ᑯᕉᓂᑲ ᓯᕗᓪᓖᑦ 23:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᐱᔭᒃᓴᖃᕐᑐᒃᓴᐅᕗᑦ ᐃᑲᔪᕐᓗᑎᑦ ᐂᕉᓂᐅᑉ ᐃᕐᓂᖏᓐᓂᒃ ᐱᔨᑦᓯᕐᓗᑎᒃ ᐊᑕᓂᐅᑉ ᐃᒡᓗᖓᓂ, ᐱᕕᑐᓂᖓᓂ ᑲᑎᒪᕕᖓᓂᓗ, ᓴᓗᒻᒪᕐᓮᔨᐅᓗᑎᒡᓗ ᐃᑦᔪᕐᓁᑦᑐᓕᒫᓂᒃ, ᐱᓇᓱᐊᕐᑎᐅᓗᑎᒡᓗ ᖃᓄᑐᐃᓐᓇᖅ ᐱᔨᑦᓯᕐᓗᑎᒃ ᒎᑎᐅᑉ ᐃᒡᓗᖓᓂ;

ᑯᕉᓂᑲ ᓯᕗᓪᓖᑦ 23:28 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 6:5

ᓯᓚᑖᑕᓗ ᐊᑭᓐᓇᖓᓂ ᐃᓚᓯᒋᕗᖅ, ᑐᒃᓯᐊᕐᕕᒡᔪᐊᑉ ᓴᓂᕌᒍᑦ ᐃᑎᕐᕕᖓᓂᑦ ᕿᓐᖑᐊᓄᑦ ᑎᑭᓪᓗᒍ, ᐃᒡᓗᐊᕈᓯᓕᐅᕐᓱᒍᓗ ᐊᕙᑎᓕᒫᖓ.

ᑯᕉᓂᑲ ᓯᕗᓪᓖᑦ 18:17

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᕗᖅ ᓴᐳᓐᓂᐊᕐᑎᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᕗᑦ ᐊᖓᔪᖅᑳᖁᑎᒋᔭᐅᔪᓄᑦ ᐊᖓᔪᖅᑳᕐᔪᐊᒧᑦ.

ᑯᕉᓂᑲ ᓯᕗᓪᓖᑦ 23:27

ᑍᕕᑎᐅᑉ ᐅᖃᐅᓯᖏᑦ ᑭᖑᓪᓕᕐᐹᑦ ᒪᓕᒡᓗᒋᑦ ᓕᕔᑏᑦ ᓈᓴᕐᑕᐅᕗᖅ ᐊᕐᕌᒍᓖᑦ ᐊᕙᑎᓂᒃ ᐅᖓᑖᓄᑦ.

ᑯᕉᓂᑲ ᓯᕗᓪᓖᑦ 23:29

ᑲᒪᔨᐅᖁᓪᓗᒋᓪᓗ ᓂᐊᖂᔭᓂᒃ ᒎᑎᒧᑦ ᑐᓂᔭᐅᓯᒪᔪᓂᒃ, ᓂᕿᒃᓴᓂᒡᓗ ᑐᓂᕐᕈᑕᐅᓯᒪᔪᓂᒃ, ᐳᕙᓪᓚᕐᓴᐅᑎᖃᖏᑦᑐᓂᒡᓗ ᐆᓯᒪᔪᓂᒃ, ᐆᓯᒪᔪᓂᒡᓗ ᓂᐊᖂᔭᓂᒃ ᑐᓂᕐᕈᑕᐅᓯᒪᔪᓂᒃ, ᐊᓯᖏᓐᓂᒡᓗ ᐅᕐᓱᒃᓴᓂᒃ, ᐆᒃᑑᑎᓂᒡᓗ ᓱᓇᑐᐃᓐᓇᓂᒃ ᐊᖏᓕᕇᓂᒃ ᐊᑦᔨᒌᖏᑦᑐᓂᒃ;

ᑯᕉᓂᑲ ᓯᕗᓪᓖᑦ 23:4

ᑖᒃᑯᓇᓐᖓᑦ 24,000ᓮᑦ, ᑍᕕᑎᐅᑉ ᑲᒪᔨᐅᖁᕔᑦ ᐊᑕᓂᐅᑉ ᐃᒡᓗᖓ ᓴᓇᔭᐅᓕᕐᑎᓪᓗᒍ, 6,000 ᐊᖓᔪᖅᑳᖑᔪᒃᓴᐅᓪᓗᑎᒃ ᐃᓱᐊᕐᓮᔨᐅᓪᓗᑎᒡᓗ,

ᑯᕉᓂᑲ ᓯᕗᓪᓖᑦ 28:13

ᑐᓂᕐᕈᓯᕐᑎᑦᓯᔩᓪᓗ ᓕᕔᑏᓪᓗ ᐊᕕᒃᑐᕐᓯᒪᓂᒃᓴᖏᑦ, ᐱᓇᓱᐊᒐᒃᓴᐅᔪᓕᒫᓪᓗ ᐊᑕᓂᐅᑉ ᐃᒡᓗᖓᓂ; ᓱᓇᑐᐃᓐᓇᒃᓴᓕᒫᓪᓗ ᐱᔨᑦᓯᕈᑎᒃᓮᑦ ᐊᑕᓂᐅᑉ ᐃᒡᓗᖓᓂ.

ᑯᕉᓂᑲ ᐂᑉᐸᖏᑦ 23:4

ᐃᒤᓕᐅᕐᑐᒃᓴᐅᕗᓯ: ᐃᓕᑦᓯ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓴᐸᑎᒥ ᐱᓇᓱᐊᒃᓴᖃᖏᑦᑐᑦ, ᑖᒃᑯᐊ ᐱᖓᔪᖏᑦ ᖃᐅᔨᓴᕐᑎᐅᔪᒃᓴᐅᕗᑦ ᐃᑎᕐᑕᕐᕕᖕᓂ;

ᑯᕉᓂᑲ ᐂᑉᐸᖏᑦ 23:6

ᓇᓪᓕᐊᓪᓘᓐᓃᑦ ᐊᑕᓂᐅᑉ ᐃᒡᓗᖓᓄᐊᕐᑐᒃᓴᐅᓐᖏᓚᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᑐᑦ ᑖᒃᑯᐊ ᐃᑎᕈᓐᓇᕐᑐᑑᔪᒃᓴᐅᕗᑦ, ᐃᑦᔪᕐᓁᑦᑑᖕᒪᑕ; ᐃᓄᓕᒫᓪᓕ ᓈᓚᒃᑐᒃᓴᐅᕗᑦ ᐊᑕᓂᕐᒥᒃ ᖃᓄᐃᓕᐅᖁᔨᓂᐊᕐᒪᖔᑦ.

ᑯᕉᓂᑲ ᐂᑉᐸᖏᑦ 29:15

ᑖᒃᑯᐊ ᑲᑎᕐᓱᐃᓚᐅᕐᐳᑦ ᖃᑕᓐᖑᑎᒥᖕᓂᒃ, ᐃᒻᒥᖕᓂᒡᓗ ᐃᑦᔪᕐᓁᑎᑉᐳᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒡᓗᑎᒃ ᐃᑎᓚᐅᕐᐳᑦ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᐅᑉ ᐃᒡᓗᖓᓂᒃ ᓴᓗᒻᒪᕐᓮᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 29:5

ᐅᖃᐅᑎᓪᓗᒋᓪᓗ, “ᓈᓚᒃᓯᓐᖓ, ᓕᕔᑎᐅᔪᓯ! ᐃᓕᑦᓯᓐᓂᒃ ᐃᑦᔪᕐᓁᑎᓕᕆᑦᓯ, ᐊᑕᓂᐅᓪᓗ ᓯᕗᓕᑦᓯ ᒎᑎᖓᑕ ᐃᒡᓗᖓ ᐃᑦᔪᕐᓁᓯᑎᓪᓗᓯᐅᒃ, ᓴᓗᒪᖏᑦᑐᓪᓗ ᐃᒋᓪᓗᒋᑦ ᐃᑦᔪᕐᓁᑦᑐᕕᖕᒥᑦ.

ᑯᕉᓂᑲ ᐂᑉᐸᖏᑦ 31:11

ᕼᐃᓯᑬᐊᐅᓪᓗ ᑎᓕᕔᑦ ᓯᕐᓗᐊᓕᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ; ᑕᕝᕙ ᐊᑐᐃᓐᓇᕈᐃᓕᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᐄᓱᕋᐅᑉ ᐊᒡᓚᖏᑦ 8:29

ᑲᒪᒋᑦᓯᐊᕐᓂᐊᕐᐸᓯ ᐱᓯᒪᑦᓯᐊᕐᓗᓯᐅᒡᓗ ᑐᒃᓯᐊᕐᕕᒡᔪᐊᒧᑦ ᑎᑭᓚᐅᖏᓐᓂᑦᓯᓐᓂ; ᑍᑲᓂ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᑦ ᓕᕔᑎᓪᓗ ᓵᖏᓐᓂ ᐅᖁᒤᓐᓂᕐᓯᐅᓛᕐᐸᓯ ᐂᑦᑑᑎᒋᓗᒋᓪᓗ ᑖᒃᑯᓄᖓ, ᐃᓴᕆᐊᓕᒥᐅᓪᓗ ᐃᓄᖏᑕ ᓯᕗᓕᕐᑎᖏᓐᓄᑦ ᔨᕉᓴᓕᒦᑦᑐᓄᑦ.”

ᓂᕼᐃᒤᐊᐅᑉ ᐊᒡᓚᖏᑦ 11:24

ᐱᑕᕼᐂᐊᓗ ᒥᓯᔭᐱᐅᑉ ᐃᕐᓂᖓ, ᔨᕋᐅᑉ ᐃᓚᒋᔭᖏᑦ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᑉ ᐃᑲᔪᕐᑎᒋᖃᑦᑕᓚᐅᕐᐰᑦ ᐊᐅᓚᑦᓯᔨᐅᖁᓪᓗᒋᑦ ᖃᓄᑐᐃᓐᓇᑦᓯᐊᖅ ᐃᓄᖕᓂᑦ ᐱᓇᓱᐊᕐᑕᐅᔭᕆᐊᖃᕐᑐᓕᒫᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 13:9

ᑕᕝᕙ ᑎᓕᓯᓚᐅᕐᐳᖓ ᓴᓗᒻᒪᕐᓴᕐᑕᐅᖁᓪᓗᒍ ᑖᓐᓇ ᓱᓇᑐᐃᓐᓇᖃᐅᑎ; ᑕᕝᕙ ᐅᑎᕐᑎᓚᐅᕐᐸᒃᑲ ᐴᒍᑍᑦ ᑕᓪᓕᒪᐅᔪᐃᕈᑎᒃᓴᓄᑦ ᐆᒃᑐᕋᐅᑕᐅᕙᒃᑐᑦ ᒎᑎᐅᑉ ᐃᒡᓗᖓᓄᑦ, ᐃᓚᖃᕐᑎᓪᓗᒋᑦ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ ᑎᐱᑦᓯᐊᕆᒃᓴᐅᑎᒃᓴᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 35:4

ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 40:17

ᑕᕝᕙ ᑖᑦᓱᒪ ᑐᕐᓲᖑᔭᕐᒧᐊᕈᑎᕚᖓ ᓯᓚᓪᓕᕐᒧᑦ; ᑕᑯᒋᓪᓗ, ᐃᒡᓗᕈᓯᕐᑕᖃᐅᕐᐳᖅ 30ᓂᒃ, ᐊᕙᓗᕐᔪᐊᑉ ᐃᓗᖔᖓᓃᑦᑐᓂᒃ; ᐃᒡᓗᕈᓰᓪᓗ ᓯᕗᕋᓕᒫᖏᑦ ᕿᑯᕐᓯᒪᔪᒥᒃ ᓇᑎᓕᐅᕐᓯᒪᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 41:26

ᐃᑦᔪᕐᓁᑦᑐᒃᑯᕕᒡᓗ ᐃᒐᓛᖃᐅᕐᐳᖅ ᐃᒡᓗᒌᓂᒃ ᒪᑐᑦᑕᐅᑎᓕᖕᓂᒃ, ᐊᑭᓇᖏᒡᓗ ᐃᒡᓗᒌᒃ ᑕᕐᓯᕐᑐᕐᓯᒪᓪᓗᑎᒃ ᐹᒥᓐᖑᐊᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 42:13

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 42:3

ᑕᒪᑐᒪ ᐱᕕᑐᓂᖓ 34ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᐳᖅ ᑐᒃᓯᐊᕐᕕᒡᔪᐊᑉ ᑭᒡᓕᖓᓃᑦᑐᖅ, ᑐᕐᓲᖑᔭᒧᑦ ᓯᓚᓪᓕᕐᒧᑦ ᖁᐊᕐᑎᑕᒐᓕᖕᒧᑦ ᓵᓐᖓᓪᓗᓂ, ᓇᑎᖏᓪᓗ ᑖᒃᑯᐊ ᐱᖓᓲᓕᖅᑲᖓᕗᑦ ᖁᓕᕇᖑᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 44:14

ᓱᓕᓕ ᑎᓕᓂᐊᕐᐸᒃᑲ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐱᔭᕆᐊᓕᖕᓂᒃ ᑲᒪᔨᐅᖁᓪᓗᒋᑦ, ᐱᔨᑦᓯᕆᐊᓕᖕᓂᒡᓗ ᐱᔨᑦᓯᕐᑎᐅᖁᓪᓗᒋᑦ ᐱᓇᓱᐊᕐᑕᐅᔭᕆᐊᓕᓕᒫᓂᒃ.”