ᑯᕉᓂᑲ ᓯᕗᓪᓖᑦ 21:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᔪᐊᐱᓕ ᑭᐅᕗᖅ, “ᑍᒪᑐᖅ ᐊᑕᓂᐅᑉ ᐃᓴᕆᐊᓕᒥᐅᑦ ᐃᓄᖏᑦ 100ᓱᓪᓗᐊᕐᑐᓂᒃ ᐅᓄᕐᓯᑎᒋᐊᕐᓕᒋᑦ! ᐊᖓᔪᖅᑳᕐᔪᐊᖅ ᐊᑕᓂᕋ, ᐊᖓᔪᖅᑳᕐᔪᐊᒪ ᐱᔨᒋᔧᓐᓇᕆᓐᖏᓔᑦ? ᓱᖕᒪᓕ ᐊᖓᔪᖅᑳᕐᔪᐊᕋ ᑍᒤᓕᐅᖁᔨᕙ? ᓱᖕᒪᑦ ᐸᓯᔭᒃᓴᓐᖑᕐᑎᑦᓯᔪᒃᓴᐅᕙ ᐃᓴᕆᐊᓕᒥᐅᓂᒃ?”

ᑯᕉᓂᑲ ᓯᕗᓪᓖᑦ 21:3 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 1:11

ᐊᑕᓂᐅᑉ, ᓯᕗᓕᕕᓂᑦᓯ ᒎᑎᖓᑦᑕ, ᐅᓄᕐᓯᕙᓪᓕᐊᑎᓪᓕᓯ 1,000ᐃᕐᓱᓪᓗᐊᕐᑐᒥᒃ, ᐊᔪᕐᓴᖏᑦᓯᐊᕐᑎᓪᓗᓯᓗ, ᑍᒫᒃ ᐊᖏᕐᕕᒋᓯᒪᖕᒪᓯ ᑕᒪᑐᒥᖓ!

ᐂᓮᐊᓯᐅᑉ ᐊᒡᓚᖏᑦ 48:19

ᑭᖑᕚᓯ ᓯᐅᕋᕐᑎᑐᑦ ᐅᓄᕐᑎᒋᒐᔭᓚᐅᕐᐳᑦ, ᕿᑐᕐᖓᓯᓗ ᓂᐊᖂᔭᒃᓮᑦ ᓯᖃᓪᓕᓯᒪᔪᑦ ᐅᓄᕐᓂᖏᑎᑐᑦ ᑍᒤᓪᓗᑎᒃ; ᐊᑎᖏᑦ ᐃᓱᓕᖃᑦᑕᕋᔭᓚᐅᓐᖏᓚᑦ ᐊᓯᕈᕐᑕᐅᖃᑦᑕᕋᔭᕋᑎᒡᓗ ᓵᓐᓂ.”

ᐂᓮᐊᓯᐅᑉ ᐊᒡᓚᖏᑦ 26:15

ᐊᑕᓃᖅ, ᐃᓅᖃᑎᒌᒡᔪᐊᖑᓂᕗᑦ ᐱᕈᕐᑎᓯᒪᕙᑦ, ᐃᓅᖃᑎᒌᒡᔪᐊᑦ ᐅᓄᕐᓯᑎᑉᐸᑎᑦ, ᑕᒪᓐᓇ ᐅᐱᒋᔭᐅᑦᔪᑎᒋᕙᑦ; ᓄᓇᖁᑎᕗᓪᓗ ᐃᓚᕙᓪᓕᐊᑎᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:28

ᓄᓇᓖᑦ ᐃᓄᒋᐊᒃᐸᑕ ᐊᖓᔪᖅᑳᕐᔪᐊᑉ ᓂᕐᑐᕐᓇᐅᑎᒋᕚ, ᐊᖓᔪᖅᑳᕐᔪᐊᕐᓕ ᐃᓄᖁᑎᖃᖏᒃᑯᓂ ᐊᖓᔪᖅᑲᐅᓂᖓ ᐊᑑᑎᖃᓐᖏᓚᖅ.

ᐃᓐᖏᕈᑎᑦ 115:14

ᐊᑕᓂᐅᑉ ᐃᓄᒋᐊᒃᓯᕙᓪᓕᐊᑎᓪᓕᓯ, ᐃᓕᑦᓯ ᑭᖑᕚᓯᓗ.

ᑯᕉᓂᑲ ᓯᕗᓪᓖᑦ 19:13

ᓯᕘᕋᖏᓪᓗᑎᑦ, ᓲᖑᓕᕐᑕ ᐃᓄᖁᑎᕗᑦ ᐱᓪᓗᒋᑦ, ᒎᑎᑦᑕᓗ ᐃᒡᓗᒐᓴᖏᑦ ᐱᓪᓗᒋᑦ; ᐊᑕᓂᕐᓗ ᐱᓂᐊᓕᕐᓕ ᑕᑯᓐᓇᕐᑕᒥᒍᑦ ᓈᒻᒪᒋᔭᒥᓂᒃ.”

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᓴᒧᐃᓕ ᓯᕗᓪᓖᑦ 2:24

ᑍᒤᓕᐅᕈᓐᓃᕆᑦᑎᒃ ᐃᕐᓂᒃᑳᒃ; ᑕᒪᓐᓇ ᐱᐅᖏᑦᑐᒻᒪᕆᐊᓗᒃ ᐊᑕᓂᐅᑉ ᐃᓄᖁᑎᖏᑕ ᐅᖃᐅᓯᕆᖃᑦᑕᓕᕐᒪᑦᔪᒃ.

ᒨᓯᓯ ᐂᑉᐸᖏᑦ 32:21

ᒨᓯᓯᓗ ᐅᖃᕐᐳᖅ ᐂᕉᓂᒧᑦ, “ᐃᓄᒋᐊᒃᑐᕐᔪᐊᓂᑦ ᖃᓄᐃᓕᐅᕐᑕᐅᓐᓂᕋᕕᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᔪᕐᑐᓕᑎᑦᓯᓚᐅᕐᐲᑦ?”

ᒨᓯᓯ ᓯᕗᓪᓖᑦ 20:9

ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᕐᐱᑦ? ᖃᓄᕐᓗ ᐊᔪᕐᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᕐᑐᓕᓂᕐᒥᒃ ᐊᖏᔪᒥᒃ? ᐱᓂᐊᕐᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᓂᐅᔭᕆᐊᖃᖏᑦᑐᒥᒃ.”

ᑯᕉᓂᑲ ᓯᕗᓪᓖᑦ 21:4

ᑍᒤᒃᑲᓗᐊᕐᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᓯᖏᑦ ᓵᓚᖃᕐᐳᑦ ᔪᐊᐱᒥᒃ. ᑕᕝᕙ ᔪᐊᐱ ᐃᖏᕐᕋᓕᓚᐅᕐᐳᖅ ᐃᓴᕆᐊᓕᒥᐅᓕᒫᓄᑦ, ᐅᑎᕐᓗᓂᓗ ᔨᕉᓴᓕᒧᑦ.

ᒨᓯᓯ ᐂᑉᐸᖏᑦ 30:12

“ᐃᓴᕆᐊᓕᒥᐅᑦ ᐃᓄᖏᑦ ᓈᓴᓕᕈᕕᒋᑦ, ᐃᓄᐃᑦ ᐊᑐᓂᑦ ᐃᓘᓐᓇᑎᒃ ᐊᑭᓖᔪᒃᓴᐅᕗᑦ ᐊᑕᓂᕐᒧᑦ ᐃᓅᓯᑎᒃ ᐱᑦᔪᑎᒋᓗᒋᑦ, ᖃᓄᐃᓕᓇᕐᑐᒧᑦ ᑎᑭᑕᐅᖁᓇᒋᑦ ᓈᓴᕐᑕᐅᓕᕐᑎᓪᓗᒋᑦ.

ᔮᓱᐊᑉ ᐊᒡᓚᖏᑦ 22:15

ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓐᓄᐊᕋᒥᒃ ᒋᓕᐊᑎᒧᑦ, ᑖᒃᑯᓄᖓ ᐅᖃᕐᐳᑦ,

ᐊᑕᓃᑦ ᐂᑉᐸᖏᑦ 12:7

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᑉ ᔨᕼᐅᐊᓯᐅᑉ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ ᐊᐱᕐᓱᕐᐰᑦ ᐅᖃᕐᓗᓂ, “ᖃᓄᐃᒻᒪᑦ ᐊᑕᓂᐅᑉ ᐃᒡᓗᖓ ᓯᖁᑦᑎᕐᓯᒪᓂᖏᑦ ᓱᓕ ᓴᓇᔭᐅᕙᓪᓕᐊᓐᖏᓛᑦ? ᑮᓇᐅᔭᓂᒃ ᐃᓕᐅᖅᑬᕕᖁᑎᑦᓯᓐᓂᑦ ᐱᖃᑦᑕᕐᓂᐊᕈᓐᓃᕐᐳᓯ ᐊᑕᓂᐅᑉ ᐃᒡᓗᖓ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ ᐊᑐᕐᑕᐅᖔᖃᑦᑕᕐᓂᐊᕐᒪᑕ.”