ᑯᕆᓐᑎᐊᒥᐅᓄᑦ ᓯᕗᓪᓖᑦ 12:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓲᕐᓗ ᑎᒥ ᐊᑕᐅᓯᖅ ᐊᒥᓱᓂᒃ ᑭᓱᑐᐃᓐᓇᖃᕐᒪᑦ, ᑕᒪᒃᑯᐊᓗ ᑎᒥᐅᑉ ᐃᓚᒋᖕᒫᖏᑦ ᑎᒥᒧᑦ ᐊᑕᓪᓗᑎᒃ, ᐅᓄᕋᓗᐊᕐᑎᓪᓗᒋᑦ, ᑎᒥ ᐊᑕᐅᓯᐅᖕᒪᑦ, ᙭ᔅᑑᓯᐅᑦᑕᐅᖅ ᑎᒥᖓ ᑍᒤᒃᑭᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:12 ပူးပေါင်းရင်းမြစ်များ

ᑯᓘᓯᐊᒥᐅᓄᑦ 3:15

᙭ᔅᑑᓯᐅᑉ ᓮᒻᒪᕐᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:27

᙭ᔅᑑᓯᐅᑉ ᑎᒥᒋᕚᓯ, ᐊᑐᓂᓪᓗ ᐃᓚᒋᔭᐅᓪᓗᓯ ᑎᒥᖓᓄᑦ.

ᑯᓘᓯᐊᒥᐅᓄᑦ 2:19

ᑖᒃᑯᐊ ᓂᐊᖁᕐᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᕐᐸᓪᓕᐊᕗᕐᓗ ᒎᑎᐅᑉ ᐱᕈᕐᐸᓪᓕᐊᕕᐅᖁᔭᖓᓄᑦ.

ᐃᐱᓯᒥᐅᓄᑦ 4:4

ᑎᒥ ᐊᑕᐅᓯᐅᖕᒪᑦ ᐊᓂᕐᓂᕐᓗ ᐊᑕᐅᓯᐅᓪᓗᓂ, ᓲᕐᓗᑦᑕᐅᖅ ᕾᖁᔭᐅᓯᒪᒐᑦᓯ ᒎᑎᒧᑦ ᓂᕆᐅᒋᔭᒃᓴᖃᖁᓪᓗᓯ ᐊᑕᐅᓯᕐᒥᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:17

ᓂᐊᖂᔭᐅᑉ ᐊᑕᐅᓯᐅᓂᖓᓄᑦ, ᐅᕙᒍᑦ ᐅᓄᕋᓗᐊᕐᑐᒍᑦ, ᑎᒥᒥ ᐊᑕᐅᓯᐅᕗᒍᑦ, ᓂᐊᖂᔭᕐᒥᑦ ᐊᑕᐅᓯᕐᒥᑦ ᐱᖃᑕᐅᒐᑦᑕ.

ᐃᐱᓯᒥᐅᓄᑦ 5:30

ᑖᑦᓱᒪ ᑎᒥᖓᑕ ᓱᓇᑐᐃᓐᓇᕆᖕᒪᑎᒍᑦ.

ᑯᓘᓯᐊᒥᐅᓄᑦ 1:18

ᑖᓐᓇ ᑎᒥᐅᑉ ᓂᐊᖁᕆᕚ, ᑕᕝᕙ ᐅᒃᐱᕐᑑᖃᑎᒌᑦ; ᑖᓐᓇ ᐱᒋᐊᕐᓂᐅᕗᖅ, ᐊᖓᔪᒃᖠᕐᐹᒍᕗᕐᓗ ᑐᖁᖓᔪᓂᑦ ᒪᑭᑎᑕᐅᔪᓂᑦ, ᓱᓇᑐᐃᓐᓇᕐᓄᑦ ᓯᕗᓪᓕᕐᐹᖑᓗᓂ ᐊᖓᔪᖅᑳᖑᖁᓪᓗᒍ.

ᐃᐱᓯᒥᐅᓄᑦ 5:23

ᐊᖑᑦ ᓂᐊᖂᖕᒪᑦ ᓄᓕᐊᒥᓄᑦ ᙭ᔅᑑᓯᑦᑕᐅᖅ ᓂᐊᖁᕆᔭᐅᖕᒪᑦ ᐅᒃᐱᕐᑑᖃᑎᒌᓄᑦ, ᑕᕝᕙ ᑎᒥᒥᓄᑦ, ᓇᖕᒥᓂᕐᓗ ᐱᐅᓕᔨᐅᓪᓗᓂ ᑖᒃᑯᓄᖓ.

ᐃᐱᓯᒥᐅᓄᑦ 4:12

ᐃᑦᔪᕐᓁᑎᑕᐅᓯᒪᔪᑦ ᐱᓇᓱᐊᕈᑎᒃᓴᒥᖕᓂᒃ ᐊᔪᕐᓴᖏᓪᓗᑎᒃ ᐱᔨᑦᓯᕈᓐᓇᖁᓪᓗᒋᑦ, ᙭ᔅᑑᓯᐅᑉ ᑎᒥᖓ ᐋᖅᑭᒃᑕᐅᕙᓪᓕᐊᖁᓪᓗᒍ.

ᒐᓔᑎᐊᒥᐅᓄᑦ 3:16

ᑍᒫᒃ ᒎᑎ ᐊᖏᕐᓯᒪᕗᖅ ᐂᑉᕋᕼᐋᒻᒧᑦ ᑭᖑᕚᖓᓄᓪᓗ. ᐅᖃᕐᓯᒪᖏᒻᒪᑦ, “ᑭᖑᕚᖏᓐᓄᑦ,” ᐅᓄᕐᑐᓄᑦ ᑐᑭᖃᕐᓗᓂ; ᑭᓯᐊᓂᓕ ᐅᖃᖔᕐᐳᖅ “ᑭᖑᕚᖓᓄᑦ,” ᐊᑕᐅᓯᕐᒥᒃ ᐅᖃᐅᓯᖃᕐᓗᓂ, ᓇᓗᓇᓐᖏᓚᖅ ᙭ᔅᑑᓯᒥᒃ ᐅᖃᕐᓯᒪᖕᒪᑕ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᐃᐱᓯᒥᐅᓄᑦ 1:23

ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:7

ᐃᓄᖕᓄᑦ ᐊᑐᓂᑦ ᐊᓂᕐᓂᐅᑉ ᑐᓂᕐᕈᑎᖏᑕ ᐱᓇᓱᐊᕐᑎᑦᓯᓂᖏᑦ ᓴᖅᑭᕐᐳᑦ ᐊᓯᖏᑕ ᐱᕙᓪᓕᕈᑎᒃᓴᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:20

ᑍᒤᒻᒪᑦ, ᑎᒥᐅᑉ ᓱᓇᑐᐃᓐᓇᖏᑦ ᐅᓄᕐᑑᕗᑦ, ᑎᒥᓕ ᐊᑕᐅᓯᐅᕗᖅ.