ᑯᕉᓂᑲ ᓯᕗᓪᓖᑦ 29:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᑯᕉᓂᑲ ᓯᕗᓪᓖᑦ 29:11 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 1:1

ᐱᒋᐊᕐᓂᕐᒥ ᒎᑎ ᐱᓐᖑᕐᑎᑦᓯᓚᐅᕐᐳᖅ ᕿᓚᖕᓂᒃ ᓄᓇᕐᔪᐊᕐᒥᒡᓗ.

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᒨᓯᓯ ᓯᕗᓪᓖᑦ 14:22

ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

ᑯᕉᓂᑲ ᓯᕗᓪᓖᑦ 29:10

ᑍᒤᒻᒪᑦ ᑍᕕᑎᐅᑉ ᐊᑕᓂᖅ ᓂᕐᑐᕐᐹ ᐃᓄᐃᑦ ᑲᑎᒪᔪᑦ ᓵᖓᓂ; ᑍᕕᑎᓗ ᐅᖃᕐᐳᖅ: “ᓂᕐᑐᕐᓇᕐᐳᑎᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ ᐊᑖᑕᕗᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 20:6

ᐅᖃᕐᓗᓂᓗ, “ᐊᑕᓃᖅ ᓯᕗᓕᑦᑕ ᒎᑎᖓᑦ, ᒎᑎᐅᓐᖏᓚᑏᑦ ᕿᓚᖕᒥ? ᐊᐅᓚᑦᓯᓐᖏᓚᑏᑦ ᐊᑕᓂᐅᕕᓕᒫᓂᒃ ᐃᓅᖃᑎᒌᒡᔪᐊᓂᒡᓗ? ᐱᔪᓐᓇᕐᓂᕐᔪᐊᖅ ᐊᔪᖏᑦᑐᕐᔪᐊᖑᓂᕐᓗ ᐊᒡᒐᖕᓃᑉᐳᑦ, ᓇᓪᓕᐊᓐᓄᓪᓘᓐᓃᑦ ᐊᑭᒪᔭᐅᔪᓐᓇᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:5

ᐅᑯᐊ ᓕᕔᑎᑦ ᑐᒃᓯᐊᕐᑎᑦᓯᓚᐅᕐᐳᑦ: ᔩᓱᐊ, ᑲᑦᒤ-ᓕ, ᐹᓂ, ᕼᐊᓴᑉᓂᐊ, ᓯᕆᐰᐊ, ᕼᐅᑍᐊ, ᓯᐸᓁᐊ, ᐱᑕᕼᐂᐊᓗ, ᐅᖃᕐᓗᑎᒃ: “ᓂᑯᕕᓪᓗᓯ ᐊᑕᓂᖅ ᓂᕐᑐᕐᓯᐅᒃ ᒎᑎᑦᓯ ᓂᕐᑐᕐᓯᐅᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐃᓘᓐᓇᓯ ᐊᑎᖓᑕ ᓂᕐᑐᕐᓇᕐᓂᖓ ᓂᕐᑐᕐᓯᐅᒃ, ᑕᒤᓐᓂᑦᓯᐊᖅ ᐊᖏᓂᕐᐸᐅᔪᖅ ᓂᕐᑐᕐᓇᕐᑎᑕᐅᓕ ᓂᕐᑐᕐᑕᐅᓗᓂᓗ!”

ᔫᐱᐅᑉ ᐊᒡᓚᖏᑦ 37:22

ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ, ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.

ᐃᓐᖏᕈᑎᑦ 10:16

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᐃᓅᖃᑎᒌᒡᔪᐊᑦ ᒎᑎᖃᖏᑦᑐᑦ ᓄᖑᑦᓱᒫᕐᐳᑦ ᓄᓇᖓᓂᑦ.

ᐃᓐᖏᕈᑎᑦ 103:19

ᐊᑕᓂᐅᑉ ᐊᖓᔪᖅᑳᕐᔪᐊᖑᓂᕐᒥᓄᑦ ᐃᒃᓯᕙᐅᑕᕐᔪᐊᓂ ᐋᖅᑭᒃᓯᒪᕚ ᕿᓚᖕᒥ, ᐊᑕᓂᐅᕕᖓᓗ ᐊᐅᓚᑦᓯᕗᖅ ᓱᓇᓕᒫᓂᒃ.

ᐃᓐᖏᕈᑎᑦ 104:1

ᑕᕐᓃᒃ, ᐊᑕᓂᖅ ᓂᕐᑐᕈᒃ! ᐊᑕᓃᖅ ᒎᑎᒐ ᐊᖏᔪᕐᔪᐊᖑᕗᑎᑦ; ᐊᓐᓄᕌᕐᓯᒪᕗᑎᑦ ᐅᐱᓐᓇᕐᓂᕐᒥᒃ ᐊᖓᔪᖅᑳᕐᔪᐊᖑᓂᕐᒥᒡᓗ,

ᐃᓐᖏᕈᑎᑦ 145:1

ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 145:6

ᐃᓄᐃᑦ ᐅᖃᐅᓯᖃᕐᓂᐊᕐᐳᑦ ᐱᓂᐊᕐᓯᒪᔭᕐᐱᑦ ᑲᒪᓇᕐᑐᕐᔪᐊᖑᓂᖏᓐᓂᒃ ᐊᖏᔪᕐᔪᐊᖑᓂᖏᓐᓂᒡᓗ, ᐅᕙᖓᓕ ᐊᖏᔪᕐᔪᐊᖑᓃᑦ ᐅᓂᒃᑲᐅᑎᒋᔪᒪᕙᕋ.

ᐃᓐᖏᕈᑎᑦ 21:13

ᐊᑕᓃᖅ, ᐊᖏᔪᕈᕐᑎᑕᐅᓕᕆᑦ, ᓴᓐᖏᔫᓃᑦ ᐱᓪᓗᒍ! ᐅᕙᒍᑦ ᐃᓐᖏᕐᓂᐊᕐᐳᒍᑦ ᐱᔪᓐᓇᕐᓃᑦ ᓂᕐᑐᕐᓗᒍ.

ᐃᓐᖏᕈᑎᑦ 29:4

ᐊᑕᓂᐅᑉ ᓂᐱᖓ ᐱᔪᓐᓇᕐᓂᕐᔪᐊᖃᕐᐳᖅ; ᐊᑕᓂᐅᑉ ᓂᐱᖓ ᑕᑕᑉᐳᖅ ᐊᖓᔪᖅᑳᕐᔪᐊᖑᓂᖓᑕ ᐅᐱᓐᓇᕐᓂᖓᓂᒃ.

ᐃᓐᖏᕈᑎᑦ 46:10

ᓄᖅᑲᕐᓗᓯ, ᖃᐅᔨᓕᕆᑦᓯ ᒎᑎᐅᒐᒪ; ᐃᓅᖃᑎᒌᒡᔪᐊᓂᑦ ᐊᖏᔪᕈᕐᑎᑕᐅᔪᒫᕋᒪ, ᓄᓇᕐᔪᐊᒥ ᐊᖏᔪᕈᕐᑎᑕᐅᔪᒫᕐᐳᖓ.

ᐃᓐᖏᕈᑎᑦ 47:9

ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑦ ᑲᑎᓯᒪᕗᑦ ᐂᑉᕋᕼᐋᒻ ᒎᑎᖓᑕ ᐃᓄᖁᑎᖏᑎᑐᑦ. ᓄᓇᕐᔪᐊᑉ ᓴᐴᓗᑕᖏᑦ ᒎᑎᐅᑉ ᐱᒋᕔᑦ; ᑖᓐᓇ ᐊᖏᔪᒥᒃ ᐊᖏᔪᕈᕐᑎᑕᐅᓕ.

ᐃᓐᖏᕈᑎᑦ 57:11

ᒎᑏ, ᐊᖏᔪᕈᕐᑎᑕᐅᓕᕆᑦ, ᕿᓔᑦ ᐅᖓᑖᓄᑦ; ᓂᕐᑐᕐᓇᕐᓃᑦ ᓄᓇᕐᔪᐊᕐᒥᒃ ᐅᓕᒃᓯᓕ!

ᐃᓐᖏᕈᑎᑦ 57:5

ᐊᖏᔪᕈᕐᑎᑕᐅᓕᕆᑦ, ᒎᑏ, ᕿᓔᑦ ᖁᓛᓄᑦ; ᓂᕐᑐᕐᓇᕐᓃᑦ ᐅᓕᒃᓯᓕᕐᓕ ᓄᓇᕐᔪᐊᕐᒥᒃ.

ᐃᓐᖏᕈᑎᑦ 57:6

ᐱᓱᒡᕕᒋᓂᐊᕐᑕᓐᓄᑦ ᓄᓗᐊᓂᒃ ᐃᓕᓯᕗᑦ; ᑕᕐᓂᕋ ᐅᑯᖓᓕᕐᐳᖅ ᕿᒃᓵᓂᕐᒧᑦ. ᐃᑎᕐᓴᓕᐅᓚᐅᕐᐳᑦ ᐊᖅᑯᑎᒋᓂᐊᕐᑕᓐᓂ, ᓇᖕᒥᓂᕐᓕ ᐃᑎᕐᓴᓕᐅᓚᐅᕐᑕᒥᓄᑦ ᐃᔪᒃᑲᕐᐳᑦ. ᓰᓚ

ᐃᓐᖏᕈᑎᑦ 89:11

ᕿᓚᒡᓗ ᓄᓇᓗ ᐱᖁᑎᒋᕚᒃᑭᒃ; ᓄᓇᕐᔪᐊᖅ ᐃᓗᓕᓕᒫᖏᓪᓗ, ᐱᒋᐊᕐᑎᓯᒪᕙᑎᑦ.

ᐃᓐᖏᕈᑎᑦ 97:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᓄᓇᕐᔪᐊᖅ ᖁᕕᐊᓲᑎᖃᓕᕐᓕ; ᕿᑭᕐᑍᓪᓗ ᐅᓄᕐᑐᑦ ᖁᕕᐊᓱᓕᕐᓕᑦ!

ᐃᓐᖏᕈᑎᑦ 97:9

ᐊᑕᓃᖅ, ᖁᑦᓯᖕᓂᕐᐹᖑᕗᑎᑦ ᓄᓇᕐᔪᐊᓕᒫᒥᑦ; ᐊᖏᓂᕐᐸᐅᓪᓗᑎᓪᓗ ᒎᑎᒋᔭᐅᔪᓕᒫᓂᑦ.

ᐃᓐᖏᕈᑎᑦ 98:1

ᐃᓐᖏᕈᓯᕐᒥᒃ ᓄᑖᒥᒃ ᐊᑕᓂᖅ ᐃᓐᖏᕐᕕᒋᓯᐅᒃ; ᑖᓐᓇ ᐊᖏᔪᒥᒃ ᑲᒪᓇᕐᑐᓕᓯᒪᖕᒪᑦ! ᑕᓕᕐᒥᓄᑦ ᑕᓕᕐᐱᖕᒥᓄᓪᓗ ᐃᑦᔪᕐᓁᑦᑐᒧᑦ ᓵᓚᖃᕐᐳᖅ.

ᐃᓐᖏᕈᑎᑦ 99:1

ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ!

ᐂᓮᐊᓯᐅᑉ ᐊᒡᓚᖏᑦ 12:4

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 42:5

ᒎᑎ ᐊᑕᓂᖅ ᐅᖃᕐᐳᖅ, ᐱᓐᖑᕐᑎᑦᓯᓯᒪᔪᖅ ᕿᓚᖕᒥᒃ ᐃᓯᕕᓪᓗᒋᓪᓗ, ᓯᐊᒻᒪᕐᑎᑦᓯᓚᐅᕐᑐᖅ ᓄᓇᕐᔪᐊᕐᒧᑦ ᑕᕝᕙᓐᖓᑦ ᐱᔪᓂᒃ, ᐃᓄᖕᓂᒃ ᐊᓂᕐᓂᖃᕐᑎᑦᓯᔪᖅ ᑕᕝᕙᓂ ᐃᓂᖃᕐᑐᓂᒃ, ᐊᓂᕐᓂᖃᕐᑎᑦᓯᓪᓗᓂᓗ ᐃᓅᔪᓂᒃ:

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 27:5

ᐱᔪᓐᓇᕐᓂᕐᔪᐊᓐᓄᑦ ᐊᐅᓚᑦᓯᓂᓐᓄᓪᓗ ᓄᓇ ᓴᓇᓚᐅᕐᐸᕋ ᐃᓄᖏᓪᓗ ᐆᒪᔪᖏᓪᓗᑦᑕᐅᖅ, ᑐᓂᑦᔪᑎᒋᓪᓗᒋᓪᓗ ᑐᓂᑦᔪᑎᒋᔪᒪᔭᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 2:20

ᐅᖃᕐᓗᓂ, “ᒎᑎᐅᑉ ᐊᑎᖓ ᓂᕐᑐᕐᑕᐅᓕ; ᓯᓚᑐᓂᖅ ᐱᔪᓐᓇᕐᓂᕐᓗ ᐱᒋᖕᒪᒋᒃ.

ᑖᓂᐊᓕᐅᑉ ᐊᒡᓚᖏᑦ 4:3

ᓇᓗᓁᒃᑯᑍᑦ ᐱᓂᐊᕐᓂᖏᑦ ᐊᖏᔫᕗᑦ, ᓴᓐᖏᔫᓪᓗᑎᒡᓗ ᑲᒪᓇᕐᑐᓕᓂᖏᑦ! ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᕗᖅ; ᐊᑕᓂᐅᕕᖓ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᑖᓂᐊᓕᐅᑉ ᐊᒡᓚᖏᑦ 4:32

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᑎᒧᑎᒧᑦ ᓯᕗᓪᓖᑦ 1:17

ᐊᖓᔪᖅᑳᕐᔪᐊᖑᔪᖅ ᐃᓱᖃᖏᑦᑐᒧᑦ, ᑐᖁᓱᐃᑦᑐᖅ, ᑕᑯᒃᓴᐅᖏᑦᑐᖅ, ᒎᑎᑑᔪᖅ, ᑖᓐᓇ ᐅᐱᒋᔭᐅᓕ ᓂᕐᑐᕐᓇᕐᓯᑎᑕᐅᓗᓂᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᐋᒥᓐ.

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᔮᓱᐊᑉ ᐊᒡᓚᖏᑦ 3:11

ᑕᑯᒋᑦ, ᐊᑕᓂᐅᑉ ᓄᓇᕐᔪᐊᕐᒥᐅᓕᒫᑦ ᐊᑕᓂᖓᑕ, ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓯᕗᓪᓕᐅᓗᓂ ᐃᓕᑦᓯᓐᓂᑦ ᐃᑳᕐᓂᐊᕐᐳᖅ ᔪᐊᕐᑕᓂᐅᑉ ᑰᖓᒍᑦ.

ᔮᓱᐊᑉ ᐊᒡᓚᖏᑦ 3:13

ᑐᓂᕐᕈᓯᕐᑎᑦᓯᔩᑦ ᐊᒡᔭᕐᓯᔪᑦ ᐊᖏᖃᑎᖏᖕᓂᐅᑉ ᐃᒃᓯᕐᕕᖁᑎᖓᓂᒃ ᐊᑕᓂᐅᔫᑉ ᓄᓇᕐᔪᐊᕐᒥᐅᓕᒫᓄᑦ ᐱᖓᓂᒃ ᐃᑎᒐᖏᑦ ᐃᒫᓄᑦ ᐊᒃᑐᑐᐊᕐᐸᑕ ᔪᐊᕐᑕᓂᐅᑉ ᑰᖓ ᓄᖅᑲᕐᓂᐊᕐᐳᖅ, ᑲᖏᐊᓂᓪᓗ ᑰᒃᑐᑦ ᓄᖅᑲᖓᓗᑎᒃ ᐊᑕᐅᓯᕐᒧᑦ ᑲᑎᓐᓂᐊᕐᐳᑦ.”

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:1

ᑕᒪᑐᒪ ᑭᖑᕐᖓᒍᑦ ᑐᓴᕐᐳᖓ ᐃᓄᒋᐊᒃᑐᕐᔪᐊᓄᑦ ᓂᐱᒋᔭᐅᔮᕐᑐᓂᒃ ᓂᐱᖅᑯᕐᑐᓪᓗᑎᒃ ᐅᖃᕐᑐᓂᒃ, “ᐋᓕᓘᔭ! ᐱᐅᓕᔭᐅᓂᖅ ᐱᓐᓇᕐᓇᕐᓂᕐᓗ ᐱᔪᓐᓇᕐᓂᕐᓗ ᒎᑎᑦᑕ ᐱᒋᕔᑦ;

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”