26 ᐊᑭᕋᕐᑐᕐᑎᐅᑉ ᑭᖑᓪᓕᕐᐹᖓ ᓵᓚᐅᔭᕆᐊᖃᕐᑐᖅ ᑕᕝᕙ ᑐᖁ.
ᑐᖁ ᐊᑐᕈᓐᓃᕐᑎᑦᓱᒫᕐᐹ ᐃᓱᖃᖏᑦᑐᒧᑦ! ᐊᑕᓂᐅᓪᓗ ᒎᑎᐅᑉ ᖁᕝᕕᐅᕐᑐᓕᒫᑦ ᐃᔨᖏᑦ ᐊᓪᓚᕐᑎᕈᒫᕐᐰᑦ, ᐃᓄᖁᑎᖏᑕ ᓇᓂᓕᒫᕐᑐᑦ ᑲᓐᖑᓲᑎᒋᓪᓗᒋᑦ ᐊᒃᓱᕈᕈᑎᒋᓚᐅᕐᑕᖏᑦ ᐲᔭᕈᒫᕐᐰᑦ ᓄᓇᒥᑦ; ᐊᑕᓂᖅ ᑍᒫᒃ ᐅᖃᕐᐳᖅ.
ᐊᑭᓕᕐᑕᒃᓴᕆᕙᒃᑳ ᑐᖁᖓᔪᑦ ᐃᓂᖏᑕ ᐱᔪᓐᓇᕐᓂᖏᓐᓂᑦ? ᐅᑎᕐᑎᑕᒃᓴᕆᕙᒃᑲᓘ ᑐᖁᒥᑦ? ᑐᖂ ᐋᓐᓂᐊᑎᑦᓯᓃᑦ ᓇᐅᒃ? ᑐᖁᖓᔪᑦ ᐃᓂᖏᑕ ᐊᓯᕈᕐᓯᓃᑦ ᓇᐅᒃ? ᐃᓚᑦᓱᒍᓱᖕᓂᖅ ᐃᔨᓐᓂᑦ ᐃᔨᕐᓯᒪᕗᖅ.
ᒎᑎᐅᑉ ᕿᑐᕐᖓᕆᖕᒪᒋᑦ, ᑐᖁᒥᑦ ᒪᑭᓯᒪᓂᕐᒥᖕᓄᑦ ᐂᖏᓖᑎᑐᑦ ᑍᒤᑦᓱᒫᕐᒪᑕ ᑐᖁᔪᓐᓇᕈᓐᓃᕐᓗᑎᒡᓗ.
“ᑐᖂ, ᓇᐅᒡᓕ ᓵᓚᖃᕐᓃᑦ? ᑐᖂ, ᓇᐅᒡᓕ ᐋᓐᓂᐊᑎᑦᓯᓃᑦ?”
ᒫᓐᓇᓕ ᑕᒪᓐᓇ ᓴᖅᑭᑎᑕᐅᓯᒪᕗᖅ ᐱᐅᓕᔨᑦᑕ ᙭ᔅᑑᓯ ᔩᓱᓯᐅᑉ ᑎᑭᓯᒪᓂᖓᒍᑦ, ᑐᖂᑉ ᐱᔪᓐᓇᕐᓂᖓ ᐊᑐᕈᓐᓁᕐᑎᓪᓗᒍ ᐃᓅᓯᕐᒥᒃ ᓴᖅᑭᑎᑦᓯᕕᒋᕚᑎᒍᑦ ᖃᐅᒪᔪᒧᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.
ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,
ᐃᒪᕐᔪᐊᒥᓗ ᑐᖁᓯᒪᔪᑦ ᐃᒪᕐᔪᐊᑉ ᓴᖅᑭᑎᒃᑭᕔᑦ, ᓄᓇᕐᔪᐊᒥᓗ ᑐᖁᖓᔪᑦ ᐃᓂᖏᓐᓃᑦᑐᑦ ᓄᓇᕐᔪᐊᑉ ᓴᖅᑭᑎᒃᑭᕔᑦ, ᑕᕝᕙ ᑕᒪᕐᒥᒃ ᐃᖅᑲᕐᑐᕐᑕᐅᓕᕐᐳᑦ ᐱᓂᐊᕐᓂᕆᓯᒪᔭᖏᑦ ᒪᓕᒡᓗᒋᑦ.
ᑕᕝᕙ ᑐᖁ ᑐᖁᖓᔪᓪᓗ ᐃᓂᖓᑦ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒋᑕᐅᕘᒃ. ᑖᓐᓇ ᑕᓯᖅ ᐃᑯᒪᕐᔪᐊᖅ ᑕᕝᕙ ᑐᑰᑉ ᐂᑉᐸᖓ;
ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᕐᐳᑦ, ᕿᒃᓵᖃᑦᑕᕈᓐᓃᕐᓗᑎᒃᓗ ᕿᐊᔪᖃᕐᓂᐊᕈᓐᓃᕐᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ, ᐱᑐᕾᑦ ᓄᖑᒻᒪᑕ.”
