ᑯᕆᓐᑎᐊᒥᐅᓄᑦ ᓯᕗᓪᓖᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒎᑎ ᓱᖁᓯᔪᐃᑦᑑᖕᒪᑦ, ᕾᖁᔨᓯᒪᔪᖅ ᐃᓕᑦᓯᓐᓂᒃ ᐃᓅᖃᑎᖃᖁᔨᓪᓗᓂ ᐃᕐᓂᖓᓂᒃ, ᔩᓱᓯ ᙭ᔅᑑᓯᒥᒃ ᐊᑕᓂᕐᒥᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:9 ပူးပေါင်းရင်းမြစ်များ

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:3

ᐊᑕᓂᕐᓕ ᓱᖁᓯᔪᐃᑦᑑᖕᒪᑦ; ᑖᑦᓱᒪ ᓴᓐᖏᔫᑎᓐᓂᐊᕐᐹᓯ ᓴᐳᑎᓗᓯᓗ ᓵᑖᓇᓯᒥᑦ.

ᐄᑉᕈᐃᓄᑦ 10:23

ᑍᒫᒃᑕᐅᖅ ᓂᕆᐅᖕᓂᕆᔭᑦᑎᓐᓂᒃ ᐅᖃᕆᒃᓴᐅᑦᔨᓂᕆᔭᕗᑦ ᐊᑕᕕᒌᓐᓇᕐᓚᕗᑦ ᒪᕐᕈᒍᓯᕈᑎᒋᖏᓪᓗᒍ, ᑖᓐᓇ ᐊᖏᕈᑎᒋᓯᒪᔭᒥᓂᒃ ᓴᖑᑎᑦᓯᓂᐅᓴᖏᒻᒪᑦ.

ᒨᓯᓯ ᑕᓪᓕᒪᖏᑦ 7:9

ᐃᖅᑲᐅᒪᔪᒃᓴᐅᕗᓯ ᐊᑕᓂᖅ ᒎᑎᓯ ᑭᓯᒥ ᒎᑎᑑᖕᒪᑦ ᓱᖁᓯᔪᐃᑦᑑᓪᓗᓂᓗ, ᐊᖏᖃᑎᒌᒍᑎᒋᓯᒪᔭᓂ ᑲᔪᓯᑎᓐᓂᐊᕐᐹ ᓇᒡᓕᒍᓱᖕᓂᓂᓗ ᑍᒪᓐᖓᑦ ᓴᖅᑭᑎᖃᑦᑕᕐᓂᐊᕐᐹ ᑭᖑᕚᖑᖃᑎᒌᓄᑦ ᐅᓄᕐᑐᕐᔪᐊᓄᑦ ᓇᒡᓕᒍᓱᒃᑐᓄᑦ ᑖᑦᓱᒥᖓ ᐱᖁᔨᑦᔪᑎᒋᔭᖏᓐᓂᒡᓗ ᒪᓕᒃᑐᓄᑦ,

ᔪᐊᓇᓯ ᓯᕗᓪᓖᑦ 1:3

ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:13

ᐱᐅᓐᖏᑐᒧᑦ ᐱᔪᒥᓵᕐᑕᐅᓂᕐᓄᑦ ᑎᑭᑕᐅᕙᒃᐳᓯ ᐃᓄᐃᑦ ᐊᑐᕐᐸᒃᑕᖏᓐᓄᑦ ᑭᓯᐊᓂ. ᒎᑎᓕ ᓱᖁᓯᔪᐃᑦᑑᒐᒥ, ᐱᔪᓐᓇᕐᑕᑦᓯ ᐅᖓᑖᓄᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᑎᓐᓂᐊᓐᖏᓛᓯ. ᐱᐅᓐᖏᑐᒧᓪᓕ ᐱᔪᒥᓵᕐᑕᐅᑎᓪᓗᓯ ᓵᓚᒃᓴᕈᑎᒃᓴᑦᓯᓐᓂᒃ ᑐᓂᓯᕕᒋᓂᐊᕐᐹᓯ ᓵᓚᒋᔭᐅᖁᓇᓯ.

ᐂᓮᐊᓯᐅᑉ ᐊᒡᓚᖏᑦ 49:7

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐅᑎᕐᑎᑦᓯᔨᖓᑦ ᐃᑦᔪᕐᓁᑦᑐᖁᑎᒋᓪᓗᒍᓗ, ᐊᖏᔪᒥᒃ ᐊᑭᕋᕐᑐᕐᑕᐅᓪᓗᓂ ᓇᕐᕈᒋᔭᐅᔪᒧᑦ ᐃᓅᖃᑎᒌᒡᔪᐊᓄᑦ, ᐊᐅᓚᑦᓯᔩᑦ ᐱᔨᖏᓐᓂᑦ: “ᐊᖓᔪᖅᑳᕐᔪᐊᑦ ᑕᑯᔪᒫᕐᐳᑦ ᒪᑭᓪᓗᑎᒡᓗ, ᐊᖓᔪᖅᑳᖁᑎᖏᓪᓗ ᐹᒻᒪᒃᑎᕈᒫᕐᐳᑦ, ᐊᑕᓂᐅᑉ ᓱᖁᓯᔪᐃᑦᑑᑉ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦᑕ ᓂᕈᐊᕐᓯᒪᖕᒪᑎᑦ.”

ᕉᒪᒥᐅᓄᑦ 8:28

ᖃᐅᔨᒪᒐᑦᑕ ᑭᓱᑐᐃᓐᓁᑦ ᒎᑎᒥᒃ ᓇᒡᓕᒋᔭᖃᕐᑐᓄᑦ ᐱᐅᔪᒧᑦ ᐋᖅᑭᒃᑕᐅᕙᖕᒪᑕ, ᕾᖁᔭᐅᓯᒪᔪᓄᑦ ᒎᑎᐅᑉ ᐱᓇᓱᐊᕈᒪᔭᖓᓄᑦ.

ᒨᓯᓯ ᑕᓪᓕᒪᖏᑦ 32:4

ᕾᕐᑑᓪᓗᓂ, ᐱᓇᓱᐊᕐᓂᖓ ᐋᖅᑭᑦᓯᐊᕐᓯᒪᕗᖅ; ᑖᑦᓱᒪ ᐱᓇᓱᐊᕐᑕᓕᒫᖏᑦ ᓈᒻᒪᓈᕐᓯᒪᑦᓯᐊᕐᐳᑦ. ᒎᑎ ᓱᖁᓯᔪᐃᑦᑑᕗᖅ ᓈᒻᒪᓈᕐᓯᒪᖏᓐᓂᖃᕋᓂᓗ; ᐃᓱᐊᕐᑐᕗᖅ ᓈᒻᒪᑦᓯᐊᕐᑑᓪᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᐃᓐᖏᕈᑎᑦ 100:5

ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:18

ᒎᑎ ᓱᕐᕋᔪᐃᑦᑑᖕᒪᑦ, ᐃᓕᑦᓯᓐᓄᑦ ᑎᑭᑦᓱᒪᓂᕆᔭᕋ ᐊᖏᕐᓂᐅᓗᓂᓗ ᐊᖏᖏᓐᓂᐅᓗᓂᓗ ᐊᑕᐅᑦᓯᒃᑯᑦ ᑍᒤᓕᖓᓚᐅᓐᖏᓚᖅ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᔪᐊᓇᓯ ᓯᕗᓪᓖᑦ 4:13

ᑕᒪᑐᒥᖓ ᖃᐅᔨᑦᔪᑎᖃᕐᐳᒍᑦ ᑖᑦᓱᒪᓃᓐᓇᑦᑕ ᑖᓐᓇᓗ ᐃᓗᑦᑎᓐᓃᒻᒪᑦ, ᓇᖕᒥᓂᖅ ᐊᓂᕐᓂᕐᒥᓂᒃ ᑐᓂᓯᕕᒋᓚᐅᕐᒫᑎᒍᑦ.

ᐄᑉᕈᐃᓄᑦ 11:11

ᓵᕋᑦᑕᐅᖅ ᐅᒃᐱᕋᒥ ᓄᑕᕋᒃᓴᕐᑖᕈᓐᓇᕐᓯᓚᐅᕐᐳᖅ, ᓄᑕᕋᕐᑖᕈᓐᓇᕐᓂᖓ ᐊᓂᒍᕐᓯᒪᓕᕋᓗᐊᕐᑎᓪᓗᒍ, ᑖᑦᓱᒪ ᐊᖏᕈᑎᖃᕐᑑᑉ ᐅᒃᐱᕆᔭᒃᓴᐅᓂᖓᓂᒃ ᐃᓱᒪᖃᓚᐅᕋᒥ.

ᕉᒪᒥᐅᓄᑦ 9:24

ᐅᕙᒍᑦᑕᐅᖅ ᕾᖁᓯᒪᕚᑎᒍᑦ, ᔫᑎᓂᑐᐊᖑᖏᑦᑐᖅ ᔫᑎᐅᖏᑦᑐᓂᓪᓕᑦᑕᐅᖅ.

ᕉᒪᒥᐅᓄᑦ 8:30

ᓯᕗᓂᖓᒍᓪᓗ ᓂᕈᐊᕐᓯᒪᔭᓂ ᕾᖁᓚᐅᕆᕔᑦ; ᕾᖁᔭᓂᓗ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ; ᐸᓯᔭᒃᓴᐅᔪᓐᓃᕐᑎᑕᓂᓗ ᓂᕐᑐᕐᓇᕐᓂᕐᒥᓂᒃ ᐃᓚᖏᐅᑎᑎᓚᐅᕆᕔᑦ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᒐᓔᑎᐊᒥᐅᓄᑦ 2:20

ᐅᕙᖓ ᐃᓅᔪᓐᓃᕐᐳᖓ, ᙭ᔅᑑᓯᓕ ᐅᕙᓐᓂ ᐃᓅᓕᕐᐳᖅ. ᒫᓐᓇ ᑎᒥᓐᓂ ᐃᓅᓯᕋ, ᐅᒃᐱᕐᓂᒃᑯᑦ ᐃᓅᓕᕐᐳᖓ ᒎᑎᐅᑉ ᐃᕐᓂᖓᓄᑦ, ᑖᑦᓱᒪ ᓇᒡᓕᒋᒐᒥᖓ ᐃᓅᓯᓂ ᑐᓂᓚᐅᕐᐹ ᐱᑦᔪᑎᒋᓪᓗᖓ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:14

ᑕᒪᑐᒧᖓ ᕾᖁᓚᐅᕐᒪᓯ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐅᖃᐅᓯᕆᓚᐅᕐᑕᑦᑎᒍᑦ, ᑖᑦᓱᒪ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᐃᓚᖏᐅᑎᖃᑕᐅᖁᓪᓗᓯ.

ᔪᐊᓇᓯᐅᑉ ᐊᒡᓚᖏᑦ 17:21

ᑐᒃᓯᐊᕐᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.

ᐂᓮᐊᓯᐅᑉ ᐊᒡᓚᖏᑦ 11:5

ᐃᓱᐊᕐᑐᓕᓂᖅ ᕿᑎᕐᒥᓂ ᑕᑦᓯᕈᑎᒋᔪᒫᕐᐹ ᓱᖁᓯᔪᐃᑦᑑᓂᕐᓗ ᕿᑎᕐᒥᒍᑦ ᑕᑦᓯᒋᓗᒍ.

ᑍᑑᓯᒧᑦ 1:2

ᑕᒪᓐᓇ ᑐᓐᖓᕕᖃᕐᑐᖅ ᓂᕆᐅᒋᔭᒃᓴᖃᕐᑎᑎᓗᓂ ᐃᓅᓯᕐᒥᒃ ᓄᖑᓱᐃᑦᑐᒥᒃ; ᒎᑎᐅᑉ ᓴᒡᓗᓚᐅᕐᓯᒪᖏᑦᑑᑉ, ᐊᖏᕐᕕᒋᓯᒪᕚᑎᒍᑦ ᑕᒪᑐᒥᖓ ᓯᓚᕐᔪᐊᖅ ᐱᒋᐊᓚᐅᖅᑳᕐᑎᓐᓇᒍ,

ᐃᐱᓯᒥᐅᓄᑦ 3:6

ᑕᒪᓐᓇ ᓇᓗᓇᕈᑎᖃᓚᐅᕐᐳᖅ ᔪᑎᐅᓐᖏᑦᑐᑦ ᑭᖑᕐᖑᑦᔨᔪᓐᓇᕐᓯᑎᑕᐅᓚᐅᕐᒪᑕ ᐃᓚᒋᔭᐅᓕᕐᓗᑎᒃ ᑎᒥᒧᑦ ᐊᑕᐅᓯᕐᒧᑦ, ᐱᖃᑕᐅᓕᕐᓗᑎᒃᓗ ᐊᖏᕈᑕᐅᓯᒪᔪᒥᒃ ᙭ᔅᑑᓯ ᔩᓱᓯᒃᑯᑦ ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐄᑉᕈᐃᓄᑦ 3:1

ᑍᒤᒻᒪᑦ, ᐅᒃᐱᖃᑎᕗᑦ ᐃᑦᔪᕐᓁᑦᑐᓯ, ᒎᑎᒧᑦ ᕾᖁᔭᐅᖃᑕᐅᓯᒪᔪᓯ, ᔩᓱᓯ ᐃᓱᒪᒋᓚᐅᕐᓯᐅᒃ, ᐋᐴᓯᑕᓕᐅᔪᖅ ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑳᖑᓪᓗᓂ ᐅᒃᐱᕐᓂᑦᑎᓐᓄᑦ.

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 1:9

ᑖᑦᓱᒪ ᐱᐅᓕᓚᐅᕐᒪᑎᒍᑦ ᕾᖁᓪᓗᑕᓗ ᕾᖁᔨᓂᕐᒧᑦ ᐃᑦᔪᕐᓁᑦᑐᒧᑦ, ᐱᓇᓱᐊᕈᓐᓇᕐᓂᕗᑦ ᐱᑦᔪᑎᒋᓇᒋᑦ ᐱᓇᓱᐊᕈᒪᔭᓂᓕ ᐱᑦᔪᑎᒋᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᓂᕐᕈᑎᒋᓯᒪᔭᖓ ᙭ᔅᑑᓯ ᔩᓱᓯᒃᑯᑦ ᓱᓇᓕᒫᑦ ᐱᒋᐊᓚᐅᖅᑳᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:16

ᐃᒥᐅᑎ ᓮᒻᒪᕐᑎᑕᐅᓇᕐᑐᖅ ᒎᑎᒧᑦ ᖁᔭᓕᑦᔪᑎᒋᔭᕗᑦ ᐊᑕᓂᐅᑉ ᐅᓐᓄᒍᒻᒥᑕᖓᓂ ᙭ᔅᑑᓯᐅᑉ ᐊᐅᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ? ᓂᐊᖂᔭᕐᓗ ᐊᕕᒃᑕᕗᑦ ᙭ᔅᑑᓯᐅᑉ ᑎᒥᖓᓂᒃ ᐱᑎᑕᐅᑦᔪᑎᒋᓐᖏᓚᕘᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᕉᒪᒥᐅᓄᑦ 11:17

ᓇᐹᕐᑑᓪᓕ ᐊᕙᓚᖓᔪᖏᑕ ᐃᓚᖏᑦ ᓇᑲᓯᒪᒃᐸᑕ, ᓇᐹᕐᑐᑉ ᐅᕐᓱᒃᓴᓕᖕᓂᒃ ᐸᐅᕐᖓᖃᕐᑑᑉ ᐊᕙᓚᖓᔪᖏᑦ ᐃᕕᕐᑎᑕᐅᒃᐸᑕ ᓇᑲᓯᒪᔫᑉ ᐃᓂᖓᓄᑦ; ᑕᕝᕙ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐃᑦᑎᖓᓂᒃ ᐱᖃᑕᐅᓂᐊᕐᐳᑦ ᐱᕈᑦᓯᐊᕐᓇᕐᑐᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:12

ᐃᓅᓯᖃᖁᓪᓗᓯ ᒎᑎᐅᑉ ᓈᒻᒪᒋᔭᖓᓂᒃ, ᑖᑦᓱᒪ ᕾᖁᓚᐅᕐᒪᓯ ᐊᑕᓂᐅᕕᖕᒥᓄᑦ ᐱᓐᓇᕐᓇᕐᓂᕐᔪᐊᒥᓄᓪᓗ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 2:13

ᐅᒃᐱᖏᒃᑲᓗᐊᕈᑦᑕ, ᑖᓐᓇ ᓱᕐᕋᖕᓂᐊᓐᖏᓚᖅ, ᐃᒻᒥᓂᒃ ᒥᓯᐊᕈᑎᒋᔪᓐᓇᖏᓐᓇᒥ.”