ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:12 ပူးပေါင်းရင်းမြစ်များ

ᔪᐊᓇᓯ ᓯᕗᓪᓖᑦ 3:2

ᓇᒡᓕᒋᔭᒃᑲ, ᒫᓐᓇ ᒎᑎᐅᑉ ᕿᑐᕐᖓᕆᖕᒫᑎᒍᑦ, ᓱᓕᓕ ᖃᐅᔨᒪᖏᒃᑲᓗᐊᕐᐳᒍᑦ ᖃᓄᐃᑦᑐᓐᖑᓛᕐᒪᖔᑦᑕ ᑖᓐᓇ ᓴᖅᑭᑉᐸᑦ. ᖃᐅᔨᒪᕗᒍᓪᓕ ᑖᓐᓇ ᓴᖅᑭᑉᐸᑦ, ᐊᑦᔨᒋᔪᒫᕋᑦᑎᒍ, ᑕᑯᔪᒫᕋᑦᑎᒍ ᖃᓄᐃᑦᑑᓂᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:18

ᐅᕙᒍᓪᓗ ᑕᒪᑦᑕ ᑭᓇᑦᑎᓐᓂᒃ ᒪᑐᐊᕐᓯᓯᒪᖏᑦᑐᒍᑦ, ᐊᑕᓂᐅᑉ ᓂᕐᑐᕐᓇᕐᓂᖓ ᑕᑯᒃᓴᐅᑎᑉᐸᕗᑦ, ᐊᓯᑦᔨᕐᑕᐅᓪᓗᑕᓗ ᑖᑦᓱᒪ ᑕᐅᑦᑐᖓᓄᑦ ᓂᕐᑐᕐᓇᕐᓯᕙᓪᓕᐊᑎᑦᓯᔪᒧᑦ ᐱᓐᓇᕐᓇᕐᑐᒥᑦ ᐱᓐᓇᕐᓇᕐᑐᒧᑦ; ᑕᒪᓐᓇᓗ ᐊᑕᓂᕐᒥᑦ ᐱᕗᖅ ᐊᓂᕐᓂᐅᔪᒥᑦ.

ᐱᓕᐱᒥᐅᓄᑦ 3:12

ᑕᒪᑐᒥᖓ ᐱᔭᕇᕐᓯᒪᓂᕋᕐᓗᖓ ᐅᖃᓐᖏᓚᖓ ᐅᕝᕙᓗ ᓈᒻᒪᒃᓯᔭᕇᕐᓂᕋᕐᓗᖓᓘᓐᓃᑦ; ᐱᓇᓱᐊᕐᐸᕋᓕ ᓵᓚᖃᐅᑎᒃᓴᖅ ᐱᑖᕆᔪᒪᓪᓗᒍ, ᔩᓱᓯ ᙭ᔅᑑᓯᐅᑉ ᓵᓚᖃᕈᑎᔭᕇᕐᓯᒪᖕᒪᖓ ᐱᑖᕆᓪᓗᓂᖓ ᓇᖕᒥᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:4

ᑮᓇᖓᓗ ᑕᑯᔪᒫᕐᐹᑦ, ᐊᑎᖓᓗ ᖃᐅᖏᓐᓂ ᑎᑎᕋᕐᓯᒪᔪᒫᕐᐳᖅ.

ᔧᒥᓯᐅᑉ ᐊᒡᓚᖏᑦ 1:23

ᑭᓇᑐᐃᓐᓇᖅ ᐅᖃᐅᓯᕐᒥᒃ ᑐᓴᑐᐃᓐᓇᕐᑎ ᐱᓇᓱᐊᕈᑎᖃᕐᐸᖏᑦᑐᖅ, ᑖᑦᓱᒪ ᐊᑦᔨᒋᕚ ᐃᓄᒃ ᑕᕐᕋᕐᑑᑎᒃᑯᑦ ᑮᓇᕐᒥᓂᒃ ᕿᒥᕐᕈᔪᖅ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:7

ᐅᒃᐱᕐᓂᑯᑦ ᐃᓅᕗᒍᑦ, ᑕᐅᑐᒃᑕᕗᑦ ᐅᒃᐱᕈᑎᒋᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 5:8

ᓮᒪᓇᕐᑐᒦᑉᐳᑦ ᐆᒻᒪᑎᒥᒍᑦ ᐸᓯᔭᐅᑦᔪᑎᒃᓴᖃᖏᑦᑐᑦ; ᒎᑎᒥᒃ ᑕᑯᔪᒫᕐᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᕉᒪᒥᐅᓄᑦ 8:18

ᐃᓱᒪᒋᒐᒃᑯ ᐅᖁᒤᑦᑐᒦᓐᓃᑦ ᒫᓐᓇ ᐊᑐᕐᑕᐅᔪᑦ ᐊᑦᔨᐅᑎᑕᒃᓴᐅᖏᒻᒪᑕ ᐱᓐᓇᕐᓇᕐᑐᕐᔪᐊᒧᑦ ᓴᖅᑭᑎᑕᐅᔪᒫᕐᑐᒧᑦ ᐅᕙᑦᑎᓐᓄᑦ.

ᒨᓯᓯ ᓯᑕᒪᖏᑦ 12:8

ᐅᖃᕐᕕᒋᕙᒃᐸᕋ ᖃᓂᕐᒥᑦ ᖃᓂᕐᒧᑦ, ᑐᑭᓯᓇᑦᓯᐊᕐᑐᓂ ᐃᔨᕐᓯᒪᖏᑦᑐᓂᒡᓗ; ᐊᑕᓂᐅᓪᓗ ᐊᒡᓛᑦ ᑐᓄᖓᓂᒃ ᑕᑯᓯᒪᕗᖅ. ᓱᖕᒪᑦ ᑲᑉᐱᐊᓱᓐᖏᓚᓰᒃ ᒨᓯᓯᒥᒃ ᐱᔨᒋᔭᓐᓂᒃ ᐊᑭᕋᕐᑐᕐᓗᓯᒃ?”

ᒨᓯᓯ ᓯᕗᓪᓖᑦ 32:30

ᔧᑰᓪᓗ ᓄᓇ ᑖᓐᓇ ᐊᑦᓯᕐᐹ ᐱᓂᐅᓪᒥᒃ ᐅᖃᕋᒥ, “ᒎᑎ ᑕᑯᓯᒪᕙᕋ ᑮᓇᕐᒥᑦ ᑮᓇᕐᒧᑦ, ᓱᓕᓕ ᐃᓅᓪᓗᖓ.”

ᒫᑎᐅᓯᐅᑉ ᐊᒡᓚᖏᑦ 18:10

“ᖃᐅᔨᓕᕆᑦᓯ ᑕᒪᒃᑯᐊᑯᓗᐃᑦ ᓇᕐᕈᒋᔭᕆᐊᖃᖏᓐᓇᑦᓯᐅᒃ; ᓱᓕᓪᓗᖓ ᐅᖃᕐᐳᖓ ᑖᒃᑯᐊ ᐂᖏᓖᖁᑎᖏᑕ ᐊᑖᑕᒪ ᕿᓚᖕᒦᑦᑑᑉ ᑮᓇᖓ ᑕᑯᐃᓐᓇᖃᑦᑕᕐᐹᑦ.

ᔪᐊᓇᓯᐅᑉ ᐊᒡᓚᖏᑦ 10:15

ᓲᕐᓗ ᐊᑖᑕᐅᑉ ᐃᓕᑕᕆᖕᒪᖓ ᐅᕙᖓᓗ ᐊᑖᑕ ᐃᓕᑕᕆᒐᒃᑯ; ᐃᓅᓯᕋᓗ ᑐᓂᕙᕋ ᓰᐲᑦ ᐱᓪᓗᒋᑦ.

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 17:2

“ᐃᓅᑉ ᐃᕐᓂᖓ, ᓇᓚᐅᑦᓵᒐᒃᓴᓕᐅᕆᑦ, ᐊᑦᔨᐅᔪᒥᒡᓗ ᐅᖃᐅᑎᓗᒋᑦ ᐃᓴᕆᐊᓕᐅᑉ ᑭᖑᕚᖏᑦ.

ᔫᐱᐅᑉ ᐊᒡᓚᖏᑦ 19:26

ᐅᕕᓂᒐᓗ ᐋᓐᓂᐊᓇᕐᑐᒧᑦ ᓄᖑᑕᐅᒐᓗᐊᕐᐸᑦ, ᓱᓕ ᑎᒥᓐᓃᓪᓗᖓ ᒎᑎ ᑕᑯᔪᒫᕐᐸᕋ,

ᔫᐱᐅᑉ ᐊᒡᓚᖏᑦ 36:26

ᑕᑯᒋᑦ, ᒎᑎᐅᑉ ᐊᖏᔪᕐᔪᐊᖑᕗᖅ, ᖃᐅᔨᔪᓐᓇᓐᖏᓚᕗᓪᓗ; ᑖᑦᓱᒪᓗ ᐊᕐᕌᒍᖏᑦ ᖃᐅᔨᔭᐅᔪᓐᓇᕋᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:11

ᓄᑕᕋᐅᑎᓪᓗᖓ, ᓄᑕᕋᕐᑎᑐᑦ ᐅᖃᓪᓚᒃᐸᓚᐅᕐᐳᖓ, ᓄᑕᕋᕐᑎᑐᓪᓗ ᐃᓱᒪᕙᓚᐅᕐᐳᖓ, ᑐᑭᓯᓂᖃᕐᓗᖓᓗ ᓄᑕᕋᕐᑎᑐᑦ; ᐱᕈᕇᕋᒪᓕ, ᓄᑕᕋᐅᑉ ᐃᓕᖅᑯᓯᖓ ᐊᑐᕈᓐᓃᕐᐸᕋ.