍ, ᐊᕕᑕᒃᓴᕆᓐᖏᓛ.

ᒨᓯᓯ ᑕᓪᓕᒪᖏᑦ 22:19

ᐊᑭᓖᑎᑕᐅᔪᒃᓴᐅᕗᕐᑕᐅᖅ ᓯᐅᓪᕕᕆᓂᒃ 100ᓂᒃ, ᑖᒃᑯᐊᓗ ᑐᓂᔭᐅᓗᑎᒃ ᐊᕐᓇᐅᑉ ᐊᑖᑕᖓᓄᑦ, ᐊᖑᑦ ᐃᓴᕆᐊᓕᒥᐅᑕᕐᒥᒃ ᐊᕐᓇᒥᒃ ᑲᓐᖑᓇᕐᑐᒦᑎᑦᓯᓂᖓᓄᑦ; ᐊᕐᓇᕐᓗ ᓱᓕ ᑖᑦᓱᒧᖓ ᐊᖑᒻᒧᑦ ᓄᓕᐊᕆᔭᐅᔭᕆᐊᖃᕐᐳᖅ; ᐊᖑᑎᐅᓪᓗ ᐊᕕᑦᓴᕆᐊᖃᓐᖏᓛ ᐃᓅᓯᓕᒫᒥᓂ.