ᑯᕉᓂᑲ ᓯᕗᓪᓖᑦ 11:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑖᓐᓇᓕ ᕿᒪᒃᓯᓇᓂ ᐃᓂᒥᓂ ᓱᕐᕋᓚᐅᓐᖏᓚᖅ, ᐱᕈᕐᓰᕕᐅᑉ ᕿᑎᖓᓂ ᓴᐳᓐᓂᐊᕐᓗᓂ, ᐱᓕᔅᑍᓂᒥᐅᓪᓗ ᑐᖁᓚᐅᕐᐰᑦ; ᐊᑕᓂᐅᓪᓗ ᐱᐅᓕᓚᐅᐰᑦ ᓵᓚᒃᓴᕕᒡᔪᐊᕐᑎᓪᓗᒋᑦ ᑕᕝᕙᓂ.

ᑯᕉᓂᑲ ᓯᕗᓪᓖᑦ 11:14 ပူးပေါင်းရင်းမြစ်များ

ᐃᓐᖏᕈᑎᑦ 144:10

ᐊᖓᔪᖅᑳᕐᔪᐊᓄᑦ ᐱᐅᓕᔭᐅᓂᕐᒥᒃ ᑐᓂᓯᒐᕕᑦ, ᐱᔨᒥᓂᒃ ᑍᕕᑎᒥᒃ ᓴᐳᑦᔨᔪᖅ ᓴᕕᒡᔪᐊᒥᑦ ᑐᖁᓐᓇᕐᑐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:31

ᕿᒻᒥᕐᔪᐊᖅ ᐅᓇᑕᕆᐊᕐᓂᐊᕐᑐᓄᑦ ᐊᑐᕐᑕᐅᓂᐊᕐᑐᖅ ᐊᑐᐃᓐᓇᕈᕐᑕᐅᔪᓐᓇᕋᓗᐊᕐᐳᖅ, ᐅᓇᑕᕐᓂᕐᒥᒡᓕ ᓵᓚᖃᕐᓂᖅ ᐊᑕᓂᕐᒥᑦ ᐱᕗᖅ.

ᐃᓐᖏᕈᑎᑦ 18:50

ᐊᖓᔪᖅᑳᔪᐊᖁᑎᒥᓂᒃ ᓴᐳᑦᔨᓂᖓ ᐊᖏᔪᐊᓘᕗᖅ, ᐅᕐᓱᕐᑎᕐᓯᒪᔭᒥᓄᑦ ᓇᒡᓕᒍᓱᖕᓂᓂ ᓴᖅᑭᑎᑉᐹ, ᑍᕕᑎᒧᑦ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ.

ᐊᑕᓃᑦ ᐂᑉᐸᖏᑦ 5:1

ᓁᒪᓐ ᐊᖓᔪᖅᑳᖑᓚᐅᕐᐳᖅ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ, ᐊᔪᖏᑦᑐᐊᓘᓂᖓ ᐊᖓᔪᖅᑳᕐᔪᐊᖓᑕ ᖃᐅᔨᒪᖕᒪᒍ ᐅᐱᒋᔭᐅᑦᓯᐊᓚᐅᕐᐳᖅ, ᑖᑦᓱᒪ ᐊᐅᓚᓯᑦᓯᐊᕐᓂᖓᓄᑦ ᓯᕆᐊᒥᐅᑦ ᐅᓇᑕᕐᓗᑎᒃ ᐊᑕᓂᕐᒧᑦ ᓵᓚᖃᕐᑎᑕᐅᓯᒪᖕᒪᑕ, ᑲᑉᐱᐊᑍᑦᑑᓪᓗᓂ ᐅᓇᑕᕐᑎᐅᓚᐅᕐᒪᑦ, ᑭᓯᐊᓂ ᐋᓐᓂᐊᖃᓚᐅᕐᐳᖅ ᐅᕕᓂᖓ ᑲᐱᐊᒋᔭᐅᔪᒥᒃ ᐸᕐᑎᓕᓚᐅᕐᒪᑦ.

ᓴᒧᐃᓕ ᐂᑉᐸᖏᑦ 23:10

ᑖᓐᓇ ᕿᒪᒃᓯᓇᓂ ᐃᓂᒥᓂ ᓂᑯᕕᓚᐅᕐᐳᖅ ᐱᓕᔅᑍᓂᒥᐅᓪᓗ ᑐᖁᕋᓚᐅᕐᐰᑦ ᐊᒡᒐᖏᑦ ᑕᖃᓚᐅᖏᓐᓂᖏᓐᓂ, ᓴᕕᒡᔪᐊᖓ ᓂᐱᓐᖓᓕᓚᐅᕐᐳᖅ ᐊᒡᒐᖓᓄᑦ; ᐊᑕᓂᕐᓗ ᐊᖏᔪᒥᒃ ᓵᓚᒃᓴᕐᑎᑦᓯᓚᐅᕐᐳᖅ ᑍᑦᓱᒪᓂ ᐅᓪᓗᒥ; ᐅᓇᑕᕐᑐᒃᓮᓪᓕ ᐅᑎᓚᐅᕐᐳᑦ ᐃᓕᓯᕆᒧᑦ ᐊᓐᓄᕅᔭᕐᓯᔭᕐᑐᑐᐃᓐᓇᓕᕐᓗᑎᒃ ᑐᖁᖓᔪᓂᒃ.

ᓴᒧᐃᓕ ᓯᕗᓪᓖᑦ 19:5

ᐃᒻᒥᓂᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᓐᖏᓚᖅ ᑐᖁᑦᓯᔭᕐᑐᕐᑎᓪᓗᒍ ᐱᓕᔅᑍᓂᒥᐅᑕᕐᒥᒃ, ᐊᑕᓂᕐᓗ ᐊᖏᔪᕐᔪᐊᒥᒃ ᐱᐅᓕᒃᓯᓚᐅᕐᐳᖅ ᐃᓴᕆᐊᓕᒥᐅᓂᒃ. ᑕᑯᒐᕕᑦ, ᖁᕕᐊᓱᓚᐅᕐᐳᑎᑦ; ᓱᖕᒪᓪᓕ ᒫᓐᓇ ᐊᔪᕐᑐᓕᔪᒪᕖᑦ ᐊᐅᖕᒥᒃ ᐸᓯᔭᒃᓴᐅᖏᑦᑐᒥᒃ ᑐᖁᑦᓯᔪᒪᓪᓗᑎᑦ ᑍᕕᑎᒥᒃ ᐱᑦᔪᑎᒃᓴᖃᖏᑦᓯᐊᕐᓗᑎᑦ?”

ᓴᒧᐃᓕ ᓯᕗᓪᓖᑦ 14:23

ᐅᓪᓗᒥ ᑖᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ; ᐅᓇᑕᕐᓂᕐᓗ ᑎᑭᐅᑎᓚᐅᕐᐳᖅ ᓄᓇᒧᑦ ᐱᑦᐂᕕᓐᒧᑦ.

ᑯᕉᓂᑲ ᓯᕗᓪᓖᑦ 11:13

ᑖᓐᓇ ᑍᕕᑎᒥᒃ ᐃᓚᖃᓚᐅᕐᐳᖅ ᐹᔅ-ᑕᒥᒻᒥ ᑕᕝᕙᓂ ᐱᓕᔅᑍᓂᒥᐅᑦ ᑲᑎᓪᓗᑎᒃ ᐅᓇᑕᕆᐊᕐᓯᒪᑎᓪᓗᒋᑦ. ᐅᓇᑕᓚᐅᕐᐳᑦ ᓂᐊᖂᔭᒃᓴᓕᖕᒥ ᐹᕐᓕᒥᒃ, ᑕᕝᕙᓐᖓᑦ ᐃᓴᕆᐊᓕᑎᑦ ᕿᒪᒃᓯᓚᐅᕐᐳᑦ ᐱᓕᔅᑍᓂᒥᐅᓂᒃ.

ᑯᕉᓂᑲ ᓯᕗᓪᓖᑦ 11:15

ᑖᒃᑯᐊ ᐱᖓᓱᑦ 30ᓂᑦ ᐅᓇᑕᕐᑎᓂᑦ ᐊᖓᔪᖅᑳᓂᑦ ᐃᓚᒋᔭᐅᓪᓗᑎᒃ ᐅᐸᒍᑎᓚᐅᕐᓯᒪᕗᑦ ᑍᕕᑎᒧᑦ ᕾᕈᓱᖕᒦᑦᑐᒧᑦ ᐊᑑᓚᒻᒥᒃ ᐊᑎᓕᖕᒧᑦ; ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑕᖕᒫᕐᓯᒪᑎᓪᓗᒋᑦ ᕆᐰᒻᒥ ᓇᕐᓴᒥ.