ᑯᕉᓂᑲ ᓯᕗᓪᓖᑦ 21:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑕᕝᕙ ᑍᕕᑎ ᐅᖃᓕᕐᐳᖅ ᒎᑎᒧᑦ, “ᐊᖏᔪᒥᒃ ᐊᔪᕐᑐᓕᕗᖓ ᑕᒪᓐᓇ ᐱᓂᐊᕐᓂᕋ ᐱᑦᔪᑎᒋᓪᓗᒍ, ᒫᓐᓇᓕ, ᑐᒃᓯᐊᕐᐳᖓ, ᐱᔨᕕᑦ ᐱᐅᖏᑦᑐᓕᓂᖓ ᐲᓚᐅᕈᒃ; ᓯᓔᑦᑐᐊᓗᖕᒥᒃ ᑕᒪᑐᒥᖓ ᐱᓂᐊᓚᐅᕋᒪ.”

ᑯᕉᓂᑲ ᓯᕗᓪᓖᑦ 21:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 34:7

ᔧᑰᓪᓕ ᐃᕐᓂᖏᑦ ᐱᕈᕐᓰᕕᖕᒥᓐᖔᕐᓗᑎᒃ ᑕᕝᕗᓐᖓᕋᒥᒃ ᑕᒪᑐᒥᖓᓗ ᑐᓴᓕᕋᒥᒃ; ᐃᓗᐃᓪᓕᕐᐳᑦ ᓂᓐᖓᒻᒪᕆᒃᓗᑎᒡᓗ, ᓯᑭᒥ ᑍᒤᓕᐅᕐᓯᒪᖕᒪᑦ ᓈᒻᒪᖏᑦᑐᒥᒃ ᐃᓴᕆᐊᓕᒥᐅᓂᒡᓗ ᒥᑕᐅᑎᖃᕐᓗᓂ ᔧᑰᑉ ᐸᓂᖓᓂᒃ ᐃᓐᓇᖓᖃᑎᖃᕐᓂᕐᒥᓄᑦ, ᑍᒤᓕᐅᕐᑐᖃᕆᐊᖃᕐᑎᓐᓇᒍ.

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᓴᒧᐃᓕ ᐂᑉᐸᖏᑦ 13:13

ᖃᓄᕐᓕ ᒪᑭᑕᑦᓯᐊᕈᓐᓇᕋᔭᕋᒪ ᐃᓄᒋᐊᓂ? ᐃᕝᕕᓪᓗ ᐱᐅᔪᓐᓃᕐᑎᑕᐅᒻᒪᕆᒃᑲᔭᕐᐳᑎᑦ ᐃᓴᕆᐊᓕᒥᐅᓂ. ᑍᒤᒻᒪᑦ ᐊᖓᔪᖅᑳᕐᔪᐊᒧᑦ ᐅᖃᓚᐅᕆᑦ; ᐅᒃᐱᕈᓱᑦᓯᐊᕐᐳᖓ ᐃᓕᖕᓄᑦ ᑐᓂᒐᔭᕌᖓ.”

ᓴᒧᐃᓕ ᐂᑉᐸᖏᑦ 24:10

ᑍᕕᑎᓕ ᓈᓮᑎᑦᓯᔭᕇᕋᒥ ᐃᓗᒥᒍᑦ ᐋᓐᓂᐊᓂᕐᒥᒃ ᐃᒃᐱᖕᓂᐊᓕᓚᐅᕐᐳᖅ, ᐊᑕᓂᕐᒧᓪᓗ ᐅᖃᕐᓗᓂ, “ᐱᐅᖏᑦᑐᐊᓗᖕᒥᒃ ᐊᔪᕐᑐᓕᓯᒪᕗᖓ ᑍᒤᓕᐅᕐᑎᑦᓯᓂᓐᓄᑦ. ᒫᓐᓇᓕ ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᓐᖓ ᐱᐅᖏᑦᑐᓕᓯᒪᓂᓐᓂᑦ; ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᒐᒪ.”

ᑯᕉᓂᑲ ᓯᕗᓪᓖᑦ 21:7

ᒎᑎᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ, ᐃᓴᕆᐊᓕᒥᐅᓪᓗ ᓱᒋᐊᕐᐰᑦ.

ᑯᕉᓂᑲ ᐂᑉᐸᖏᑦ 10:9

ᐅᖃᐅᑎᓪᓗᒋᓪᓗ, “ᖃᓄᖅ ᐃᓱᒪᓕᐅᕆᔪᓐᓇᕐᐱᓰ? ᖃᓄᕐᓗ ᐃᓄᐃᑦ ᑭᐅᔭᒃᓴᕆᕙᒃᑳ ᐅᕙᓐᓄᑦ ᐅᖃᓚᐅᕐᑐᑦ, ‘ᓇᖕᒪᒃᑕᕗᑦ ᐅᕿᒡᓕᒋᐊᓚᐅᒃᑭᑦ ᐊᑖᑕᕕᑦ ᐅᕙᑦᑎᓐᓄᑦ ᓇᖕᒪᒃᑕᐅᑎᓚᐅᕐᑕᖏᑦ’?”

ᐃᓐᖏᕈᑎᑦ 25:11

ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᓴᒧᐃᓕ ᓯᕗᓪᓖᑦ 13:13

ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓯᓔᑦᑐᐊᓗᖕᒥᒃ ᐱᓇᓱᐊᓚᐅᕐᐳᑎᑦ; ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᓈᓚᓚᐅᖏᓐᓇᕕᑦ, ᐃᓕᖕᓄᑦ ᐱᖁᔨᑦᔪᑎᒋᓚᐅᕐᑕᖏᓐᓂᒃ; ᐊᑕᓂᐅᑉ ᐋᖅᑭᒃᓱᕋᔭᓚᐅᕐᐹ ᐊᖓᔪᖅᑲᐅᕖᑦ ᐃᓴᕆᐊᓕᒥᐅᓂᒃ ᐃᓱᖃᖏᑦᑐᒧᑦ.

ᓴᒧᐃᓕ ᓯᕗᓪᓖᑦ 26:21

ᑕᕝᕙ ᓴᐅᓕ ᐅᖃᕐᐳᖅ, “ᐊᔪᕐᑐᓕᓚᐅᕐᐳᖓ; ᐅᑎᓕᕆᑦ, ᐃᕐᓃᒃ ᑍᕕᑏ, ᐋᓐᓂᕋᓱᐊᕐᓂᐊᕈᓐᓃᕐᐸᒋᑦ, ᐃᓅᓯᕋ ᐱᐅᓕᓚᐅᕋᕕᐅᒃ ᐅᓪᓗᒥ; ᑕᑯᒋᑦ, ᓯᓔᑦᑐᐊᓗᖕᒥᒃ ᐱᓇᓱᐊᕐᓯᒪᕗᖓ, ᐱᐅᖏᑦᑐᐊᓗᖕᒥᒡᓗ ᐱᓇᓱᐊᕐᓯᒪᓪᓗᖓ.”