ᑯᕉᓂᑲ ᓯᕗᓪᓖᑦ 16:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑍᕕᑎᐅᓪᓗ ᑐᓂᕐᕈᑏᑦ ᐆᑕᒃᓴᑦ ᑐᓂᕐᕈᑏᓪᓗ ᖁᔭᓕᑦᔪᑎᒃᓴᑦ ᑐᓂᔭᕇᕋᒥᒋᑦ, ᐃᓄᒋᐊᒃᑐᕐᔪᐊᑦ ᓮᒻᒪᕐᑎᑉᐰᑦ ᐊᑕᓂᐅᑉ ᐊᑎᖓᓂ.

ᑯᕉᓂᑲ ᓯᕗᓪᓖᑦ 16:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 47:10

ᔧᑰᓪᓗ ᐰᕉ ᓮᒻᒪᕐᑎᓐᓇᒥᐅᒃ, ᑕᕝᕙᓐᖓᑦ ᐰᕉᑉ ᓇᔪᕐᑕᖓᓂᑦ ᐊᓂᕗᖅ.

ᐄᑉᕈᐃᓄᑦ 7:7

ᖁᓚᕐᓇᖏᑦᓯᐊᕐᐳᖅ ᑖᓐᓇ ᓮᒻᒪᕐᑎᑦᓯᔪᖅ ᐱᓪᓚᕆᐅᓂᕐᓴᐅᖕᒪᑦ ᓮᒻᒪᕐᑎᑕᐅᔪᒥᑦ.

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᑯᕉᓂᑲ ᐂᑉᐸᖏᑦ 29:29

ᑐᓂᕐᕈᓯᕐᓂᕐᒥᒡᓗ ᐱᔭᕇᕐᒪᑕ, ᐊᖓᔪᖅᑳᕐᔪᐊᖅ ᐃᓚᒋᔭᖏᓪᓗ ᑍᑲᓃᑦᑐᓕᒫᑦ ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ.

ᓴᒧᐃᓕ ᐂᑉᐸᖏᑦ 6:18

ᑍᕕᑎᓗ ᑐᓂᕐᕈᓯᕇᕋᒥ ᑕᒪᒃᑯᓂᖓ ᑐᓂᕐᕈᑎᓂᒃ, ᐃᓄᐃᑦ ᓮᒻᒪᕐᑎᑉᐰᑦ ᐊᑕᓂᐅᑉ ᖁᑦᓯᖕᓂᕐᐹᖑᔫᑉ ᐊᑎᖓᓂ,

ᔮᓱᐊᑉ ᐊᒡᓚᖏᑦ 22:6

ᑕᕝᕙ ᔮᓱᐊᑉ ᓮᒻᒪᕐᑎᑉᐰᑦ, ᐊᐅᓪᓚᕐᑎᓪᓗᒋᓪᓗ; ᑖᒃᑯᐊᓗ ᐊᖏᕐᕋᒥᖕᓄᐊᕐᐳᑦ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᓯᕗᓪᓖᑦ 47:7

ᑕᕝᕙ ᔫᓯᐱᐅᑉ ᐊᑖᑕᓂ ᑕᕝᕗᓐᖓᐅᑎᒋᕚ, ᐰᕉᒧᓪᓗ ᑕᓯᐅᕐᓗᒍ, ᔧᑰᓪᓗ ᐰᕉ ᓮᒻᒪᕐᑎᑉᐹ.

ᒨᓯᓯ ᓯᕗᓪᓖᑦ 20:7

ᒫᓐᓇᓕ, ᐊᕐᓇᖅ ᐅᐃᖓᓄᑦ ᐅᑎᕐᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᕐᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᕐᐹᑎᑦ ᐃᓅᓂᐊᕐᐳᑎᓪᓗ. ᐅᑎᕐᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᒥᒃ.”

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᑯᕉᓂᑲ ᓯᕗᓪᓖᑦ 16:1

ᒎᑎᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐃᑎᕐᑎᓐᓇᒥᑦᔪᒃ, ᑐᐱᕐᒧᐊᕈᑎᕚᑦ ᑍᕕᑎᐅᑉ ᓇᑉᐸᓚᐅᕐᑕᖓᓄᑦ, ᑐᓂᕐᕈᓯᕐᓗᑎᒡᓗ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ ᒎᑎᐅᑉ ᓵᖓᓂ.

ᑯᕉᓂᑲ ᓯᕗᓪᓖᑦ 16:3

ᐂᑐᕐᑐᐃᓪᓗᓂᓗ ᐃᓴᕆᐊᓕᒥᐅᓕᒫᓄᑦ, ᐊᖑᑎᓄᑦ ᐊᕐᓇᓄᓪᓗ, ᐊᑐᓂᑦ ᓂᐊᖂᔭᒥᒃ, ᓂᖅᑭᒥᒡᓗ, ᐆᓯᒪᔪᓂᒡᓗ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 45:17

ᑖᑦᓱᒪᓕ ᐃᑯᐊᓪᓚᒐᒃᓮᑦ ᑐᓂᕐᕈᓯᐅᑎᒋᔭᕆᐊᖃᕐᐰᑦ, ᐱᕈᕐᑐᕕᓃᑦ, ᕔᓃᓪᓗ ᑐᓂᕐᕈᑎᒃᓮᑦ, ᓇᓪᓕᐅᓐᓂᕐᓯᐅᕐᕕᒃ ᐊᑐᓕᕌᖓᑦ ᑕᖅᑭᓂᕋᑖᒥᒃ, ᓴᐸᑎᓂᓗ, ᐊᓯᖏᓐᓂᓗ ᓇᓪᓕᐅᓐᓂᕐᓯᐅᕐᕕᖕᓂ ᐃᓴᕆᐊᓕᐅᑉ ᑭᖑᕚᖏᓐᓄᑦ: ᐊᔪᕐᓂᕐᒧᑦ ᑐᓂᕐᕈᑎᒃᓴᓂᒃ ᐊᑐᐃᓐᓇᖃᕐᑎᑦᓯᔪᒃᓴᐅᕗᖅ, ᑐᓂᕐᕈᑎᒃᓴᓂᒃ ᓂᐊᖂᔭᒃᓴᓂᒃ, ᐃᑯᐊᓚᑎᑕᒃᓴᓂᒡᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᑎᒃᓴᓂᒃ, ᐃᓴᕆᐊᓕᐅᑉ ᑭᖑᕚᖏᑕ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.”