ᑯᕉᓂᑲ ᓯᕗᓪᓖᑦ 26:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑖᓐᓇ ᓯᓗᒥᑎ ᖃᑕᓐᖑᑎᖏᓪᓗ ᑲᒪᔨᐅᕗᑦ ᑮᓇᐅᔭᓕᒫᓄᑦ ᑐᓂᕐᕈᑕᐅᓯᒪᔪᓄᑦ ᐃᑦᔪᕐᓁᑦᑐᓄᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑲᐅᔪᓪᓗ ᐊᑖᑕᒋᔭᐅᔪᑦ ᐃᓚᖏᓐᓂ, ᐊᖓᔪᖅᑳᓪᓗ ᑕᐅᓴᓐᑎᓄᑦ 100ᓄᓪᓗ, ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ, ᑐᓂᕐᕈᑎᖏᓐᓄᑦ.

ᑯᕉᓂᑲ ᓯᕗᓪᓖᑦ 26:26 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:11

ᑕᒪᒃᑯᐊᑦᑕᐅᖅ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐂᑦᑑᑎᒋᓚᐅᕐᐰᑦ ᐊᑕᓂᕐᒧᑦ, ᓯᐅᓪᕕᕇᑦ ᒎᓗᐃᓪᓗ ᐱᖃᓯᐅᑎᓪᓗᒋᑦ ᑎᒍᓚᐅᕐᑕᓕᒫᑎᒃ ᐃᓅᖃᑎᒌᒡᔪᐊᓂᑦ ᓵᓚᒋᓚᐅᕐᑕᒥᖕᓂᑦ,

ᑯᕉᓂᑲ ᓯᕗᓪᓖᑦ 18:11

ᑕᒪᒃᑯᐊᑦᑕᐅᖅ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᑕᓂᕐᒧᑦ ᐂᑦᑑᑎᒋᓚᐅᕐᐰᑦ, ᓯᐅᓪᕕᕇᑦ ᒎᓗᐃᓪᓗ ᐃᓅᖃᑎᒌᒡᔪᐊᓂᑦ ᐱᓚᐅᕐᑕᓂ ᐅᑯᓇᓐᖓᑦ ᐄᑐᒥᒥᑦ, ᒧᐊᐱᒥᑦ, ᐊᒧᓁᑎᒥᓪᓗ ᐱᓕᔅᑍᓂᒥᐅᓂᑦ, ᐊᒪᓕᒃᑯᓐᓂᓪᓗ.

ᑯᕉᓂᑲ ᓯᕗᓪᓖᑦ 22:14

ᐅᖁᒤᒃᓴᒻᒪᕆᒡᓗᖓ ᐅᐸᓗᖎᔧᓚᐅᕐᐳᖓ ᐊᑕᓂᐅᑉ ᐃᒡᓗᖓᓄᑦ 100,000ᓂᒃ ᑖᓚᓐᑎᓂᒃ ᒎᓗᓂᒃ, 1ᒥᓕᐊᓂᒃ ᑖᓚᓐᑎᓂᒃ ᓯᐅᓪᕕᕆᓂᒃ, ᑲᓐᓄᔭᓂᒡᓗ ᓴᕕᕋᔭᖕᓂᒡᓗ ᐅᖁᒤᓐᓂᕐᓯᐅᕐᑕᐅᔪᓐᓇᖏᑦᑐᓂᒃ, ᐅᓄᓗᐊᕐᓂᖏᓐᓄᑦ; ᐊᑐᐃᓐᓇᕈᐃᓚᐅᕆᕗᖓ ᕿᔪᖕᓂᒃ ᐅᔭᕋᖕᓂᒡᓗ. ᑕᒪᒃᑯᐊᓕ ᐃᓚᔭᕆᐊᖃᕈᒫᕐᐸᑎᑦ.

ᑯᕉᓂᑲ ᓯᕗᓪᓖᑦ 26:25

ᖃᑕᓐᖑᑎᖏᓪᓗ ᐅᑯᐊᖑᕗᑦ: ᐃᓔᓯᕆ ᑖᑦᓱᒪᓗ ᐃᕐᓂᖓ ᕆᕼᐊᐰᐊ, ᑖᑦᓱᒪᓗ ᐃᕐᓂᖓ ᔨᓮᐊ, ᑖᑦᓱᒪᓗ ᐃᕐᓂᖓ ᔪᕌᒻ, ᑖᑦᓱᒪᓗ ᐃᕐᓂᖓ ᔨᒃᕆ, ᑖᑦᓱᒪᓗ ᐃᕐᓂᖓ ᓯᓗᒥᑎ.

ᑯᕉᓂᑲ ᓯᕗᓪᓖᑦ 26:27

ᐅᓇᑕᕐᓂᒃᑯᑦ ᐱᑖᕕᓃᑦ ᐃᑦᔪᕐᓁᑎᑉᐰᑦ ᐊᑕᓂᐅᑉ ᐃᒡᓗᖓᓂᒃ ᓴᓇᔪᓄᑦ ᐊᑐᕐᑕᐅᔪᒃᓴᐅᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 28:21

ᑕᑯᒋᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᐊᒡᒍᕐᓯᒪᔭᕇᕐᐳᑦ ᐱᔨᑦᓯᕐᓂᓕᒫᓄᑦ ᒎᑎᐅᑉ ᐃᒡᓗᖓᓂ; ᓴᓇᔩᑦ ᐃᓕᖕᓂᒃ ᐃᑲᔪᕈᒪᑦᓯᐊᕐᑐᑦ ᐱᔪᓐᓇᑦᓯᐊᕐᑐᓪᓗ ᐃᑲᔪᕐᓂᐊᕐᐹᑎᑦ ᓴᓇᔭᕆᐊᓕᓕᒫᓄᑦ ᖃᓄᐃᑦᑐᑐᐃᓐᓇᑦᓯᐊᓄᑦ; ᐊᖓᔪᖅᑳᑦ ᐃᓄᓕᒫᓪᓗ ᐱᖁᔨᓂᓕᒫᕐᓂᒃ ᓈᓚᑦᓯᐊᕈᒫᕐᐳᑦ.”

ᑯᕉᓂᑲ ᓯᕗᓪᓖᑦ 9:14

ᓕᕔᑏᑦ: ᓯᒤᐊ ᕼᐊᓲᑉ ᐃᕐᓂᖓ, ᑖᓐᓇ ᐊᔾᕆᑳᒻ ᐃᕐᓂᖓ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᒥᕋᕆᐅᑉ ᐃᕐᓂᖓ;

ᑯᕉᓂᑲ ᐂᑉᐸᖏᑦ 23:8

ᓕᕔᑎᑦ ᔫᑕᒥᐅᓕᒫᓪᓗ ᐱᓇᓱᐊᓚᐅᕐᐳᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐱᓇᓱᐊᕐᑕᐅᖁᔭᖓᓂᒃ. ᐊᑐᓂᑦ ᐃᓚᒥᖕᓂᒃ ᓇᒃᓴᓚᐅᕐᐳᑦ ᓴᐸᑎᒥ ᐱᓇᓱᐊᒐᒃᓴᖃᖏᑦᑐᓂᒃ, ᐱᓇᓱᐊᕐᑐᒃᓴᐅᔪᓪᓗ ᓴᐸᑎᒥ ᐱᖃᑕᐅᖕᒥᑎᓪᓗᒋᑦ; ᑐᓂᕐᕈᓯᕐᑎᑦᓯᔨᐅᓪᓗ ᔨᕼᐅᐃᐊᑕᐅᑉ ᓄᖅᑲᖓᑎᓚᐅᓐᖏᓔᑦ ᐊᕕᒃᑐᓯᒪᔪᓂ ᐱᔭᒃᓴᖃᖏᑦᑐᑦ.

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᐄᓱᕋᐅᑉ ᐊᒡᓚᖏᑦ 2:42

ᑐᒃᓯᐊᕐᕕᒡᔪᐊᒥ ᖃᐅᔨᓴᕐᑎᐅᔪᑦ ᓴᓗᒻᒥᒃᑯᑦ, ᐊᑕᕆᒃᑯᑦ, ᑖᓪᒪᓐᑯᑦ, ᐊᑯᑉᑯᑦ, ᕼᐊᑍᑕᒃᑯᑦ, ᓱᐰᒃᑯᓪᓗ ᑭᖑᕚᕇᑦ 139ᖑᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 12:45

ᒎᑎᒥᖕᓄᑦ ᐱᓇᓱᐊᒐᒃᓴᒥᖕᓂᒃ ᐱᓕᕆᖕᒪᑕ ᐃᑦᔪᕐᓁᑎᑕᐅᓂᕐᒥᒡᓗ ᐱᓕᕆᓪᓗᑎᒃ, ᐃᓐᖏᕐᑏᓪᓗ ᐃᑎᕐᑕᕐᕕᐅᓪᓗ ᑲᒪᔨᖏᑦ ᐱᓇᓱᐊᓚᐅᕐᒥᖕᒪᑕ, ᑍᕕᑎᐅᑉ ᐃᕐᓂᖓᑕᓗ ᓲᓗᒨᓂᐅᑉ ᐱᓇᓱᐊᕐᑕᐅᖁᓯᒪᔭᖏᑦ ᒪᓕᒡᓗᒋᑦ.