JEREMIAS 23:17 - Elizen Arteko Biblia (Biblia en Euskara Traducción Interconfesional)

¹⁷ Hauxe diotse mespretxatzen nautenei: “Jaunak dio: Dena ongi joango zaizue”; eta beren joera gaiztoei setati jarraitzen dietenei: “Ez zaizue okerrik gertatuko”.

Navarro-Labourdin Basque

¹⁷ Ni burhoztatzen nautenei erraten diote: Jaunac erran du: Baquea içanen duçue; eta beren bihotzeco tzartasunean dabilçanei, erran diote: Etzaitzue gaitza ethorrico gainera.

Elizen Arteko Biblia (Biblia en Euskara Traducción Interconfesional)

¹⁷ Hauxe diotse mespretxatzen nautenei: “Jaunak dio: Dena ongi joango zaizue”; eta beren joera gaiztoei setati jarraitzen dietenei: “Ez zaizue okerrik gertatuko”.

JEREMIAS 23:17 ပူးပေါင်းရင်းမြစ်များ

2 SAMUEL 12:10

Horregatik, Urias hititaren emaztea zeure emazte eginez ni gutxietsi nauzulako, ez zaizu inoiz ere borrokarik falta izango etxean».

ISAIAS 30:10

Hau esaten diete profetei: “Ez izan ikuskaririk, ez agertu egia, baizik eta guri atsegin zaiguna esan, amets liluragarriak agertu.

ISAIAS 57:21

Gaiztoentzat ez da bakerik». Nire Jainkoak esan du.

JEREMIAS 13:10

Herri gaizto honek ez ditu nire hitzak entzun nahi eta bere joera gaiztoei setati jarraitzen die. Jainko arrotzen ondoren dabil, horiek zerbitzatuz eta gurtuz. Horregatik, ezertarako balio ez duen gerriko honen pareko izango da.

JEREMIAS 18:12

Baina honela erantzungo dizute: “Alferrik ari zara! Nahi duguna egingo dugu, nork bere joera gaiztoen arabera jokatuko dugu”».

JEREMIAS 18:18

Zenbaitzuk zioten: «Pentsa dezagun Jeremias nola galdu. Ez zaigu faltako apaizik Jainkoaren legea irakasteko, ez jakintsurik aholku onak emateko, ez profetarik Jainkoaren mezua iragartzeko. Belztu dezagun horren izena, ez entzunarena egin diezaiogun horren esanari».

JEREMIAS 3:17

Garai hartan, “Jaunaren tronua” deituko diote Jerusalemi. Nazio guztiak bilduko dira Jerusalemen ni, Jauna, ohoratzeko, eta ez die gehiago beren joera gaiztoei setati jarraituko.

JEREMIAS 4:10

Nik esan nuen: «Ai, Jauna, nola engainatu dituzun herri hau eta Jerusalem! Bakea zenien iragarri eta, ostera, ezpata daukate zintzurrean».

JEREMIAS 5:12

Israelek eta Judak uko egin diote Jaunari, esanez: «Jauna ez da! Ez zaigu gaitzik iritsiko, ez dugu gerrarik, ez goserik ikusiko.

JEREMIAS 6:14

Nire herriaren zauria azaletik sendatu nahi dute. “Dena ongi doa, oso ongi” diote, baina ez doa ongi, ez.

JEREMIAS 7:24

Baina ez zidaten aditu, ezta jaramonik egin ere, baizik eta beren asmo eta joera gaiztoei setati jarraitu zieten. Niregana hurbildu ordez, bizkarra eman zidaten.

JEREMIAS 8:11

Nire herriaren zauria azaletik sendatu nahi dute. “Dena ongi doa, oso ongi” diote, baina ez doa ongi, ez.

JEREMIAS 9:14

Horregatik, honela diot nik, Israelen Jainkoak: Herri honi belarmina emango diot jateko, ur pozoitua edateko.

NEGAR KANTAK 2:14

Zeure profetek ez dizute agertu mezu gezurrezko eta hutsala besterik. Ez zuten zure gaiztakeria agerian ipini, hala zure zoria aldatzeko. Gezurrezko eta lilurazko mezua besterik ez dizute agertu.

EZEKIEL 13:10

«Nire herria desbideratu dute “Bakea!” esanez, bake-arrastorik ez zegoenean; nire herriak harresi pitzatua eraikitzen zuen bitartean, hauek kareorez estaltzen zuten.

EZEKIEL 13:19

Neure herriaren aurrean profanatzen nauzue esku bete garagar eta ogi-zati batzuengatik; honela, engainatu egiten duzue sineskorra den nire herria, hiltzea merezi ez zutenak hilaraziz eta bizitzea merezi ez zutenak biziaraziz.

EZEKIEL 13:22

Zeren eta jende zintzoa atsekabetu baituzue gezurrekin, nik neuk atsekabetu nahi ez nuenean, eta gaiztoa bere asmoetan sendotu baituzue, bere jokabide gaiztotik itzul ez zedin eta, horrela, bizirik iraun ez zezan;

AMOSEN PROFECIA 9:10

Nire herriko bekatari guztiak ezpataz hilko dira, “Bai zera, ez da hurbilduko, zorigaitzak ez gaitu joko!” esaten zutenak, alegia.

MIKEAS 2:11

Eman dezagun, “Ardoa eta pattarra ugari emango dizut” esaka ari dela norbait; horrelako mezu hutsal eta gezurrezkoa lekarkeena izango litzateke herri honek merezi duen profeta!

MIKEAS 3:11

Buruzagiek eskupekoaren truke epaitzen dute, apaizek soldatagatik irakasten, profetek diru-ordainetan iragartzen; eta, halere, Jaunarengan babesten dira, esanez: «Ez al dugu, bada, Jauna geurekin? Zoritxarrak ez gaitu joko».

MIKEAS 3:5

Honela dio Jaunak nire herria desbideratzen duten profetei buruz: «Jatekoa ematen dietenei bakea iragartzen diete; ahora ezer ematen ez dietenei, berriz, gerra santua.

SOFONIAS 1:12

Orduan, kriseiluaz aztertuko dut Jerusalem, kontuak eskatuko dizkiet patxada osoan bizi direnei, beren baitan diotenei: “Jaunak ezin du ezer egin, ez onik, ez gaitzik”.

ZAKARIAS 10:2

Sasijainkoek, ordea, erantzun hutsalak ematen dituzte, igarleek gezurrezko agerpenak azaltzen, amets zoroak kontatzen, baliogabeko pozbideak iragartzen. Horregatik dabiltza galduak noraezean, artzain gabeko ardiak bezala.

MALAKIAS 1:6

Honela diotse Jaun ahalguztidunak apaizei: «Semeak aita ohoratzen du, bai morroiak ere nagusia. Beraz, ni aita baldin banauzue, non da zor didazuen ohorea? Zeuen nagusi banauzue, non da zor didazuen begirunea? Zuek, apaizok, mespretxatu egiten nauzue, eta “Zertan mespretxatu zaitugu, bada?” galdetzen oraindik.

NOMBREAC 11:20

hilabete osoan jango duzue, nazkatzeraino jan ere, sudurretatik atera dakizuen arte. Hori, zuen artean bizi den Jauna baztertu duzuelako eta haren aurrean negarrez jardun duzuelako, esanez: “Zergatik irten ote ginen Egiptotik?”»

LUKAS 10:16

«Zuei entzuten dizuenak niri entzuten dit, eta zuek onartzen ez zaituztenak, ni ez nau onartzen; ni onartzen ez nauenak, berriz, bidali nauen hura ez du onartzen».

DUTERONOMA 29:18

Itun honen xedapenak entzutean, ez dezala zuetako inork, bere buruaz pozik, hau pentsa: “Neure jarrera setatsu eta guzti, zorionak ez dit huts egingo, lursail ureztatuak ez baitu egarririk”.

DUTERONOMA 29:19

Ez, Jauna ez dago prest horrelakoari barkatzeko. Desleialkeria jasan ezin duen Jaunaren haserrea piztu egingo da gizaki haren aurka, eta liburu honetan idatzitako madarikazio guztiak gainera etorriko zaizkio; Jaunak haren oroitzapena bera ere ezabatu egingo du mundutik.

1 TESALONIKARREI 4:8

Beraz, irakatsi hauek gutxiesten dituenak ez du gizakia gutxiesten, bere Espiritu Santua ematen dizuen Jainkoa baizik.

1 SAMUEL 2:30

«Horregatik, hau dio Jaunak, Israelen Jainkoak: Esan nuen, bai, zure etxea eta zure aitaren etxea izanen zela beti nire aurrean zerbitzari. Orain, ordea —dio Jaunak—, ez horrelakorik! Ohoratzen nauena dut ohoratuko; gutxiesten nautenak, aldiz, beheratu egingo ditut.