ᑯᕆᓐᑎᐊᒥᐅᓄᑦ ᓯᕗᓪᓖᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:13 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:14

ᖃᓄᐃᓕᐅᕐᓂᓕᒫᓯ ᓇᒡᓕᖕᓂᒃᑯᑦ ᐱᓇᓱᐊᕐᓯᒋᒃ.

ᑯᓘᓯᐊᒥᐅᓄᑦ 3:14

ᑕᒪᒃᑯᐊᓕ ᖄᖏᑎᒍᑦ ᐊᑎᓯᓯᒪᓗᓯ ᓇᒡᓕᖕᓂᕐᒥᒃ, ᑖᓐᓇ ᑕᒤᓐᓂᒃ ᑲᑎᓐᖓᑎᑦᓯᖕᒪᑦ ᓈᒻᒪᑦᓯᐊᕐᑐᒥᒡᓗ ᐊᑕᐅᓯᐅᓂᖃᕐᑎᑦᓯᓪᓗᓂ.

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᐱᓕᐱᒥᐅᓄᑦ 1:9

ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᔪᐊᓇᓯ ᓯᕗᓪᓖᑦ 2:10

ᓇᓪᓕᐊᑦ ᐃᓅᖃᑎᒥᓂᒃ ᓇᒡᓕᒍᓱᒃᑐᖅ ᑖᓐᓇ ᖃᐅᒪᔪᒦᑉᐳᖅ, ᑕᕝᕙᓂᓗ ᐃᓅᖃᑎᒥᓄᑦ ᐊᒡᕕᐊᕈᑎᒃᓴᐅᓇᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:8

ᐅᕙᒍᓪᓕ ᐅᓪᓘᑉ ᕿᑐᕐᖓᕆᖕᒪᑎᒍᑦ, ᑍᒤᒻᒪᑦ ᖃᐅᔨᒪᓇᓱᐊᑦᓯᐊᕐᑐᒃᓴᐅᕗᒍᓪᓕ, ᐅᒃᐱᕐᓂᖅ ᓇᒡᓕᖕᓂᕐᓗ ᓴᒡᕕᖕᒥᐅᑕᕐᑎᑐᑦ ᐱᔭᐅᒌᒃᑯᑕᕆᓗᒍ, ᓇᓴᕐᓯᒪᓗᑕᓗ ᓂᕆᐅᖕᓂᕐᒥᒃ ᐱᐅᓕᔭᐅᕕᖕᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᑯᓘᓯᐊᒥᐅᓄᑦ 1:27

ᒎᑎᐅᑉ ᑕᒪᓐᓇ ᐃᔨᕐᓯᒪᔪᖅ ᖃᐅᔨᔭᐅᑎᑦᓱᒪᓚᐅᕐᐹ ᔫᑎᐅᖏᑦᑐᓄᑦ ᐊᒥᒐᖏᑦᑐᕐᔪᐊᖅ ᓂᕐᑐᕐᓇᕐᑐᕐᔪᐊᕐᓗ ᐃᔨᕐᓯᒪᓚᐅᕐᑐᖅ ᐃᓄᓕᒫᓄᑦ, ᑕᕝᕙ ᙭ᔅᑑᓯ ᐃᓗᑦᓯᓐᓃᑦᑐᖅ, ᓂᕆᐅᒍᑎᒃᓴᐅᖁᓪᓗᒍ ᐱᓐᓇᕐᓇᕐᑐᕐᔪᐊᒥᒃ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᔪᐊᓇᓯ ᓯᕗᓪᓖᑦ 3:9

ᓇᓪᓕᐊᑦ ᒎᑎᒧᑦ ᕿᑐᕐᖓᐅᔪᖅ ᐊᔪᕐᑐᓖᓐᓇᕈᓐᓃᕐᐳᖅ, ᒎᑎᐅᑉ ᐱᕈᕐᓯᐊᖓ ᑖᑦᓱᒪ ᐃᓗᐊᓃᒻᒪᑦ; ᐊᔪᕐᑐᓖᓐᓇᕈᓐᓇᓐᖏᓚᖅ, ᒎᑎᒥᑦ ᐃᕐᓂᐊᖑᓯᒪᒐᒥ.

ᔪᐊᓇᓯ ᓯᕗᓪᓖᑦ 3:3

ᑭᓇᒃᑯᓕᒫᑦ ᑍᒤᑦᑐᒥᒃ ᓂᕆᐅᒋᔭᖃᕐᑐᑦ ᑖᑦᓱᒥᖓ ᐃᒻᒥᖕᓂᒃ ᐃᑦᔪᕐᓁᑎᓐᓂᐊᕐᐳᑦ, ᓲᕐᓗ ᑖᓐᓇ ᐃᑦᔪᕐᓁᒻᒪᑦ.

ᔪᐊᓇᓯ ᓯᕗᓪᓖᑦ 2:14

ᐊᑖᑕᐅᔪᓯ ᑎᑎᕋᕐᕕᒋᓚᐅᕐᐸᑦᓯ, ᑖᓐᓇ ᖃᐅᔨᒪᒐᑦᓯᐅᒃ ᐱᒋᐊᕐᓂᖓᓂᑦ ᐱᑕᕾᓐᓇᓚᐅᕐᑐᖅ. ᐃᓅᓱᒃᑑᔪᓯ ᑎᑎᕋᕐᕕᒋᓚᐅᕐᐸᑦᓯ, ᐱᔪᓐᓇᕐᓂᖃᑦᓯᐊᕋᑦᓯ, ᒎᑎᐅᓪᓗ ᐅᖃᐅᓯᖓ ᐃᓗᑦᓯᓐᓃᒻᒪᑦ, ᐱᐅᖏᑦᑐᐊᓗᒡᓗ ᓵᓚᒋᓯᒪᒐᑦᓯᐅᒃ.

ᐄᑉᕈᐃᓄᑦ 6:19

ᑕᒪᑐᒥᖓ ᓂᕆᐅᒋᔭᒃᓴᖃᕐᑐᒍᑦ ᑕᕐᓂᑦᑎᓐᓄᑦ ᑭᓴᕐᕕᓕᐅᕐᓯᒪᕗᒍᑦ, ᖁᓚᕐᓇᖏᑦᑐᒥᒃ ᐊᑦᑕᕐᓇᖏᑦᑐᒥᒡᓗ. ᑐᒃᓯᐊᕐᕕᒡᔪᐊᑉ ᑖᓗᑕᕐᔪᐊᖓᑕ ᐅᖓᑖᓄᑦ ᐃᑎᕐᓯᒪᔪᒥᒃ ᐃᑦᔪᕐᓁᓐᓂᕐᐹᖁᑎᖓᓄᑦ,

ᑎᒧᑎᒧᑦ ᐂᑉᐸᖏᑦ 1:7

ᒎᑎᐅᑉ ᑐᓂᓯᕕᒋᓯᒪᖏᒻᒪᑎᒍᑦ ᐊᓂᕐᓂᕐᒥᒃ ᓯᕘᕋᔪᒥᒃ ᐊᓂᕐᓂᕐᒥᒡᓕ ᐃᓗᒻᒥᕐᑎᑉᐹᑎᒍᑦ ᐱᔪᓐᓇᕐᓂᕐᒥᒃ ᓇᒡᓕᖕᓂᕐᒥᒡᓗ ᓇᖕᒥᓂᕐᓗ ᐱᓯᒪᑦᓯᐊᕈᒃᓇᕐᑎᑦᓯᔪᒥᒃ.

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:15

ᑖᓐᓇ ᑐᖁᓚᐅᕐᐳᖅ ᐃᓄᓕᒫᑦ ᐱᑦᔪᑎᒋᓪᓗᒋᑦ, ᑖᒃᑯᐊ ᐃᓅᔪᑦ ᐃᒻᒥᓃᓐᓇᖅ ᐃᓱᒪᒋᓗᑎᒃ ᐃᓅᓯᖃᕈᓐᓃᖁᓪᓗᒋᑦ, ᑖᑦᓱᒧᖓᓕ ᐱᑦᔪᑎᒋᓪᓗᒋᑦ ᑐᖁᓚᐅᕐᑐᒧᑦ ᒪᑭᓚᐅᕐᑐᒧᓪᓗ ᐃᓅᖔᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:1

ᓇᒡᓕᖕᓂᖅ ᐱᓇᓱᐊᕐᓯᐅᒃ ᐊᖏᓂᕐᐸᐅᑎᓪᓗᒍ, ᐊᓂᕐᓂᐅᓪᓗ ᑐᓂᕐᕈᑎᖏᑦ ᐊᔪᐃᓐᓈᕆᓯᒋᒃ, ᐱᓗᐊᕐᑐᒥᒡᓕ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᑎᑕᐅᓂᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:14

ᑐᓐᖓᕕᐅᑉ ᖄᖓᓂ ᓴᓇᔭᐅᓯᒪᔪᖅ ᐃᑯᒪᒧᑦ ᖃᓄᐃᓕᖏᑉᐸᑦ, ᑕᕝᕙ ᐱᓇᓱᐊᕐᑐᕕᓂᖅ ᐊᑭᓕᕐᑕᐅᔪᒫᕐᐳᖅ.

ᔪᐊᓇᓯ ᓯᕗᓪᓖᑦ 2:24

ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐃᓕᑦᓯᓃᖏᓐᓇᕐᓕ. ᐱᒋᐊᕐᓂᖓᓂᑦ ᑐᓴᕐᓯᒪᔭᓯ ᐱᓯᒤᓐᓇᕈᑦᓯᐅ, ᑕᕝᕙ ᐃᕐᓂᕐᒦᖏᓐᓇᕐᓂᐊᕐᐳᓯ ᐊᑖᑕᒦᓪᓗᓯᓗ

ᓘᑲᓯᐅᑉ ᐊᒡᓚᖏᑦ 22:32

ᑐᒃᓯᐊᓚᐅᕐᐳᖓᓕ ᐅᒃᐱᕐᓃᑦ ᓵᓚᐅᖁᓇᒍ; ᐅᑎᕈᕕᑦ ᐅᕙᓐᓄᑦ, ᐃᓅᖃᑎᕕᑦ ᐅᒃᐱᕐᓂᕐᖏᑦ ᒪᑭᑎᒃᑲᓐᓂᕆᐊᖃᓛᕐᐸᑎᑦ.”

ᓘᑲᓯᐅᑉ ᐊᒡᓚᖏᑦ 10:27

ᑖᑦᓱᒪ ᑭᐅᕚ, “ᐊᑕᓂᖅ, ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐱᔪᓐᓇᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒤᓪᓗ ᑕᒫᑦ ᐊᑐᕐᓗᒍ; ᐃᓅᖃᑎᖕᓂᒃ ᐃᓕᒃᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᐄᑉᕈᐃᓄᑦ 10:39

ᐅᕙᒍᓪᓕ ᐃᓚᒋᓐᖏᓚᕗᑦ ᓴᐱᓕᖃᑦᑕᕐᑐᑦ ᓱᒋᐊᕐᑕᐅᔪᒫᓕᕐᑐᓪᓗ, ᐃᓚᒋᕙᕗᓪᓕ ᐅᒃᐱᕐᓂᖃᕐᑐᑦ ᑕᕐᓂᖏᑕ ᐱᐅᓕᔭᐅᑦᔪᑎᒋᔭᖓᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:1

ᒫᓐᓇᓕ ᓂᖀᑦ ᑐᓂᕐᕈᑕᐅᓯᒪᔪᑦ ᒎᑎᓐᖑᐊᓄᑦ ᐱᑦᔪᑎᒋᓪᓗᒋᑦ. ᖃᐅᔨᒪᕗᒍᑦ ᐅᖃᐅᓯᐅᕙᒃᑐᖅ ᓱᓕᖕᒪᑦ “ᐃᓘᓐᓇᑕ ᖃᐅᔨᒪᑎᑕᐅᓂᕐᒥᒃ ᐱᑎᑕᐅᓯᒪᕗᒍᑦ,” ᐅᓇ “ᖃᐅᔨᒪᑎᑕᐅᓂᖅ,” ᐱᐅᔪᕆᑎᑦᓯᕗᖅ, ᓇᒡᓕᖕᓂᕐᓕ ᐋᖅᑭᒃᓱᐃᕗᖅ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᐃᓐᖏᕈᑎᑦ 42:11

ᑕᕐᓃᒃ, ᓱᖕᒪᑦ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᑮᓇᕐᒪ ᐃᑲᔪᕐᑎᒋᖕᒪᒍ ᒎᑎᒋᓪᓗᒍᓗ.

ᐃᓐᖏᕈᑎᑦ 146:5

ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.

ᐃᓐᖏᕈᑎᑦ 43:5

ᑕᕐᓃᒃ, ᓲᖅ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᓱᓕ ᓂᕐᑐᕈᒪᒐᒃᑯ, ᑮᓇᕐᒪ ᐃᑲᔪᕐᑎᖓ ᒎᑎᒋᓪᓗᒍᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.