ᑯᕉᓂᑲ ᓯᕗᓪᓖᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒫᓂ ᓇᓪᓕᐅᑦᑐᒥ ᐊᕐᕌᒍᒥ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑉ ᐅᓇᑕᕆᐊᕐᕕᖓᓂ, ᔪᐊᐱᐅᑉ ᐅᓇᑕᕐᑐᒃᓮᑦ ᐊᐅᓪᓚᕈᑎᕔᑦ ᐊᒧᓁᑎᒥᐅᓪᓗ ᐃᓄᖏᑕ ᓄᓇᖓ ᓱᒃᑯᑎᕐᐹ, ᕌᐸᓗ ᓴᐱᕚ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ. ᔪᐊᐱᐅᓪᓗ ᕌᐸ ᓵᓚᒋᕚ, ᓱᓇᐅᔪᓐᓃᕐᑎᓪᓗᒍᓗ.

ᑯᕉᓂᑲ ᓯᕗᓪᓖᑦ 20:1 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 11:1

ᐊᕐᕌᒍᒥ ᑕᕝᕙᓂ ᐅᐱᕐᖓᕐᑎᓪᓗᒍ, ᐊᖓᔪᖅᑳᕐᔪᐊᑦ ᐅᓇᑕᕆᐊᖃᑦᑕᕐᑎᓪᓗᒋᑦ, ᑍᕕᑎᐅᑉ ᔪᐊᐱ ᑎᓕᓚᐅᕐᐹ ᐊᖓᔪᖅᑳᖁᑎᖏᓪᓗ, ᐃᓴᕆᐊᓕᒥᐅᓪᓗ ᐅᓇᑕᕐᑐᒃᓴᖏᑦ; ᐊᒧᓁᑎᒥᐅᓪᓗ ᓵᓚᒋᓚᐅᕐᐰᑦ, ᕌᐸᐅᓪᓗ ᐃᒡᓗᒐᓴᖏᑦ ᑎᒍᓪᓗᒋᑦ. ᑍᕕᑎᓕ ᔨᕉᓴᓕᒦᖏᓐᓇᓚᐅᕐᐳᖅ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᒨᓯᓯ ᑕᓪᓕᒪᖏᑦ 3:11

(ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᐃᓯᑭᐊᓕᐅᑉ ᐊᒡᓚᖏᑦ 25:5

ᕌᐸᒥᐅᑦ ᐃᒡᓗᒐᓴᒡᔪᐊᖏᑦ ᑳᒥᓕᖕᓄᑦ ᓂᕿᒃᓴᖃᕐᕕᓐᖑᕐᑎᑦᓱᒫᕐᐸᕋ ᐊᒧᓁᑎᒥᐅᓪᓗ ᓄᓇᓕᒫᖓ ᓰᐱᒃᑯᕕᓐᖑᕐᑎᓪᓗᒍ. ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 21:20

ᐊᖅᑯᑎᐅᑉ ᐂᑉᐸᖓ ᓇᓗᓁᕐᓯᓯᒪᓗᓂ ᐊᖓᔪᖅᑳᕐᔪᐊᑉ ᐊᒧᓁᑎᒥᐅᓄᐊᕈᓐᓇᕐᓂᖓᓂᒃ ᕌᐸᒦᑦᑐᒧᑦ, ᐂᑉᐸᖓᓗ ᓇᓗᓁᕐᓯᓯᒪᓗᓂ ᔫᑕᐅᑉ ᓄᓇᖓᓄᐊᕈᓐᓇᕐᓂᖓᓂᒃ ᔨᕉᓴᓕᒧᓪᓗ ᐊᕙᓗᕐᔪᐊᖃᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 54:16

ᑕᑯᒋᑦ, ᐅᕙᖓ ᓴᕕᕋᔭᓕᕆᔨᒥᒃ ᓴᓇᓚᐅᕐᐳᖓ ᐊᐅᒪᓂᒃ ᐃᑯᒪᔪᓂᒃ ᓱᐴᕈᓐᓇᕐᑐᒥᒃ, ᓴᓇᓪᓗᓂᓗ ᓴᓇᕐᕈᑎᒥᓄᑦ; ᐱᓇᓱᐊᕐᑕᖓᓄᑦ ᓈᒻᒪᒃᑐᓂᒃ, ᐅᕙᖓᑦᑕᐅᖅ ᓴᖅᑭᑎᑦᓯᓚᐅᕆᕗᖓ ᑐᖁᑦᓯᓇᓱᐊᕐᑐᒥᒃ ᓄᖑᑎᕆᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᐊᑕᓃᑦ ᐂᑉᐸᖏᑦ 13:20

ᐃᓔᓴ ᑐᖁᖕᒪᑦ ᐃᓗᕕᕐᑕᐅᕗᖅ. ᓄᓇᖓᑦ ᐃᓄᐊᕐᑎᓄᑦ ᒧᐊᐱᒥᐅᓄᑦ ᑎᑭᑕᐅᕙᓚᐅᕐᐳᖅ ᐅᐱᕐᖔᑕᒫᑦ.

ᐊᑕᓃᑦ ᓯᕗᓪᓖᑦ 20:26

ᑍᒤᓕᐅᓕᓚᐅᕐᐳᖅ, ᐊᕐᕌᒍᑎᓪᓗᒍ ᐅᐱᕐᖓᒃᑯᑦ, ᐱᓐ-ᕼᐊᑖᑎᐅᑉ ᓯᕆᐊᒥᐅᑦ ᑲᑎᕐᓱᓚᐅᕐᓗᒋᑦ, ᐊᐱᒃᒧᓪᓗ ᑎᑭᑉᐳᑦ, ᐃᓴᕆᐊᓕᒥᐅᓂᒃ ᐅᓇᑕᕆᐊᕐᓗᑎᒃ.

ᐊᑕᓃᑦ ᓯᕗᓪᓖᑦ 20:22

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᐅᑎᕐᓗᑎᑦ ᑕᕾᕐᓯᕆᐊᕐᑐᓕᕆ, ᑲᒪᑦᓯᐊᕐᓗᑎᓪᓗ ᐱᔭᕆᐅᕐᓮᑦᓯᐊᕐᓂᐊᕐᐳᑎᑦ; ᐅᐱᕐᖔᖑᓕᕐᐸᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐅᓇᑕᕆᐊᓛᕐᒥᖕᒪᑦ ᐃᓕᖕᓂᒃ.”

ᓴᒧᐃᓕ ᐂᑉᐸᖏᑦ 17:27

ᑍᕕᑎᓕ ᑎᑭᒻᒪᑦ ᒪᕼᐊᓁᒧᑦ, ᐅᐸᒃᑕᐅᕗᖅ ᓱᐰᒧᑦ ᓇᕼᐊᓯᐅᑉ ᐃᕐᓂᖓᓄᑦ ᐃᒡᓗᒐᓴᖕᓂᑦ ᕌᐸᒥᑦ ᐊᒧᓁᑎᒦᑦᑐᒥᑦ ᐱᔪᒥᑦ, ᒪᑬᕆᒧᓪᓗ ᐊᒥᐅᓕᐅᑉ ᐃᕐᓂᖓᓄᑦ ᓘᑎᐸᒥᑦ ᐱᔪᒥᑦ, ᐸᕐᔨᓔᒥᓪᓗ ᒋᓕᐊᑎᒥᐅᑕᒥᑦ ᕉᒋᓕᒦᑦᑐᒥᑦ,

ᑯᕉᓂᑲ ᓯᕗᓪᓖᑦ 19:19

ᕼᐊᑕᑎᔨᕆᐅᓪᓗ ᐱᔨᖏᑦ ᖃᐅᔨᒐᒥᒃ ᓵᓚᐅᓂᕐᒥᖕᓂᒃ ᐃᓴᕆᐊᓕᒃᑯᓐᓄᑦ, ᐅᓇᑕᖃᑎᖃᕈᒪᔪᓐᓃᕐᐳᑦ ᑍᕕᑎᒥᒃ, ᑖᑦᓱᒪᓗ ᐱᔨᑖᕆᕔᑦ. ᓯᕆᐊᒥᐅᓪᓗ ᐃᑲᔪᕈᒪᔪᓐᓃᓚᐅᕐᐳᑦ ᐊᒧᓁᑎᒥᐅᓂᒃ.