ᑯᕉᓂᑲ ᓯᕗᓪᓖᑦ 6:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐅᑯᐊ ᑕᕝᕙ ᑍᕕᑎᐅᑉ ᑎᓕᓚᐅᕐᑕᖏᑦ ᐃᓐᖏᕐᑎᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ, ᐃᒃᓯᕐᕕᒃ ᐃᓕᔭᐅᓯᒪᓕᕐᑎᓪᓗᒍ.

ᑯᕉᓂᑲ ᓯᕗᓪᓖᑦ 6:31 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 6:17

ᐊᑕᓂᐅᓪᓗ ᐃᒃᓯᕐᕕᖁᑎᖓ ᐃᑎᐅᑦᔭᐅᕗᖅ, ᐃᓂᖓᓄᓪᓗ ᐃᓕᔭᐅᓪᓗᓂ, ᑐᐱᐅᑉ ᐃᓗᐊᓄᑦ ᑍᕕᑎᐅᑉ ᐋᖅᑭᒃᓱᓚᐅᕐᑕᖓᓄᑦ; ᑍᕕᑎᓗ ᑐᓂᕐᕈᓯᓚᐅᕐᐳᖅ ᐃᑯᐊᓚᑦᓯᓪᓗᓂᒃ ᑐᓂᕐᕈᑎᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᒥᒃ ᐊᑕᓂᕐᒧᑦ.

ᐊᑕᓃᑦ ᓯᕗᓪᓖᑦ 8:4

ᐊᒃᔭᕐᑕᐅᓕᕐᓗᓂᓗ ᑖᒃᑯᓄᖓ ᐊᑕᓂᐅᑉ ᐃᒃᓯᕐᕕᖓ, ᑐᐱᕐᔪᐊᕐᓗ, ᐃᓗᓕᖁᑏᓪᓗ ᐃᑦᔪᕐᓁᑦᑐᑦ ᑐᐱᕐᔪᐊᕐᒥᐅᑍᑦ; ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᓇᒃᓴᓚᐅᕐᐰᑦ.

ᑯᕉᓂᑲ ᓯᕗᓪᓖᑦ 15:1

ᑍᕕᑎ ᐃᒡᓗᓕᐅᓚᐅᕐᐳᖅ ᐃᒡᓗᒃᓴᒥᓂᒃ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᓂᒃᓴᓕᐅᕐᐳᕐᓗ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓄᑦ, ᑐᐱᕐᒥᒡᓗ ᓇᑉᐰᕗᖅ ᑖᑦᓱᒪ ᐃᓂᒃᓴᖓᓂᒃ.

ᑯᕉᓂᑲ ᓯᕗᓪᓖᑦ 15:25

ᑍᒤᒻᒪᑦ ᑍᕕᑎ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ, ᐅᓇᑕᕐᑎᓄᓪᓗ ᐊᖓᔪᖅᑳᑦ ᑕᐅᓴᓐᑎᓄᑦ, ᐂᒃᓯᓕᕐᐳᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐅᐱᑦ-ᐄᑕᒥᐅᑉ ᐃᒡᓗᖓᓂᑦ ᖁᕕᐊᓱᒡᓗᑎᒃ.

ᑯᕉᓂᑲ ᓯᕗᓪᓖᑦ 15:27

ᑍᕕᑎ ᐊᓐᓄᕌᕐᓯᒪᓚᐅᕐᐳᖅ ᐅᓕᖕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ, ᓕᕔᑎᓕᒫᓪᓗ ᐊᑭᕋᕐᑐᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ ᑍᒤᑦᑐᓂᒃ ᐊᑐᓚᐅᕆᕗᑦ, ᐃᓐᖏᕐᑏᓪᓗ, ᓂᑦᔭᐅᓯᔭᕐᓂᕐᒧᓪᓗ ᐊᖓᔪᖅᑳᖓᑦ ᓯᓇᓁᐊ; ᑍᕕᑎᓗ ᓴᒡᕕᖕᒥᐅᑕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᐊᑐᓚᐅᕆᕗᖅ.

ᑯᕉᓂᑲ ᓯᕗᓪᓖᑦ 6:30

ᑖᑦᓱᒪ ᐃᕐᓂᖓ ᓯᒥᐊ, ᑖᑦᓱᒪ ᐃᕐᓂᖓ ᕼᐊᒋᐊ, ᑖᑦᓱᒪᓗ ᐃᕐᓂᖓ ᐊᓮᐊ.

ᑯᕉᓂᑲ ᓯᕗᓪᓖᑦ 6:32

ᐱᓇᓱᐊᖃᑦᑕᓚᐅᕐᐳᑦ ᐃᓐᖏᕐᓂᒃᑯᒃ ᑐᐱᕐᒥ ᑲᑎᒪᕕᖕᒥ, ᓲᓗᒨᓂ ᐊᑕᓂᐅᑉ ᐃᒡᓗᖓᓂᒃ ᓴᓇᓚᐅᕐᑎᓐᓇᒍ ᔨᕉᓴᓕᒥ; ᐱᓇᓱᐊᕐᕕᖕᒥᓂᓗ ᐱᓇᓱᐊᖃᑦᑕᓚᐅᕐᐳᑦ ᑐᖓᓕᕇᖕᓂᑎᒃ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 9:33

ᐊᑖᑕᒃᑯᖏᑕ ᐃᓚᖏᓐᓂ ᐊᖓᔪᖅᑲᐅᔪᑦ ᓕᕔᑎᓂ ᑲᒪᔨᐅᓚᐅᕐᐳᑦ ᐃᓐᖏᕐᑎᓄᑦ, ᐊᖏᕐᕋᖃᕐᓗᑎᒃ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖏᓐᓂ, ᐊᓯᖏᓐᓂᒃ ᐱᓇᓱᐊᒐᒃᓴᖃᕐᑎᑕᐅᓇᑎᒃ, ᑍᒪᓐᖓᑦ ᐱᓇᓱᐊᕆᐊᖃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 3:10

ᐃᖅᑲᓁᔭᕐᑏᑦ ᑐᓐᖓᕕᓕᐅᓕᕐᑎᓪᓗᒋᑦ ᑐᒃᓯᐊᕐᕕᖕᒥᒃ, ᑐᓂᕐᕈᓯᕐᑎᑦᓯᔩᑦ ᐊᓐᓄᕌᕐᓯᒪᓪᓗᑎᒃ ᐃᓂᒥᓄᐊᓚᐅᕐᐳᑦ ᑎᑦᑐᓚᐅᓯᔭᕐᓱᑎᒃ, ᓕᕔᑏᓪᓗ ᐊᓴᐸᐅᑉ ᐃᕐᓂᖏᑦ ᓂᑯᕕᖓᓚᐅᕐᐳᑦ ᓯᕙᓂᐅᑎᓕᔭᕐᓱᑎᒃ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᒪᓕᒃᓱᑎᒃ ᐊᑐᕐᑕᐅᖁᔭᐅᓯᒪᔪᓂᒃ ᑍᕕᑎᒧᑦ ᐊᖓᔪᖅᑳᕐᔪᐊᕐᒧᑦ.

ᐃᓐᖏᕈᑎᑦ 132:14

“ᑕᕝᕙᓂ ᑕᕾᕐᓯᕐᕕᖃᕈᒪᕗᖓ ᐃᓱᖃᖏᑦᑐᒧᑦ; ᑕᕝᕙᓂ ᐃᓂᖃᕐᓂᐊᕐᐳᖓ, ᐱᔪᒪᓯᒪᒐᒃᑯ.

ᐃᓐᖏᕈᑎᑦ 132:8

ᐊᑕᓃᖅ ᒪᑭᓪᓗᑎᑦ, ᑕᕾᕐᓯᕐᕕᖕᓄᐊᓕᕆᑦ, ᐃᕝᕕᑦ ᐱᔪᓐᓇᕐᓂᕕᓪᓗ ᓇᓗᓁᒃᑯᑕᖓᑕ ᐃᒃᓯᕐᕕᖁᑎᖓ.

ᐃᓯᑭᐊᓕᐅᑉ ᐊᒡᓚᖏᑦ 40:44

ᑕᕝᕙ ᑖᑦᓱᒪ ᑐᕐᓲᖑᔭᕐᒧᑦ ᐃᓗᕙᓯᖕᓂᕐᓴᒧᐊᕈᑎᕚᖓ, ᑕᑯᒋᓪᓗ, ᑕᕝᕙᓂ ᐃᒡᓗᕈᓯᕐᑕᖃᕐᐳᖅ ᒪᕐᕉᖕᓂᒃ ᑐᕐᓲᖑᔭᕐᒧᑦ ᐊᓂᕕᖃᕐᑑᖕᓂᒃ, ᐃᑎᕐᑕᕐᕕᐅᑉ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐅᓪᓗᓪᓗᐊᑉ ᓇᓛᓄᑦ ᓵᓐᖓᕗᖅ, ᐃᒡᓗᕈᓯᐅᓪᓗ ᐱᖃᑖ ᐅᓪᓗᓪᓗᐊᑉ ᓇᓛᓃᑦᑐᖅ ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᓪᓗᓂ.