ᑯᕆᓐᑎᐊᒥᐅᓄᑦ ᓯᕗᓪᓖᑦ 14:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓇᓚᐅᑦᑍᔫᓐᓇᕋᓱᒋᔪᖃᕐᐸᑦ, ᐅᕝᕙᓗ ᐊᓂᕐᓂᐅᑉ ᑐᓂᕐᕈᑎᖏᓐᓂᒃ ᐱᓯᒪᓇᓱᒋᔪᖃᕐᐸᑦ, ᑖᓐᓇ ᑐᑭᓯᑦᓯᐊᓕᕐᓕ ᑎᑎᕋᐅᓯᕆᔭᒃᑲ ᐅᑯᐊ ᐊᑕᓂᐅᑉ ᐱᖁᔨᓂᕆᖕᒪᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:37 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 24:16

ᒎᑎᐅᑉ ᐅᖃᐅᓯᖓᓂᒃ ᑐᓵᔫᑉ ᒎᑎᒥᑦ ᐅᖃᕐᑎᑕᐅᓂᖓ, ᖁᑦᓯᖕᓂᕐᐹᑉ ᖃᐅᔨᒪᓂᖓᓂᒃ ᖃᐅᔨᒪᑎᑕᐅᔫᑉ, ᑕᐅᑐᒃᑑᓪᓗ ᐊᔪᒐᖃᖏᑦᑑᑉ ᑕᑯᑎᑦᓯᑦᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᕉᒪᒥᐅᓄᑦ 12:3

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:29

ᒪᕐᕉᒃ ᐱᖓᓱᓪᓘᓐᓃᑦ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᒃᑐᒃᓴᐅᕗᑦ, ᐊᓯᖏᓪᓕ ᖃᐅᔨᓴᕐᑐᒃᓴᐅᕗᑦ ᐅᖃᐅᓯᐅᔪᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:36

ᒎᑎᐅᑉ ᐅᖃᐅᓯᖏᑦ ᐃᓕᑦᓯᓐᓂᑦ ᐱᒋᐊᕐᓂᖃᕐᐹᑦ? ᐅᕝᕙᓗ ᐃᓕᑦᓯᓐᓄᑐᐊᖅ ᑎᑭᓯᒪᕙᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:38

ᓇᓪᓕᐊᓪᓕ ᐅᑯᓂᖓ ᐅᖃᐅᓯᕆᔭᓐᓂᒃ ᑲᒪᔪᒪᖏᑉᐸᑦ, ᑖᓐᓇ ᑲᒪᒋᔭᐅᔪᒃᓴᐅᖏᓐᓂᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:15

ᒎᑎᐅᓪᓕ ᐊᓂᕐᓂᖓᓂᒃ ᐱᖃᕐᑑᑉ ᓱᓇᓕᒫᑦ ᖃᐅᔨᓇᓱᐊᕐᐰᑦ ᓇᖕᒥᓂᖅ, ᐊᓯᒥᓂᑦ ᖃᐅᔨᒪᔭᐅᓇᓱᐊᕋᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:1

ᐃᓚᒃᑳ, ᒎᑎᐅᑉ ᐊᓂᕐᓂᖓᓂᒃ ᐱᖃᕐᑐᑎᑐᑦ ᐅᖃᐅᑎᔪᓐᓇᓚᐅᓐᖏᓚᑦᓯ, ᐊᓂᕐᓂᕐᒥᓕ ᐱᓯᒪᖏᑦᑐᑎᑐᑦ ᐅᖃᐅᑎᔭᕆᐊᖃᓚᐅᕐᐸᑦᓯ, ᓲᕐᓗ ᙭ᔅᑑᓯᒥ ᓄᑕᕋᐅᔪᑎᑐᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:25

ᐅᐃᖃᖏᑦᑐᓪᓕ ᐱᑦᔪᑎᒋᓪᓗᒋᑦ, ᐊᑕᓂᕐᒥᑦ ᐱᔪᒥᒃ ᐱᖁᔭᒥᒃ ᐅᖃᐅᓯᒃᓴᖃᓐᖏᓚᖓ ᑖᒃᑯᓄᖓ, ᑭᓯᐊᓂᓕ ᐃᓱᒪᒋᔭᓐᓂᒃ ᐅᖃᕐᐳᖓ ᐊᑕᓂᐅᑉ ᓂᑲᒍᓱᖕᓂᕐᒥᓄᑦ ᐅᒃᐱᕆᔭᒃᓴᐅᔪᓐᓇᕐᑎᒻᒪᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:40

ᐃᓱᒪᒋᕙᕋᓕ, ᖁᕕᐊᓱᖕᓂᕐᓴᐅᒐᔭᕐᐳᖅ ᐅᐃᑖᖏᒃᑯᓂ ᑍᒫᒡᓗ ᐃᓱᒪᖃᕐᑎᓪᓗᖓ ᒎᑎᐅᑉ ᐊᓂᕐᓂᖓᓂᒃ ᐱᖃᕋᓱᒋᕗᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:2

ᐃᓄᒡᓕ ᖃᐅᔨᒪᓇᓱᒋᔪᖅ ᖃᐅᔨᒪᔭᕆᐊᖃᓪᓚᕆᒃᑕᒥᓂᒃ ᓱᓕ ᖃᐅᔨᒪᓐᖏᓚᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:12

ᐅᕙᑦᑎᓐᓂᒃ ᐱᐅᔪᕆᓐᖏᓐᓇᑦᑕ ᐊᑦᔨᐅᑎᑦᑐᒪᓐᖏᓚᒍᓪᓘᓐᓃᑦ ᐃᒻᒥᖕᓂᒃ ᐱᐅᔪᕆᔪᓄᑦ. ᑍᒃᑯᐊ ᐆᒃᑑᑎᒋᖃᑦᑕᐅᑎᕙᖕᒪᑕ ᐃᒻᒥᖕᓄᑦ, ᐊᑦᔨᐅᑎᖃᑦᑕᐅᑎᕙᒃᓗᑎᒡᓗ ᐃᒻᒥᖕᓄᑦ, ᑍᒤᓕᐅᕐᓗᑎᒃ ᑖᒃᑯᐊ ᓯᓔᑦᑑᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:7

ᑕᑯᒃᓴᐅᔪᑐᐃᓐᓇᕐᒥᒃ ᑕᐅᑐᒃᑲᑦᓯ. ᓇᓪᓕᐊᑦ ᖁᓚᖏᒃᑯᓂ ᙭ᔅᑑᓯᒧᑦ ᐱᒋᔭᐅᓂᕐᒥᓂᒃ, ᑖᓐᓇ ᐃᒻᒥᓂᒃ ᐃᖅᑬᑎᓕᕐᓕ ᙭ᔅᑑᓯᒧᑦ ᐱᒋᔭᐅᖕᒥᒐᑦᑕᑦᑕᐅᖅ ᑖᒃᑯᑎᑐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:4

ᐃᓕᑦᓯᓐᓄᑦ ᑎᑭᑦᑐᖃᕐᐸᑦ ᔩᓱᓯᐅᑉ ᐊᓯᐊᓂᒃ ᐊᔪᕆᕐᑐᐃᑦᔪᑎᖃᕐᑐᒥᒃ ᐊᔪᕆᕐᑐᐃᑦᔪᑎᒋᓚᐅᓐᖏᑕᑦᑎᓐᓂᒃ, ᐅᕝᕙᓗ ᐊᓂᕐᓂᕐᒥᒃ ᐃᓚᓕᐅᕐᓯᒍᑦᓯ ᐱᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᐅᕝᕙᓗ ᐅᖃᐅᓰᑦ ᑐᓴᕈᒥᓇᕐᑐᑦ ᐊᓯᐊᓂᒃ ᐃᓚᓕᐅᕐᓯᒍᑦᓯ ᐃᓚᓕᐅᕐᓯᒪᔭᑦᓯ ᐊᑦᔨᒋᓐᖏᑕᖓᓂᒃ, ᑍᒤᑦᑐᓂᒃ ᖃᓄᐃᒃᓴᕋᓯ ᐱᕕᖃᕐᑎᑦᓯᓲᖑᒐᑦᓯ.

ᒐᓔᑎᐊᒥᐅᓄᑦ 6:8

ᑎᒥᐅᑉ ᐱᔪᒪᔭᖓ ᒪᓕᒡᓗᒍ ᑲᓐᖓᕐᓱᐃᔪᖅ ᑲᑎᕐᓱᐃᔪᒫᕐᐳᖅ ᐊᓯᕈᕐᑕᐅᑦᔪᑎᒃᓴᒥᓂᒃ; ᐊᓂᕐᓂᕐᒧᓪᓕ ᑲᓐᖓᕐᓱᐃᒃᐸᑦ ᐊᓂᕐᓂᕐᒥᑦᑕᐅᖅ ᑲᑎᕐᓱᐃᔪᒫᕐᐳᖅ ᐃᓄᓯᕐᒥᒃ ᓄᖑᓱᐃᑦᑐᒥᒃ.

ᐲᑦᑐᕉᓯ ᐂᑉᐸᖏᑦ 3:2

ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ.

ᔪᐊᓇᓯ ᓯᕗᓪᓖᑦ 4:6

ᐅᕙᒍᓪᓕ ᒎᑎᐅᑉ ᐱᒋᕚᑎᒍᑦ. ᒎᑎᒥᒃ ᖃᐅᔨᒪᔪᓄᑦ ᓈᓚᒃᑕᐅᕗᒍᑦ, ᒎᑎᒥᓪᓗ ᐱᖏᑦᑑᑉ ᓈᓚᓐᖏᓛᑎᒍᑦ. ᑕᒪᑐᒧᖓ ᖃᐅᔨᒪᔪᓐᓇᕐᐳᒍᑦ ᐊᓂᕐᓃᑦ ᓱᓕᔪᑦ ᐊᓂᕐᓃᓪᓗ ᑕᒻᒪᕐᑎᑦᓯᔪᑦ ᓇᓪᓕᐊᖑᖕᒪᖔᑕ.

ᔫᑎᐅᑉ ᐊᒡᓚᖏᑦ 1:17

ᐃᖅᑲᐅᒪᔪᒃᓴᐅᕗᓯ ᓇᒡᓕᖕᓇᕐᑐᓯ, ᐅᖃᐅᓯᐅᓯᒪᔪᓂᒃ ᐱᓛᕐᑐᓂᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐋᐴᓯᑕᓕᑯᑎᖏᑎᒍᑦ.