SALMOAK 78:69 - Elizen Arteko Biblia (Biblia en Euskara Traducción Interconfesional)

⁶⁹ Zeru garaiaren antzeko eraiki zuen bere santutegia eta lurra bezala sendo oinarritu betiko.

SALMOAK 78:69 ပူးပေါင်းရင်းမြစ်များ

1 ERREGEAK 9:8

Erabat hondatuko dut tenplu hau, eta tenplu honen aurretik igaroko diren guztiek, harriturik eta txistuka, galdetuko dute: “Zergatik egin ote die hau Jaunak lurralde honi eta tenplu honi?”

1 KRONIKAK 29:1

Davidek esan zion biltzar osoari: «Ene seme Salomon, Jainkoak aukeratu duen bakarra, gaztea da eta ikasi gabea; egin behar duen lana, berriz, handia, jauregi hau ez baita edozein gizonentzat, Jainko Jaunarentzat baizik.

1 KRONIKAK 29:19

«Emaiozu nire seme Salomoni zure agindu, burubide eta legeak bihotz-bihotzez gordetzea, denak bete ditzan eta nik prestatu dizudan jauregia eraiki diezazun».

2 KRONIKAK 2:9

Basoa botako duten mutilei sei mila tona gari xehatu, beste horrenbeste garagar, zortziehun mila litro ardo eta beste horrenbeste olio emango diet».

2 KRONIKAK 3:4

Tenpluko sala handiaren aurreko atalondoa hamar metro zabal zen —tenpluaren zabalera bera—, eta hirurogei metro gora. Barrua urre garbiz jantzi zuen.

JOB 26:7

Berak hedatzen du zeru-sabaia hutsaren gainean, lurra ezerezaren gain zintzilikatzen;

SALMOAK 102:25

Nik esan nuen: «Ene Jainko, ez nazazu eraman sasoirik onenean!» Zure urteek gizaldiz gizaldi diraute.

SALMOAK 104:5

Lurra sendo oinarritu zenuen eta ez du sekula kolokarik egingo.

SALMOAK 87:1

Koreren semeen salmoa. Kanta. Oi zu, mendi santuaren gainean Jaunak sendo oinarritua!

ISAIAS 48:13

Neure eskuz oinarritu nuen lurra, neure eskuz hedatu zerua; nik dei egin orduko hasi ziren izaten.

ISAIAS 51:6

Jaso begiak zerura, begira behera, lurrera: kea bezala desagertuko da zerua, jantzia bezala gastatuko lurra eta eltxoak bezala hilko bertako bizilagunak. Baina nire salbamenak beti iraungo du, nire garaipenak ez du azkenik izango.

APOKALIPSIA 20:11

Tronu handi zuri bat ikusi nuen, baita bertan eseria zegoena ere; beronen aurretik ihes egin zuten lurrak eta zeruak eta aztarnarik utzi gabe desagertu.

1 SAMUEL 2:8

berak du jende xehea hauts artetik jasotzen, behartsua satsetik ateratzen, handikiekin eser dadin eta aulki ospetsuan jarri. Jaunarenak dira lurraren zutoinak, mundua haien gainean du kokatua .