ᑯᕉᓂᑲ ᓯᕗᓪᓖᑦ 29:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

ᑯᕉᓂᑲ ᓯᕗᓪᓖᑦ 29:22 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 1:31

ᑕᕝᕙ ᐹᓯᐸ ᐅᑯᓪᓗᓂ ᑮᓇᓂ ᒪᓂᖅᑲᒧᑦ ᐊᒃᑐᕐᓱᒍ, ᐅᐱᒍᓱᖕᓂᕐᒧᑦ ᐊᖓᔪᖅᑳᕐᔪᐊᕐᒥᒃ, ᐅᖃᓕᕐᐳᖅ, “ᐊᑕᓂᕋ ᐊᖓᔪᖅᑳᕐᔪᐊᖅ ᑍᕕᑎ ᐃᓅᓕ ᐃᓱᖃᖏᑦᑐᒧᑦ!”

ᐊᑕᓃᑦ ᓯᕗᓪᓖᑦ 1:33

ᐊᖓᔪᖅᑳᕐᔪᐊᓪᓗ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑉ ᐱᔨᖏᑦ ᐃᓚᒋᓗᒋᑦ, ᐃᕐᓂᕋ ᓲᓗᒨᓂ ᐃᑭᑎᓪᓗᒍ ᓇᖕᒥᓂᖅ ᓯᐅᑎᖅᑯᕐᑐᔪᖁᑎᓐᓄᑦ ᒋᕼᐅᓂᓕᐊᕈᑎᓯᐅᒃ;

ᐊᑕᓃᑦ ᓯᕗᓪᓖᑦ 2:35

ᐊᖓᔪᖅᑳᕐᔪᐊᑉ ᐱᓁᐊ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᕈᕐᑎᑉᐹ ᐅᓇᑕᕐᑐᒃᓴᓄᑦ ᔪᐊᐱᒥᒃ ᐃᓇᖐᓪᓗᓂ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᓪᓗᒍ ᐊᐰᐊᑕᒥᒃ ᐃᓇᖐᑎᓪᓗᒍ.

ᑯᕉᓂᑲ ᓯᕗᓪᓖᑦ 12:40

ᓱᓕ ᑖᒃᑯᐊ ᖃᓂᒋᔭᖓᓃᑦᑐᑦ ᐃᓴᑳᕆᒥᑦ, ᓯᐳᓗᓂᒥᓪᓗ ᓈᑉᑕᓕᒥᓪᓗ, ᓂᕿᒃᓴᓂᒃ ᑐᔪᐃᓚᐅᕐᐳᑦ ᓯᐅᑎᖅᑯᕐᑐᔪᒃᑯᑦ ᑳᒥᓕᒃᑎᒍᓪᓗ ᓯᐅᑎᖅᑯᕐᑐᔪᐃᑦ ᕿᒻᒥᕐᔪᐊᓪᓗ ᕿᑐᕐᖓᖏᑎᒍᑦ ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑎᒍᑦ, ᓂᕆᔭᒃᓴᓂᒃ ᖃᓄᐃᑦᑐᑐᐃᓐᓇᕐᓂᒃ, ᐸᐅᕐᖓᓂᒃ ᐱᒋᓕᖕᓂᒃ ᐆᓯᒪᔪᓂᒃ, ᐸᐅᕐᖓᐅᔭᓂᒃ, ᕔᓂᒥᒡᓗ ᐅᕐᓱᒥᒡᓗ, ᑐᒃᑐᕙᖕᓂᒃ ᓰᐱᓂᒡᓗ ᐅᓄᕐᑐᕐᔪᐊᓂᒃ, ᖁᕕᐊᓱᖃᑎᒌᓚᐅᕐᐳᓪᓗ ᐃᓴᕆᐊᓕᒥᐅᑦ.

ᑯᕉᓂᑲ ᓯᕗᓪᓖᑦ 23:1

ᑍᕕᑎ ᐃᓄᑐᖃᐅᓕᕋᒥ ᐅᓪᓗᖏᓪᓗ ᓈᖕᒪᑕ, ᐃᕐᓂᓂ ᓲᓗᒨᓂ ᐊᖓᔪᖅᑳᕐᔪᐊᕈᕐᑎᑉᐹ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 7:10

ᑕᖅᑮᑦ 7ᖓᓂ ᐅᓪᓗᖏᑕ 23ᖓᓂ ᐃᓄᐃᑦ ᐊᖏᕐᕋᖁᓕᕐᐰᑦ ᐊᖏᕐᕋᖏᓐᓄᑦ, ᖁᕕᐊᓱᒡᓗᑎᒃ ᐆᒻᒪᑎᒥᖕᓂ ᐊᑕᓂᐅᑉ ᐱᑦᓯᐊᕐᓂᖏᑦ ᐱᓪᓗᒋᑦ ᑍᕕᑎᒧᑦ ᓲᓗᒨᓂᒧᓪᓗ ᐃᓴᕆᐊᓕᓄᓪᓗ ᐃᓄᖁᑎᒥᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 8:12

ᐃᓄᐃᓪᓗ ᐃᓘᓐᓇᑎᒃ ᐊᖏᕐᕋᓕᕐᐳᑦ ᓂᕆᔭᕐᑐᕐᓗᑎᒃ ᐃᒥᕆᐊᕐᑐᕐᓗᑎᒡᓗ ᑲᑐᑦᔨᖃᑎᒌᒡᓗᑎᒡᓗ ᐊᖏᔪᒥᒃ ᖁᕕᐊᓱᓕᕐᐳᑦ, ᑐᑭᓯᑦᓯᐊᓚᐅᕋᒥᒃ ᐅᖃᐅᓯᕐᓂᒃ ᐅᖃᓕᒫᕐᑕᐅᓚᐅᕐᑐᓂᒃ.

ᒨᓯᓯ ᐂᑉᐸᖏᑦ 18:12

ᔨᑐᕉᓗ ᒨᓯᓯᐅᑉ ᓴᑭᖓ, ᑐᓂᕐᕈᑎᒃᓴᓂᒃ ᐃᑯᐊᓚᔭᒃᓴᓂᒡᓗ ᑐᓂᕐᕈᓯᓚᐅᕐᐳᖅ ᒎᑎᒧᑦ; ᐂᕉᓂᓗ ᕾᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᓂᕆᖃᑕᐅᓪᓗᑎᒃ ᑐᓂᕐᕈᑎᐅᔪᓂᒃ ᑕᒪᓐᓇᓗ ᑐᒃᓯᐊᕐᓂᕐᒧᑦ ᐃᓚᒋᔭᐅᑎᓪᓗᒍ ᐱᓂᐊᕐᓂᐅᓚᐅᐳᖅ ᒎᑎᐅᑉ ᓵᖓᓂ.

ᒨᓯᓯ ᐂᑉᐸᖏᑦ 24:11

ᒎᑎᐅᓪᓗ ᑖᒃᑯᐊ ᐃᓴᕆᐊᓕᒥᐅᓂ ᑕᓯᐅᕐᑎᐅᔪᑦ ᖃᓄᐃᓕᑎᓚᐅᓐᖏᓔᑦ; ᑖᑦᓱᒥᖓ ᑕᑯᒐᓗᐊᕐᑎᓪᓗᒋᑦ, ᓂᕆᖃᑎᒌᒃᓗᑎᒡᓕ ᐃᒥᖃᑎᒌᓕᕐᐳᑦ ᑕᕝᕙᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:24

ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:15

ᑍᒤᒻᒪᑦ ᐃᓅᓯᕐᒥᒃ ᖁᕕᐊᓲᑎᖃᖁᔨᕗᖓ, ᐃᓄᒃ ᐱᐅᓂᕐᓴᒥᒃ ᐱᔭᒃᓴᖃᖏᒻᒪᑦ ᓂᕆᓗᓂ ᐃᒥᕐᓗᓂᓗ ᖁᕕᐊᓱᒡᓗᓂᓗ. ᖁᕕᐊᓱᖕᓂᐅᑉ ᑕᕝᕙ ᐃᓚᒋᓂᐊᕐᐹ ᐱᓇᓱᐊᕐᑕᒥᓂ ᑕᒤᓐᓂ, ᐅᓪᓗᑲᕐᓂᕐᒥᓂ ᑕᒤᓐᓂ ᒎᑎᐅᑉ ᑐᓂᔭᖓᓂᒃ ᑖᑦᓱᒧᖓ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 46:10

ᐃᓄᐃᑦ ᐃᑎᓕᕐᐸᑕ ᐊᖓᔪᖅᑳᖅ ᐃᑎᖃᑕᐅᔪᒃᓴᐅᕗᖅ ᐊᑕᐅᑦᓯᒃᑯᑦ ᐃᑎᖃᑎᒋᓗᒋᑦ; ᐊᓂᓕᕐᐸᑕᓗ ᐊᓂᖃᑕᐅᖕᒥᓗᓂ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.