ᑯᕉᓂᑲ ᓯᕗᓪᓖᑦ 29:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᐊᐅᓚᑦᓯᓂᖓ ᐊᔪᖏᑦᑑᓂᖓᓗ ᐱᓂᐊᕐᓂᐅᓯᒪᔪᓪᓗ ᑖᑦᓱᒧᖓ ᐃᓴᕆᐊᓕᒥᐅᓂᓗ, ᐊᖓᔪᖅᑲᐅᕕᐅᔪᓂᓗ ᓄᓇᓕᓕᒫᓂ ᐊᒡᓚᒃᓯᒪᕗᑦ ᑖᒃᑯᓇᓂ.

ᑯᕉᓂᑲ ᓯᕗᓪᓖᑦ 29:30 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 10:34

ᔨᕼᐆᓕ ᐊᐅᓚᑦᓯᓪᓗᓂ ᐱᓂᐊᕐᓂᕆᖃᑦᑕᕐᓯᒪᔭᖏᑦ ᐊᓯᖏᓪᓗ ᐱᔭᕇᕐᓯᒪᔭᖏᓪᓗ ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦᑕ ᑎᑎᕋᕐᑕᐅᓯᒪᕕᖏᓐᓂ.

ᐊᑕᓃᑦ ᐂᑉᐸᖏᑦ 14:28

ᔨᕈᐳᐊᒻ ᐱᓂᐊᕐᓂᕆᔭᕕᓂᖏᑦ ᐊᑕᖏᕐᓗᒋᑦ, ᐅᓇᑕᖃᑦᑕᕐᓂᕕᓂᖏᓪᓗ ᑕᒫᓯᑰᓯᒥᓗ ᑎᒍᓯᒃᑲᓐᓂᕐᓂᕕᓂᖓ ᕼᐊᒫᑎᒥᒡᓗ ᔫᑕᐅᑉ ᓄᓇᖁᑎᒋᓚᐅᕐᑕᖏᓐᓂᒃ ᑎᑎᕋᕐᑕᐅᓯᒪᔪᐃᓐᓇᐅᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕕᓂᖏᑕ ᐅᓂᒃᑳᕐᑕᐅᓯᒪᕕᖏᓐᓂ.

ᑯᕉᓂᑲ ᓯᕗᓪᓖᑦ 29:29

ᐊᖓᔪᖅᑲᕐᔪᐊᑉ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖏᑦ, ᐱᒋᐊᕐᓂᖓᓂᑦ ᑭᖑᓪᓕᕐᐹᒧᑦ, ᑎᑎᕋᕐᓯᒪᕗᑦ ᓴᒧᐃᓕᐅᑉ ᐱᓂᐊᕐᓂᐅᕙᓪᓕᐊᔪᓂᒃ ᐊᒡᓚᒃᓯᒪᔭᖏᓐᓂ, ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐊᒡᓚᒃᑕᐅᓯᒪᐅᑎᖏᓐᓂ, ᒑᑦᓗ ᐊᒡᓚᒃᑕᐅᓯᒪᐅᑎᖏᓐᓂ,

ᑯᕉᓂᑲ ᐂᑉᐸᖏᑦ 1:1

ᓲᓗᒨᓂ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᐊᑕᓂᐅᕕᖕᒥᓂ, ᐊᑕᓂᐅᓪᓗ ᓲᓗᒨᓂᐅᑉ ᒎᑎᖓᑕ ᓇᔪᓚᐅᕐᐹ ᐊᔪᖏᑦᑐᕐᔪᐊᓐᖑᕐᑎᓪᓗᒍᓗ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 4:23

ᐊᖓᔪᖅᑳᕐᔪᐊᖅ, ᑕᑯᓚᐅᕐᐳᑎᓪᓗ, ᑎᓕᔭᐅᓯᒪᔪᒥᒃ, ᐃᑦᔪᕐᓁᑦᑐᒥᒃ, ᕿᓚᖕᒥᑦ ᐱᔪᒥᒃ ᐅᖃᕐᑐᒥᒡᓗ, ‘ᓇᐹᕐᑐᖅ ᑭᐱᔭᐅᓕ ᐊᓯᕈᑕᐅᓗᓂᓗ, ᑭᐱᓂᑯᐊ ᓄᓇᒦᑐᐃᓐᓇᕐᓕ, ᐊᑦᑐᖏᕐᓗᒍᓗ ᓄᓇᒧᑦ ᓴᕕᕋᔭᖕᒧᑦ ᖃᑯᕐᓕᕐᒧᑦ, ᓄᓇᒥ ᐃᕕᒃᓱᒃᑲᓂ ᑐᖑᔪᕐᑐᓂ, ᐊᒫᖏᑦ ᓄᓇᒧᑦ ᑲᐳᑎᓯᒪᑐᐃᓐᓇᕐᓕᑦ, ᖃᐅᓯᕐᑎᑕᐅᓕᕐᓕ ᓯᓚᐅᑉ ᐂᔪᖕᓂᖓᓄᑦ; ᐃᓅᓯᖃᓕᕐᓕ ᐆᒪᔪᑎᑐᑦ, ᓇᓪᓕᐅᓃᑦ 7 ᐊᓂᒍᓚᐅᕐᑎᓐᓇᒋᑦ.’

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.