OSEAS 9:4 - Elizen Arteko Biblia (Biblia en Euskara Traducción Interconfesional)

⁴ Ez diote gehiago Jaunari ardo-oparirik eskainiko; horien sakrifizioak ez zaizkio atsegin izango. Horien ogia dolu-ogi izango da, jango dutenak kutsaturik geldituko dira. Irents bezate beraiek ogi hori, ez baita on Jaunaren etxerako.

Navarro-Labourdin Basque

⁴ Jaunari ez diote arnozco libacioneric eguinen, eta ez dire haren gogaraco içanen; hequien sacrificioac içanen dire deithoraçaleen oguia iduri; hartaric janen duten guciac kutsutan sarthuco baitire; ecen bicitzeco dute beren oguia eta hartaric ez da Jaunaren etchean sarthuren.

Elizen Arteko Biblia (Biblia en Euskara Traducción Interconfesional)

⁴ Ez diote gehiago Jaunari ardo-oparirik eskainiko; horien sakrifizioak ez zaizkio atsegin izango. Horien ogia dolu-ogi izango da, jango dutenak kutsaturik geldituko dira. Irents bezate beraiek ogi hori, ez baita on Jaunaren etxerako.

OSEAS 9:4 ပူးပေါင်းရင်းမြစ်များ

IRTEERA 29:40

Lehenengoarekin batera, eskaini lau kilo irin zuri, litro bat olio garbiz oratua, eta isuri litro bat ardo.

IRTEERA 40:23

Mahai gainean Jaunari eskainiriko ogia jarri zuen, Jaunak agindu bezala.

ISAIAS 57:6

Israel, erreka ondoko harri leunak, zeure kultugai izan dituzunak, horiexek izango dituzu zorigaitz. Horiei eskaini dizkiezu isur- eta labore-opariak. Eta horrek baretu behar ote du nire haserrea?

ISAIAS 66:3

«Zezena oparitan lepo egiten dute, baina baita gizakia hiltzen ere; ardia sakrifiziotzat eskaintzen dute, baina baita txakurrari lepo-hezurra hausten ere; labore-oparia eskaintzen dute, baina txerri-odola ere bai; intsentsua erretzen, baina baita idoloa gurtzen ere. Horiek beren bidea aukeratu dute eta beren idolo higuingarriak dituzte atsegin.

JEREMIAS 16:7

Ez da hileta-otordurik egingo hildakoaren senideak kontsolatzeko, ezta aitaren edo amaren heriotzan ere.

JEREMIAS 6:20

Zertarako dut nik Sabako intsentsua, zertarako urrutiko lurraldeetako kanabera usaintsua? Ez ditut atsegin zuen erre-opariak, ez ditut gogoko zuen sakrifizioak.

EZEKIEL 24:17

Egin negar isilean, baina ez egin ohiko dolurik; jarri buruzapia, jantzi sandaliak, ez estali aurpegia eta ez jan hileta-ogirik».

EZEKIEL 24:22

Eta orduan, Ezekielek egin duena egingo duzue: ez duzue aurpegia estaliko, ezta hileta-ogirik jango ere.

DANIEL 1:8

Baina Danielek, bere burua erregearen jan-edariz ez kutsatzea erabakia zuenez, janari kutsatu haietara ez behartzeko eskatu zion jauregiko funtzionarioburuari.

OSEAS 3:4

Hala egon beharko dute israeldarrek luzaro, ez errege eta ez buruzagi, ez sakrifizio eta ez zutarri sakratu, eta ez Jainkoari kontsulta egiteko tresna.

OSEAS 7:16

Ez dira, ez, Goikoarengana itzultzen; huts egiten duen uztaia dirudite. Horien buruzagiak ezpatapean jausiko dira, beren hizketa lotsagabeagatik; eta barre egingo diete Egipton.

OSEAS 8:13

Sakrifizioak eskaintzea dute atsegin, hildako abereen okela jateko; baina nik, Jaunak, ez ditut sakrifizio horiek atsegin. Horien bekatuak gogora dakartzat, beren hutsegiteengatik kontuak eskatuko dizkiet, eta Egiptora itzuli beharko dute.

JOELEN PROFECIA 1:13

Egizue erosta, apaizok, doluz jantzita; egizue garrasi, aldare-zerbitzariok. Zatozte, emazue gaua dolu-jantziz estalita, Jainkoaren zerbitzariok. Labore-opari eta isur-oparirik gabe gelditu baita Jainkoaren etxea.

JOELEN PROFECIA 1:9

Amaitu dira labore-opariak eta isur-opariak Jaunaren etxean. Dolu dagite apaizek, Jaunaren zerbitzariek.

JOELEN PROFECIA 2:14

Agian, atzera egin eta damutuko da, eta ondasunez bedeinkatuko zaituzte ostera. Orduan, labore-opariak eta isur-opariak egin ahal izango dizkiozue Jaunari, zeuen Jainkoari.

LEBITICOA 17:11

Odolean dago, hain zuzen, izakiaren bizia. Jaunak odola eman dizue, aldarean isuri eta zeuen bekatuen barkamen-ohikunea egiteko. Izan ere, biziarekin duen zerikusiagatik lortzen du odolak bekatuen barkamena.

LEBITICOA 21:17

«Esan Aaroni: Etorkizunean, gorputz-akatsen bat duen zuen ondorengoetariko inor ere ez da aldarera hurbilduko Jainkoaren oparia eskaintzera.

LEBITICOA 21:21

Gorputz-akatsen bat duen Aaronen ondorengoetariko inor ez da hurbilduko Jaunari erre beharreko opariak eskaintzera; akastunik inor ere ez da zerbitzu horretarako gai.

LEBITICOA 21:6

Beren Jainkoari sagaratuak behar dute izan eta haren izena profanatzetik alde egin, beraiei baitagokie Jaunarentzat erre beharreko opariak eskaintzea. Beraz, santu izan behar dute.

LEBITICOA 21:8

Israeldar orok errespetatuko du apaizen izaera sakratua, beraiek eskaintzen baitute Jainkoaren oparia. Sakratutzat edukiko dituzte, santua bainaiz ni, Jauna, neuretzat sagaratzen ditudana.

AMOSEN PROFECIA 5:22

Aldare gainera ekartzen dizkidazuen erre-opari eta labore-opariak ez ditut atsegin, zekor gizenen elkartasun-opariei bizkarra ematen diet.

MALAKIAS 2:13

Oraindik gehiago egiten duzue: malkoz betetzen duzue Jaunaren aldarea, negar-zotinka ari ohi zarete zuen eskaintzei Jaunak arretarik egiten ez dielako eta gogo onez hartzen ez dituelako.

NOMBREAC 19:11

«Giza gorpuren bat ukitzen duena kutsaturik geldituko da zazpi egunez.

NOMBREAC 28:2

«Agindu israeldarrei izan daitezela arduratsu dagozkidan eskaingaiak, nire ohorez erretzeko opariak, ezarritako egunetan aurkezten; atseginez onartuko ditut.

NOMBREAC 4:7

Purpura morezko oihala zabalduko dute eskainiriko ogien mahai gainean ere, eta bertan isur-oparietarako azpilak, erretiluak, katiluak eta pitxerrak ipiniko dituzte; eskainiriko ogia etengabe egongo da mahai gainean.

JOAN 6:51

Neu naiz zerutik jaitsia den ogi bizia; ogi honetatik jaten duenak betiko bizia izango du. Eta nik emanen dudan ogia nire gorputza da, mundua bizi dadin emana».

DUTERONOMA 26:14

Ez dut hamarrenetatik ezer jan dolualdian, ez dut ezer erretiratu kutsaturik nengoela, ezta hildako bati eskaini ere. Zure esana egin dut, Jauna ene Jainkoa, eta zuk agindutako guztia bete.