NEGAR KANTAK 1:20 - Elizen Arteko Biblia (Biblia en Euskara Traducción Interconfesional)

²⁰ Jauna, ikus nire larrialdia! Irakiten daukat barrua. Iraulia dut bihotza barnean, errebelde izan bainaiz, errebelde. Kalean ezpatak hil dizkit haurrak, etxean herioa jabe.

Navarro-Labourdin Basque

²⁰ Ikusaçu, Jauna, cer hesturac nabilan; ene barnea nahasia, ene bihotza ene baithan iraulia da; ceren uherduraz bethea bainaiz; campoan ezpatac hilcen du, eta barnean heriotzeac atzematen du orobat. SIN.

Elizen Arteko Biblia (Biblia en Euskara Traducción Interconfesional)

²⁰ Jauna, ikus nire larrialdia! Irakiten daukat barrua. Iraulia dut bihotza barnean, errebelde izan bainaiz, errebelde. Kalean ezpatak hil dizkit haurrak, etxean herioa jabe.

NEGAR KANTAK 1:20 ပူးပေါင်းရင်းမြစ်များ

JOB 30:27

Irakiten dut barrua, atsekabe-egunak heldu zaizkit.

JOB 33:27

Honek lagunen aurrean kantatuko du esanez: “Bekatu egin eta zuzenbidea hautsi nuen, baina Jainkoak ez dit merezitakoa eman.

SALMOAK 22:14

ahoa zabalik dute nire kontra, lehoi harraparien gisa orroka.

SALMOAK 38:8

Sukarrak hartua nau hondoraino, gorputz osoa dut mindua.

ERRAN-ÇAHARRAC 28:13

Bere hutsegiteak ezkutatzen dituenak ondoren txarra izango du, aitortu eta damutzen denak errukia lortuko.

ISAIAS 16:11

Harpa baten antzera dardaraz daukat bihotza Moabengatik, dardaraz barrua Kir-Haresengatik.

ISAIAS 38:14

Enara txioka bezala ari naiz intzirika, usoa urrumaka bezala. Ahulduak ditut begiak zerura begira. Estu naiz, Jauna! Egizu zerbait nire alde!

JEREMIAS 14:18

Landara irten, eta ezpataz hildakoak edonon; hirira sartu, eta jendea goseak hiltzen. Apaizak eta profetak batetik bestera dabiltza, ezer ulertu ezinik.

JEREMIAS 14:20

Aitortzen dugu, Jauna, geure gaiztakeria eta geure arbasoen errua; zure aurka egin dugu bekatu.

JEREMIAS 2:35

errugabea zarela diozu, Jauna ez dagoela inola ere zurekin haserre. Hara, epaitu egingo zaitut, huts egin ez duzula esaka ari zarelako.

JEREMIAS 3:13

Baina aitortu zeure errua, Jainko Jaunaren aurka jaiki baitzara. Atzerritarren jainkoei eman diezu zeure burua zuhaitz handi guztien azpian, eta ez duzu nire mintzorik entzun. Nik, Jaunak, esana».

JEREMIAS 31:20

«Hain seme kutun da Efraim niretzat, hain ume atsegingarri! Hainbeste zeresan eman didan arren, ezin dut inola ere burutik kendu; dardaraz dago nire barrua, harenganako errukiz gainezka. Hala diot nik, Jaunak.

JEREMIAS 4:19

Hau nahigabea, hau nahigabea! Lehertzeko zorian daukat bihotza! Hau larria neure barruan! Ezin isilik egon, entzuten ari bainaiz turuta-hotsa, guda-irrintzia.

JEREMIAS 48:36

Horregatik, txirularen antzera dardaraz daukat bihotza Moabengatik, txirularen antzera dardaraz Kir-Heresko jendearengatik, galdu baitituzte bilduriko ondasun guztiak.

NEGAR KANTAK 1:11

Hiritar guztiak aieneka ari dira, janari bila; janaren truke eman dituzte beren gauza ederrak, biziari eusteko. «Begira, Jauna, eta ikus zenbateraino nagoen mespretxatua!

NEGAR KANTAK 1:18

«Zuzen jokatu du Jaunak, aurka egin baitiet haren aginduei. Entzun, bada, herriok denok, eta ikus nire oinazea. Nire neska-mutilak gatibu joan dira.

NEGAR KANTAK 1:8

Bekatu eta bekatu egin du Jerusalemek; horregatik, higuingarri bihurtu da. Begirune ziotenek mespretxatu egiten dute, biluzia ikusirik. Aieneka ari da, beraz, aurpegia lotsaz gordeta.

NEGAR KANTAK 1:9

Soinekoei erantsia darama bere lohikeria. Ez zen ondorioez ohartu: sinestezinekoa da haren erortzea; ez du nork kontsolaturik. «Jauna, begira nire zoritxarra, garaile baitut etsaia».

NEGAR KANTAK 2:11

Begiak erreak ditut negarrez, barrua irakiten, bihotza eroria, nire herriaren hondamendia dela eta, haurrak eta bularrekoak hiriko kaleetan ahulduak daudelako.

NEGAR KANTAK 5:16

Erori zaigu burutik koroa; errukarriak gu, bekatu egin dugu eta!

EZEKIEL 7:15

Gerra kanpoan, izurria eta gosea etxean. Landan dagoena gerran hilko da, hirian dagoena goseak eta izurriak irentsita.

DANIEL 9:5

Baina guk bekatu egin dugu, gaiztoak izan gara eta zure aurka atera, zure agindu eta erabakietatik urrunduz.

OSEAS 11:8

«Nola utziko zaitut, Efraim? Nola zapuztuko zaitut, Israel? Nola zu bertan behera utzi, Adma utzi nuen bezala? Nola egin zuri, Tzeboimi egin niona? Ikara degit bihotzak, gupidaz beterik.

HABAKUK 3:16

Entzun dudanean, ikarak hartu dit barrua. Zarata aditzean, dardaraz ditut ezpainak. Ahulezia sartu zait hezurretaraino, koloka ditut oinak. Geldi nago ni, egun larriaren zain, zapaltzen gaituen herriari datorkion egunaren zain.

DUTERONOMA 32:25

Kalean ezpatak kenduko dizkie seme-alabak, etxe barruan ikara izango nagusi. Denek izango dute zori bera, mutil eta neskatxek, bularreko haur eta agureek.