17 ᖁᕕᐊᓱᓚᐅᕐᐳᖓ ᓯᑎᐹᓇᓯ, ᕗᐊᕐᑐᓁᑕᓯᓗ ᐊᑬᑲᓯᓗ ᑎᑭᒻᒪᑕ; ᐃᓕᑦᓯᓐᓂᒃ ᑕᑯᖏᒃᑲᓗᐊᕋᒪ ᐱᕙᓪᓕᕈᑎᒻᒪᕆᐊᓗᒋᓚᐅᕋᒃᑭᑦ.
(ᐃᓛᒃ, ᐹᑉᑎᑦᓯᓚᐅᕆᕗᖓ ᓯᑎᐹᓇᓯᒥᒃ ᐃᒡᓗᒥᐅᖃᑎᖏᓐᓂᒡᓗ. ᐊᓯᖏᓐᓂᒡᓕ, ᐹᑉᑎᑦᓯᓚᐅᕐᒪᖔᕐᒪ ᐃᖅᑲᐅᒪᓐᖏᓚᖓ.)
ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.
ᒎᑎᐅᓪᓕ, ᒪᓂᒍᕐᑎᑦᓯᔨᐅᑉ ᓴᓐᖐᓕᓯᒪᔪᓂᒃ, ᒪᓂᒍᓚᐅᕐᐹᑎᒍᑦ ᑍᑑᓯᐅᑉ ᑎᑭᓐᓂᖓᒍᑦ,
ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.
ᐱᓯᒤᓐᓇᕈᒪᔭᕋᓗᐊᕋ, ᑎᒍᔭᐅᓯᒪᓂᓐᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ, ᐅᕙᓐᓂᒃ ᐃᑲᔪᕈᓐᓇᖁᓪᓗᒍ ᐃᓇᖏᕐᓗᑎᑦ.