23 ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.
ᒫᓐᓇᑲᐅᑎᒋ ᐂᓕᕆᑦ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᐅᖃᐅᑎᓗᒍ, ‘ᐅᖃᓚᐅᕐᓯᒪᓐᖏᓚᑏᑦ, ᐊᖓᔪᖅᑳᕐᔪᐊᕋ, ᐅᕙᓐᓄᑦ ᐅᖃᕕᒡᓗᑎᑦ ᐊᖏᓚᐅᕐᓯᒪᖓᕕᑦ ᐱᔨᖕᓄᑦ, ᐅᖃᕐᓗᑎᑦ “ᐃᕐᓃᑦ ᓲᓗᒨᓂ ᐅᕙᓐᓂᒃ ᑭᖑᕝᕕᐅᑎᓛᕐᑐᖅ ᐃᓇᖐᕐᓗᖓ? ᐃᒃᓯᕙᐅᑕᕐᔪᐊᓐᓂᓗ ᐃᒃᓯᕙᓕᕐᓗᓂ”? ᓱᖕᒪᓪᓕ ᐊᑐᓁᔭ ᐊᖓᔪᖅᑳᕐᔪᐊᓐᖑᓕᕐᐸ?’
ᐃᓕᖕᓄᑦ ᐅᖃᕕᓚᐅᕋᒪ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᒍᑦ, ᐅᖃᕐᓗᖓ, ‘ᐃᓛᒃ ᓲᓗᒨᓂ ᐃᕐᓃᑦ ᐊᖓᔪᖅᑳᕐᔪᐊᓐᖑᕐᑐᒃᓴᐅᕗᖅ ᑭᖑᕝᕕᕐᓗᖓ, ᑖᓐᓇᓗ ᐃᒃᓯᕙᔪᒃᓴᐅᕗᖅ ᐃᒃᓯᕙᐅᑕᕐᔪᐊᓐᓂ ᐃᓇᖏᕐᓗᖓ,’ ᐃᓛᒃ ᑍᒫᒡᓗ ᐱᓂᐊᕐᑐᒃᓴᐅᕗᖓ ᐅᓪᓗᒥ.”
ᐅᑎᓕᕈᑦᓯ ᒪᓕᒡᓗᓯᐅᒃ ᐃᒃᓯᕙᐅᑕᕐᔪᐊᓐᓄᑦ ᐃᖏᑎᑕᒃᓴᕆᕙᓯ; ᑖᓐᓇ ᐊᖓᔪᖅᑳᕐᔪᐊᓐᖑᕐᓂᐊᕐᒪᑦ ᐃᓇᖏᕐᓗᖓ; ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒧᑦ ᔫᑕᒧᓪᓗ.”
ᓲᓗᒨᓂ ᒫᓐᓇ ᐃᒃᓯᕙᐅᑕᕐᔪᐊᕐᒥ ᐃᒃᓯᕚᓕᕐᐳᖅ.
ᓲᓗᒨᓂᐅᑉ ᐊᑖᑕᓂ ᑍᕕᑎ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ, ᐊᖓᔪᖅᑳᕐᔪᐊᖑᓂᖓᑕᓗ ᐱᔪᓐᓇᕐᓂᖓ ᑲᔪᓯᑦᓯᐊᓕᕐᓗᓂ.
ᑖᒃᑯᐊ ᕾᖁᕔᑦ ᐊᖓᔪᖅᑳᖑᔪᑦ ᐅᓇᑕᕐᑎᓄᑦ ᑳᕆᑎᔅᓄᑦ 100ᐅᓈᕐᑎᕐᑐᓄᑦ, ᖃᐅᔨᓴᕐᑎᐅᓂᐊᕐᑐᓪᓗ ᐊᖓᔪᖅᑳᕐᔪᐊᕐᒧᑦ ᐃᓄᓕᒫᓄᓪᓗ. ᔪᐊᓯ ᐊᖓᔪᖅᑳᕐᔪᐊᖑᓕᕐᑐᖅ ᑐᒃᓯᐊᕐᕕᒡᔪᐊᒥᑦ ᐊᓂᖃᑎᒋᕚᑦ, ᖃᐅᔨᓴᕐᕕᐅᑉ ᐃᑎᕐᕕᖓᒍᑦ ᐊᖓᔪᖅᑳᕐᔪᐊᑉ ᐃᒡᓗᖃᕐᕕᖓᓄᐊᕈᑎᕚᑦ. ᑕᕝᕙᓂᓗ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ.
“ᒫᓐᓇᓕ ᐃᕐᓃᒃ, ᐊᑕᓂᐅᑉ ᐃᓚᒋᓕᑎᑦ, ᑲᔪᓯᑦᓯᐊᖁᓪᓗᑎᒃ ᐊᑕᓂᐅᑉ ᒎᑎᕕᑦ ᐃᒡᓗᖓᓂᒃ ᓴᓇᔪᓐᓇᕐᓗᑎᑦ, ᐅᖃᐅᑎᒋᓚᐅᕐᑕᖏᑦ ᐃᓕᖕᓄᑦ ᒪᓕᒡᓗᒋᑦ.
ᐃᕐᓂᓕᒫᓐᓂᓪᓗ (ᐊᑕᓂᐅᑉ ᐃᕐᓂᕐᑖᕐᑎᓚᐅᕐᒪᖓ ᐅᓄᕐᑐᓂᒃ) ᓂᕈᐊᓚᐅᕐᐹ ᐃᕐᓂᕋ ᓲᓗᒨᓂ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᖁᓪᓗᒍ ᐊᑕᓂᐅᑉ ᐊᖓᔪᖅᑲᐅᕕᖓᓂ ᐃᓴᕆᐊᓕᒥᐅᓂ.
ᓯᕗᓕᕐᑎᓕᒫᑦ ᐊᔪᖏᑦᑐᕐᔪᐊᓪᓗ ᐊᖑᑏᑦ, ᐊᖓᔪᖅᑳᕐᔪᐊᓪᓗ ᑍᕕᑎᐅᑉ ᐃᕐᓂᓕᒫᖏᑦ, ᓈᓚᖕᓂᐊᓂᕋᕐᐳᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.
ᓲᓗᒨᓂ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᐊᑕᓂᐅᕕᖕᒥᓂ, ᐊᑕᓂᐅᓪᓗ ᓲᓗᒨᓂᐅᑉ ᒎᑎᖓᑕ ᓇᔪᓚᐅᕐᐹ ᐊᔪᖏᑦᑐᕐᔪᐊᓐᖑᕐᑎᓪᓗᒍᓗ.
ᓲᓗᒨᓂᐅᓪᓗ ᒎᑎ ᐅᖃᐅᑎᕚ, “ᓈᒃᑭᒍᓱᕕᒡᔪᐊᕐᓯᒪᒐᕕᑦ ᓇᒡᓕᒍᓱᒃᓗᑎᓪᓗ ᐊᑖᑕᓐᓂᒃ ᑍᕕᑎᒥᒃ, ᐊᖓᔪᖅᑳᕐᔪᐊᓐᖑᕐᑎᓯᒪᕙᕐᒪᓗ ᑖᑦᓱᒥᖓ ᐃᓇᖐᑎᓪᓗᖓ.
ᑖᑦᓱᒪᓗ ᑎᓕᒋᕔᑦ ᐅᓇᑕᕐᑎᓄᑦ ᐊᖓᔪᖅᑳᑦ 100ᓄᑦ, ᐊᖓᔪᖅᑳᓪᓗ, ᐃᓄᖕᓄᓪᓗ ᐊᖓᔪᖅᑳᑦ, ᐃᓄᓕᒫᓪᓗ ᓄᓇᓕᖕᓂ; ᐊᖓᔪᖅᑳᕐᔪᐊᕐᓗ ᐊᑕᓂᐅᑉ ᐃᒡᓗᖓᓂᑦ ᐊᓂᑎᑉᐹᑦ, ᐱᓱᖃᑎᒌᒡᓗᑎᒃ ᐃᑎᕐᑕᕐᕕᒃᑯᑦ ᐳᕐᑐᓂᕐᓴᒃᑯᑦ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ. ᐊᖓᔪᖅᑳᕐᔪᐊᕐᓗ ᐃᒃᓯᕙᐅᑕᕐᔪᐊᕐᒧᑦ ᐃᖏᑎᑉᐹᑦ ᐊᖓᔪᖅᑳᕐᔪᐊᖑᕕᖓᓄᑦ.
ᓲᓗᒨᓂ ᐊᐅᓚᑦᓯᓚᐅᕐᐳᖅ ᔨᕉᓴᓕᒥ ᐃᓴᕆᐊᓕᒥᐅᓕᒫᓂᒃ ᐊᕐᕌᒍᓂᒃ 40ᓂᒃ.
ᓂᕐᑐᕐᑕᐅᓕ ᐊᑕᓂᖅ ᒎᑏᑦ, ᐃᓕᖕᓂᒃ ᖁᕕᐊᒋᔭᓕᒃ ᐊᖓᔪᖅᑳᕐᔪᐊᕈᕐᑎᑦᓯᔪᕐᓗ ᐃᒃᓯᕙᐅᑕᕐᔪᐊᕐᒥ ᐊᑕᓂᕐᒧᑦ ᒎᑎᒋᔭᕐᓄᑦ! ᒎᑎᕕᑦ ᐃᓴᕆᐊᓕᒥᐅᑦ ᓇᒡᓕᒋᖕᒪᒋᑦ ᐃᓱᖃᖏᑦᑐᒧᓪᓗ ᐃᓂᖃᖁᓪᓗᓂᒋᑦ, ᑖᒃᑯᓄᖓ ᐊᖓᔪᖅᑳᕐᔪᐊᕈᕐᑎᓚᐅᕐᐹᑎᑦ, ᓈᒻᒪᓈᕐᑐᒥᒃ ᐃᓱᐊᕐᑐᒥᒡᓗ ᐱᓇᓱᐊᖁᓪᓗᑎᑦ ᑖᒃᑯᓄᖓ.”
ᐊᑕᓂᖅ ᓱᓕᒻᒪᕆᒃᓗᓂ ᐊᖏᒻᒪᕆᓚᐅᕐᐳᖅ ᑍᕕᑎᒧᑦ; ᑕᒪᓐᓇᓗ ᓴᖑᓂᐊᕈᓐᓃᕐᓗᓂᐅᒃ: “ᐃᒃᓯᕙᐅᑕᕐᔪᐊᕐᓄᑦ ᑎᒥᕕᑦ ᐱᕈᕐᑎᑕᖓᓂᒃ ᐃᖏᑎᑦᓯᔪᒫᕐᐳᖓ.
ᓲᓗᒨᓂᐅᑉ ᐅᖃᓪᓚᖕᓂᖏᑦ ᑍᕕᑎᐅᑉ ᐃᕐᓂᖓᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ.
ᐃᓄᓕᒫᑦ ᓈᓚᒃᑐᒃᓴᐅᕗᑦ ᐱᔪᓐᓇᕐᓂᖃᕐᑎᑕᐅᔪᓂᒃ ᐊᐅᓚᑦᓯᔨᐅᔪᓂᒡᓗ, ᐊᐅᓚᑦᓯᔩᐅᓃᑦ ᒎᑎᒥᑦ ᐱᓯᒪᔪᐃᓐᓇᐅᖕᒪᑕ, ᒫᓐᓇ ᐊᐅᓚᑦᓯᔨᐅᔪᑦ ᒎᑎᐅᑉ ᑕᕝᕗᓐᖓᕐᑎᓯᒪᕔᑦ.
ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.