27 ᙭ᔅᑑᓯᐅᑉ ᑎᒥᒋᕚᓯ, ᐊᑐᓂᓪᓗ ᐃᓚᒋᔭᐅᓪᓗᓯ ᑎᒥᖓᓄᑦ.
ᑍᒫᒃᑕᐅᖅ ᙭ᔅᑑᓯᒥ ᐊᒥᓲᓪᓗᑕ, ᑎᒥᐅᕗᒍᑦ ᐊᑕᐅᓯᕐᒥ, ᐊᑐᓂ ᐊᒃᑐᐊᖃᑦᑕᐅᑎᓪᓗᑕ ᐅᕙᑦᑎᓐᓄᑦ ᑎᒥᒦᑦᑐᑎᑐᑦ.
ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.
ᓂᐊᖂᔭᐅᑉ ᐊᑕᐅᓯᐅᓂᖓᓄᑦ, ᐅᕙᒍᑦ ᐅᓄᕋᓗᐊᕐᑐᒍᑦ, ᑎᒥᒥ ᐊᑕᐅᓯᐅᕗᒍᑦ, ᓂᐊᖂᔭᕐᒥᑦ ᐊᑕᐅᓯᕐᒥᑦ ᐱᖃᑕᐅᒐᑦᑕ.
ᓲᕐᓗ ᑎᒥ ᐊᑕᐅᓯᖅ ᐊᒥᓱᓂᒃ ᑭᓱᑐᐃᓐᓇᖃᕐᒪᑦ, ᑕᒪᒃᑯᐊᓗ ᑎᒥᐅᑉ ᐃᓚᒋᖕᒫᖏᑦ ᑎᒥᒧᑦ ᐊᑕᓪᓗᑎᒃ, ᐅᓄᕋᓗᐊᕐᑎᓪᓗᒋᑦ, ᑎᒥ ᐊᑕᐅᓯᐅᖕᒪᑦ, ᙭ᔅᑑᓯᐅᑦᑕᐅᖅ ᑎᒥᖓ ᑍᒤᒃᑭᕗᖅ.
ᑎᒥᐅᑉ ᑭᓱᑯᑦᑎᖓ ᐋᓐᓂᐊᓕᕐᐸᑦ, ᑕᕝᕙ ᑎᒥᓕᒫᖅ ᐋᓐᓂᐊᖃᑕᐅᓕᕐᐳᖅ; ᑎᒥᐅᓪᓗ ᑭᓱᑯᑦᑎᖓ ᓂᕐᑐᕐᓇᕐᑎᑕᐅᒃᐸᑦ, ᑕᕝᕙ ᑎᒥᐅᑉ ᑭᓱᑯᑦᑎᓕᒫᖏᑦ ᖁᕕᐊᓱᒃᑎᑕᐅᓕᕐᐳᑦ.
ᖃᐅᔨᒪᓐᖏᓚᓰ ᑎᒥᓯ ᙭ᔅᑑᓯᐅᑉ ᑎᒥᖓᑕ ᐃᓚᒋᖕᒪᒋᑦ? ᑍᒤᒻᒪᑦ ᙭ᔅᑑᓯᐅᑉ ᑎᒥᖓᑕ ᐃᓚᖓ ᐊᖑᓐᓂᐊᕐᑎᒧᑦ ᐊᕐᓇᕐᓂᐊᕐᑎᒧᓪᓘᓐᓃᑦ ᐃᓚᓕᐅᑎᔪᓐᓇᕐᐸᕌ? ᑍᒤᑦᑐᓐᓇᓐᖏᓚᖅ!
ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.
ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.
ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᕐᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ.
ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ.
ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.
ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.
ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.
