8 ᑍᕕᑎᐅᑉ ᑕᒪᓐᓇ ᑐᓴᕋᒥᐅᒃ, ᔪᐊᐱ ᑎᓕᕚ ᐅᓇᑕᕐᑐᒃᓴᖁᑎᓕᒫᖏᓪᓗ ᐊᖑᑏᑦ ᐊᔪᖏᑦᑐᕐᔪᐊᑦ ᐃᓚᒋᓪᓗᒋᑦ.
ᑍᕕᑎ ᐅᖃᕐᐳᖅ, “ᓇᓪᓕᐊᑦ ᔨᐳᓮᑎᒥᐅᓂᒃ ᓯᕗᓪᓕᕐᐸᐅᓗᓂ ᑐᖁᑦᓯᔪᖅ ᑖᓐᓇ ᐊᖓᔪᖅᑳᕈᕐᑐᒃᓴᐅᕗᖅ ᐅᓇᑕᕐᑎᓄᑦ.” ᑕᕝᕙ ᔪᐊᐱ ᔨᕈᐃᐊᐅᑉ ᐃᕐᓂᖓ ᒪᔪᕋᕐᓗᓂ ᓯᕗᓪᓕᕐᐸᐅᕗᖅ, ᑍᒤᒻᒪᑦ ᐅᓇᑕᕐᑎᓄᑦ ᐊᖓᔪᖅᑳᓐᖑᕐᑎᑕᐅᕗᖅ.
ᐊᑭᓖᕗᑦ ᐊᑐᕈᒪᓪᓗᑎᒃ 32,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, ᒫᑲᐅᑉ ᐊᖓᔪᖅᑳᕐᔪᐊᖓ ᐱᖃᑕᐅᓪᓗᓂ ᐅᓇᑕᕐᑐᒃᓴᖁᑎᖏᓪᓗ, ᑕᖕᒫᕐᐳᓪᓗ ᒥᑎᐸᐅᑉ ᖃᓂᒋᔮᓂ. ᐊᒧᓁᑎᒥᐅᓪᓗ ᐃᒡᓗᒐᓴᖕᓂᓐᖔᕐᓗᑎᒃ ᐅᓇᑕᕆᐊᓕᕐᐳᑦ.
ᐊᒧᓁᑎᒥᐅᓪᓗ ᑎᑭᐅᑎᓕᕋᒥᒃ ᐋᖅᑭᒃᑎᕐᐳᑦ ᐅᐸᓗᖎᔭᕐᓗᑎᒃ ᐅᓇᑕᕐᓂᕐᒧᑦ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓯᕗᕌᓂ, ᐊᖓᔪᖅᑳᕐᔪᐊᓪᓕ ᑭᖑᓂᖓᓃᑉᐳᑦ ᐃᓄᑑᓪᓗᑎᒃ ᓇᑎᕐᓇᒥ.