ᑯᕉᓂᑲ ᓯᕗᓪᓖᑦ 15:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑍᕕᑎᐅᑉ ᓕᕔᑏᑦ ᓯᕗᓕᕐᑎᖏᑦ ᐅᖃᐅᑎᒋᕔᑦ ᐃᓚᒋᔭᒥᖕᓂᑦ ᑎᓕᓯᖁᓪᓗᒋᑦ ᐃᓐᖏᕐᑎᒃᓴᓂᒃ ᑖᒃᑯᐊ ᓂᑦᔭᐅᓯᔭᖁᓪᓗᒋᑦ ᓄᖃᕐᑎᓕᖕᓄᑦ, ᕼᐅᕐᐱᓄᑦ, ᑯᑭᑦᑕᐸᐅᑎᓄᓪᓗ ᓯᕙᓂᕋᐅᑎᓄᓪᓗ, ᓂᐱᖅᑯᕐᑐᓗᑎᒃ ᖁᕕᐊᓱᒡᓗᑎᒃ ᓂᓪᓕᐊᖁᓪᓗᒋᑦ.

ᑯᕉᓂᑲ ᓯᕗᓪᓖᑦ 15:16 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 12:36

ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ.

ᑯᕉᓂᑲ ᐂᑉᐸᖏᑦ 5:13

ᑎᑦᑐᓚᐅᓯᔭᕐᑏᑦ ᐃᓐᖏᕐᑏᓪᓗ ᐊᑕᐅᓯᐅᖃᑎᒌᒡᓗᑎᒃ ᑐᓴᕐᓴᐅᑎᑦᓯᔭᕆᐊᖃᓚᐅᕐᒪᑕ ᓂᐱᖃᕐᓗᑎᒃ ᐊᑕᐅᓯᒃᑯᑦ ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ ᐊᑕᓂᕐᒧᑦ), ᓂᐱᖅᑯᕐᑐᓪᓗᑎᒃ ᓂᓪᓕᐊᓕᕐᒪᑕ, ᑎᑦᑐᓚᐅᑎᓄᑦ ᓯᕙᓂᕋᐅᑎᓄᓪᓗ ᐊᓯᖏᓐᓄᓪᓗ ᓂᑦᔭᐅᑎᓄᑦ, ᓂᕐᑐᐃᓪᓗᑎᒃ ᐊᑕᓂᕐᒥᒃ, ᐅᖃᕐᓗᑎᒃ: “ᐊᑕᓂᖅ ᐱᐅᔫᕗᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᕗᖅ ᐃᓱᖃᖏᑦᑐᒧᑦ.” ᑕᕝᕙ ᐃᒡᓗ, ᐊᑕᓂᐅᑉ ᐃᒡᓗᖓ ᑕᑕᑕᐅᕗᖅ ᓄᕗᔭᒧᑦ,

ᑯᕉᓂᑲ ᓯᕗᓪᓖᑦ 23:5

4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 16:42

ᕼᐃᒪᓐ ᔨᑐᑕᓐᓗ, ᓂᐱᖅᑯᕐᑐᓪᓗᑎᒃ ᓂᓪᓕᐊᑎᑦᓯᓚᐅᕐᐳᑦ ᑎᑦᑐᓚᐅᑎᓂᒃ ᓯᕙᓂᕋᐅᑎᓂᒡᓗ ᓂᑦᔮᑎᑦᓯᓪᓗᑎᒃ ᐃᓐᖏᕈᓯᕐᓂᒃ ᐃᑦᔪᕐᓁᑦᑐᓂᒃ. ᔨᑐᑕᐅᑉ ᐃᕐᓂᖏᑦ ᓇᐅᑦᓯᕐᑐᕐᑎᐅᑎᑕᐅᑎᓪᓗᒋᑦ ᐃᑎᕐᑕᕐᕕᖕᒥ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,

ᑎᒧᑎᒧᑦ ᐂᑉᐸᖏᑦ 2:2

ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 100:1

ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ, ᓄᓇᕐᔪᐊᕐᒥᐅᓕᒫᖑᔪᓯ!

ᐃᓐᖏᕈᑎᑦ 95:1

ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ!

ᐃᓐᖏᕈᑎᑦ 87:7

ᐃᓐᖏᕐᑏᑦ ᑖᓂᓯᕐᑏᓪᓗ ᐅᖃᕈᒫᕐᐳᑦ, “ᓮᒻᒪᕐᑎᑕᐅᓂᓕᒫᒃᑲ ᐃᓕᖕᓂᑦ ᐱᕗᑦ.”

ᐃᓐᖏᕈᑎᑦ 81:1

ᓂᐱᖅᑯᕐᑐᓗᓯ ᒎᑎ ᐃᓐᖏᕐᕕᒋᓯᐅᒃ ᐱᔪᓐᓇᕐᑎᑦᓯᔨᒋᔭᕗᑦ; ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᓂᕐᑐᕐᓗᒍ ᔧᑰᑉ ᒎᑎᖓ!

ᓂᕼᐃᒤᐊᐅᑉ ᐊᒡᓚᖏᑦ 12:46

ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 12:43

ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 30:12

ᒎᑎᐅᓪᓗ ᐱᔪᓐᓇᕐᓂᖓᑕ ᑎᑭᑉᐰᑦ ᔫᑕᒥᐅᑦ ᐊᑕᐅᓯᕐᒥᒃ ᐆᒻᒪᑎᑖᕐᑎᓪᓗᒋᑦ ᐊᖓᔪᖅᑳᕐᔪᐊᑉ ᐊᖓᔪᖅᑳᓪᓗ ᐱᖁᔨᓂᖏᓐᓂᒃ ᒪᓕᖁᓪᓗᒋᑦ ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ.

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᒨᓯᓯ ᐂᑉᐸᖏᑦ 15:20

ᑕᕝᕙ ᒥᕆᐊᒻ, ᐊᕐᓇᖅ ᒎᑎᒧᑦ ᐅᖃᕐᑎᐅᔪᖅ, ᐂᕉᓂᐅᑉ ᓇᔭᖓ, ᐊᕕᓗᕋᐅᑎᒥᒃ ᑎᒍᓯᓪᓗᓂ; ᐊᕐᓇᓕᒫᓄᑦ ᒪᓕᒃᑕᐅᓪᓗᓂ ᐊᕕᓗᕋᐅᑎᖃᕐᓗᑎᒃ ᑖᓂᓯᓕᕐᐳᑦ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 12:27

ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ.

ᐃᓐᖏᕈᑎᑦ 150:5

ᓂᕐᑐᕐᓯᐅᒃ ᕿᓚᐅᑎᓄᑦ ᓂᐱᖅᑯᕐᑐᔪᓄᑦ; ᓂᕐᑐᕐᓯᐅᒃ ᐊᓇᐅᓪᓚᒐᕐᓄᑦ ᓂᐱᖅᑯᕐᑐᔪᓄᑦ!

ᐂᒨᓯᐅᑉ ᐊᒡᓚᖏᑦ 6:5

ᕼᐊᕐᐱᓄᓪᓗ ᐃᓐᖏᕐᐸᒃᑐᓯ ᐊᑑᑎᖃᖏᑦᑐᓂᒃ, ᑍᕕᑎᑐᓪᓗ ᐃᓐᖏᐅᑎᓕᐅᕐᓗᓯ ᓄᑖᓂᒃ;

ᑯᕉᓂᑲ ᓯᕗᓪᓖᑦ 6:16

ᓕᕔᑉ ᐃᕐᓂᖏᑦ ᐅᑯᐊᖑᕗᑦ: ᒌᕐᓲᒻ, ᑯᕼᐋᑦ, ᒥᕋᕆ.

ᑯᕉᓂᑲ ᓯᕗᓪᓖᑦ 16:5

ᐊᓴᐸ ᐊᖓᔪᖅᑳᖑᓚᐅᕐᐳᖅ, ᑐᖓᓕᖃᕐᓗᓂ ᓴᑲᕅᐊᒥᒃ, ᐅᑯᐊᓗ ᔨ-ᐂᓕ, ᓯᒥᕋᒫᑎ, ᔨᕼᐃᐅᓪ, ᒪᑎᑍᐊ, ᐃᓔᐊᑉ, ᐱᓁᐊ, ᐅᐱᑦ-ᐄᑕᒻᓗ, ᔨ-ᐂᓕᓗ, ᑖᒃᑯᐊ ᐊᑐᓚᐅᕐᐳᖅ ᓄᖃᕐᑎᓕᖕᓂᒃ ᕼᐊᕐᐱᓂᒡᓗ; ᐊᓴᐸ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᑎᓪᓗᒍ,

ᑯᕉᓂᑲ ᐂᑉᐸᖏᑦ 20:19

ᓕᕔᑏᓪᓗ ᑰᕋᕼᐂᑎᒃᑯᑦ ᑭᖑᕚᖏᑦ ᑰᕋᕼᐂᑎᓪᓗ ᑭᖑᕚᖏᑦ, ᓂᑯᕕᓪᓗᑎᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᓂᕐᑐᕐᐹᑦ, ᓂᐱᖅᑯᕐᑐᔪᐊᓘᓪᓗᑎᒃ.

ᐃᓐᖏᕈᑎᑦ 81:3

ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ.