ISAIAS 57:15 - Elizen Arteko Biblia (Biblia en Euskara Traducción Interconfesional)

¹⁵ Bai, hau dio garai eta goren den Jainkoak, betiko erregeak, santu deritzanak: «Toki garai eta sakratuan bizi naiz, baina hurbil nago atsekabeturik eta lur jota daudenengandik, lur joak arnasberritzeko eta atsekabetuei adorea bizkortzeko.

Navarro-Labourdin Basque

¹⁵ Ecen hau dio Guciz-Gorac, bethian egoten den Jainco handiac, saindua deitzen denac, leku gora eta sainduan dagonac, eta bihotz hautsi eta aphalarequin, bihotz aphalari eta bihotz hautsiari biciaren emateco:

Elizen Arteko Biblia (Biblia en Euskara Traducción Interconfesional)

¹⁵ Bai, hau dio garai eta goren den Jainkoak, betiko erregeak, santu deritzanak: «Toki garai eta sakratuan bizi naiz, baina hurbil nago atsekabeturik eta lur jota daudenengandik, lur joak arnasberritzeko eta atsekabetuei adorea bizkortzeko.

ISAIAS 57:15 ပူးပေါင်းရင်းမြစ်များ

JENESA 21:33

Abrahamek, bere aldetik, tamarindo bat aldatu zuen Beer-Xeban, eta Jauna, betiereko Jainkoa, gurtu zuen.

1 ERREGEAK 8:27

«Baina egia ote, Jainkoa lurrean biziko dela? Zeru eta ortziaren zabalak ezin zaitu eduki, eta nik eraiki dizudan tenplu honek eduki ote zaitzake, bada?

2 KRONIKAK 34:27

“Entzun duzu nik toki honetan bizi direnen kontra esan dudana. Horregatik, zure bihotza bigundu egin da eta apaldu egin zara nire aurrean. Nire aurrean apaldu zarelako, zeure jantziak urratu eta negar egin duzulako, nik ere entzun dizut. Hala diot nik, Jaunak.

JOB 22:29

Jainkoak apalarazi egiten ditu harroak, eta apaltzen direnak salbatu.

JOB 6:10

Horrek arindu egingo ninduke. Eta pozez salto egingo nuke tortura latz honetan, ez niekeelako horrela Santuaren hitzei uko egingo.

SALMOAK 111:9

Bere herriari askatasuna eman dio, haiekin ituna finkatu betiko. Santua eta beldurgarria da bera!

SALMOAK 115:3

Gure Jainkoa zeruan dago eta nahi duen guztia egiten du.

SALMOAK 123:1

Erromes-kanta. Begiak zuregana jasoak ditut, zeruan errege zaren horrengana.

SALMOAK 138:6

Bai, gorena da Jauna, baina apalari arretaz dio begiratzen; harroari, berriz, urrutitik igartzen.

SALMOAK 138:7

Arriskuz inguraturik aurkitzean, babestu nire bizia etsai amorratuengandik, luzatu eskua eta salba nazazu.

SALMOAK 147:3

Bihotz-hautsiak sendatzen ditu, haien zauriak osatzen.

SALMOAK 34:18

Deiadar egitean, Jaunak entzun egiten du eta larrialdi guztietatik libratzen.

SALMOAK 34:19

Hurbil dago Jauna bihotz-hautsiengandik eta salbatzen ditu etsita daudenak.

SALMOAK 51:17

Ireki, Jauna, nire ezpainak eta nire ahoak zure gorespena iragarriko du.

SALMOAK 51:19

Sakrifiziorik bikainena, damuz hautsiriko espiritua; zuk ez duzu gutxiesten, ene Jainko, bihotz-hautsi eta umildua.

SALMOAK 83:18

Betiko izu-ikaraz eta lotsaz beterik, gal bitez desohorez!

SALMOAK 90:2

Mendiak jaio baino lehen, lurra eta mundua sortu baino lehen, Jainko zara zu betidanik eta betiko.

SALMOAK 93:2

Betikoa zara zu, Jauna! Zure tronua betidanik sendo ezarria!

SALMOAK 97:9

Izan ere, Jauna, goi-goikoa zara, lur osoaren gainetik gailen, jainko guztien gainetik garai.

SALMOAK 99:3

Gorets bezate haren izen handi eta ikaragarria! Santua da bera!

IRTEERA 15:11

«Nor zu adinakorik, Jauna, jainkoen artean? Nor zu adinakorik, zure santutasunak dirdai egitean? Nor zu adinakorik gauza harrigarri eta izugarriak egiten?

IRTEERA 15:13

Maitasunez gidatzen duzu askatu duzun herria. Indarrez daramazu zeure egoitza santura.

IRTEERA 15:18

Jauna errege da betierean!»

IRTEERA 40:34

Orduan, lainoak elkarketa-etxola estali zuen eta Jaunaren aintzak egoitza bete zuen.

IRTEERA 40:35

Moises ez zitekeen elkarketa-etxolan sar, haren gainean kokaturik baitzegoen lainoa eta Jaunaren aintzak betetzen baitzuen egoitza.

ERRAN-ÇAHARRAC 16:19

Hobe dohakabeekin batera apal izan, harroputzekin aberats izan baino.

ERRAN-ÇAHARRAC 8:23

Betidanik izan naiz eratua, hasiera-hasieratik, lurra izan baino lehenagotik.

ISAIAS 18:4

Honela mintzatu baitzait Jauna: «Lasai egongo naiz, neure lekutik begira, geldi-geldi, eguerdiko sargoria bezala, uztaroko sargoritan ihintz-lainoa bezala.

ISAIAS 33:5

Guztiz handia da Jauna! Goi-goian du bizilekua, eta zuzenbidez eta justiziaz betetzen du Sion.

ISAIAS 40:28

Ez al dakizu? Ez al duzu inoiz entzun? Jauna betiereko Jainkoa da, lurbira osoa egin duena: ez da nekatzen, ez akitzen; ulermenaz gaindikoa haren adimena.

ISAIAS 52:13

Jaunak dio: «Nire zerbitzariak arrakasta lortuko du, goratua, gorengo mailan jarria izango da.

ISAIAS 6:1

Uzias erregea hil zen urtean, tronu altu eta garai batean eseria ikusi nuen Jauna; haren mantu-hegalak tenplua betetzen zuen.

ISAIAS 6:3

Eta honela egiten zioten oihu elkarri: «Santu, santu, santua, Jaun ahalguztiduna! Lur osoa betetzen du haren aintzak».

ISAIAS 63:15

Begira, Jauna, zerutik, zeure bizileku santu distiratsu horretatik: Non dira zure maitemina eta indarra? Non zure bihotz samurra eta errukia? Ez bitez egon guregandik urrun!

JEREMIAS 10:10

Jauna, berriz, egiazko Jainkoa da, Jainko bizia eta betiereko Erregea: hura haserretzean, lurrak dardara; nazioek ezin diote eutsi haren haserre-suminari.

NEGAR KANTAK 3:41

Jaso ditzagun eskuekin batera bihotzak zeruko Jainkoarengana.

EZEKIEL 16:63

Egin duzun guztia barkatuko dizudanean, iraganaz oroituko zara eta, lotsaren lotsaz, ez zara ahoa zabaltzera ausartuko. Nik, Jainko Jaunak, esana».

EZEKIEL 9:4

eta esan zion Jaunak: «Zoaz Jerusalem hiri osoan zehar, eta egin T itxurako ikur bat bertan egiten diren higuingarritasun guztiengatik intziri eta negar egiten dutenen bekokian».

DANIEL 2:11

Gehiegizkoa da eskatzen duzuna: ezin dizu inork erantzunik eman, jainkoek izan ezik; baina jainkoak ez dira gizonen artean bizi.

DANIEL 4:17

Zuhaitz handia eta sendoa ikusi duzu, garaieraz zerurainokoa, munduaren azken ertzetik ikus zitekeena.

DANIEL 4:34

Horregatik, nik, Nabukodonosorrek, handietsi, goretsi eta ospatu egiten dut orain zeruko Erregea: «Haren egintza guztiak egiazkoak dira, haren jokabideak zuzenak! Badaki harro dabiltzanak beheratzen!»

JOELEN PROFECIA 2:13

Ez urratu soinekoak, bihotzak baizik! Itzul zaitezte Jaunarengana, zeuen Jainkoarengana, bihozbera eta errukiorra baita, haserregaitza eta onginahiz betea, bere mehatxuez damutzen dena.

MIKEAS 5:2

Bitartean, bertan behera utziko du Jaunak bere herria, ama izan behar duenak haurra izan arte. Orduan, atzerrian bizirik gelditutako senideak Israelgoekin elkartuko dira.

MIKEAS 6:8

Gizaki hori, irakatsi zaizu zer den ona, zer nahi duen Jaunak zuregandik. Hauxe: zuzenbidez jokatzea, on izaten saiatzea, eta zure Jainkoarekin apaltasunez bizitzea.

ZAKARIAS 2:13

Neuk jasoko dut eskua haien aurka, beren esklaboek dituzte larrutuko». Orduan jakingo duzue Jaun ahalguztidunak bidali nauela.

ZAKARIAS 9:9

Poztu biziro, Sion hiri eder! Egin irrintzi, Jerusalem hiriburu! Hara, badatorkizu zeure erregea: zuzen eta garaile dator, apal eta asto baten gainean, astakume baten gainean.

MATEO 6:9

Zuek, egizue otoitz honela: «Gure Aita zerukoa, agertu santu zeure izena,

LUKAS 1:49

Gauza handiak egin ditu nire alde Ahalguztidunak. Santua da

LUKAS 4:18

Jaunaren espiritua nire gainean dago, berak bainau sagaratu behartsuei berri ona adierazteko; berak nau bidali gatibuei askatasuna eta itsuei ikusmena hots egitera eta zapalduak askatzera,

EGINAK 3:14

Santua eta zuzena zen, baina zuek ukatu egin zenuten, eta hiltzaile bat askatzeko eskatu;

ERROMATARREI 1:20

Mundua mundu denetik, berez ikusezina dena, hau da, Jainkoaren betiereko ahalmena eta jainkotasuna, ikusgarri gertatzen zaio haren egintzak aztertzen dituenari. Ez dute, beraz, aitzakiarik,

2 KORINTOARREI 1:4

Berak ematen digu adore atsekabe guztietan, guk ere besteak edozein atsekabetan adoretu ahal izan ditzagun geuk Jainkoarengandik hartzen dugun adoreaz.

2 KORINTOARREI 2:7

orain, ordea, barkatu eta adorea eman behar diozue, gehiegizko nahigabeak lur joa utz ez dezan.

2 KORINTOARREI 7:6

Baina bihozgabetuei adore ematen dien Jainkoak adorez bete ninduen Titoren etorrerarekin.

DUTERONOMA 33:27

Antzinako Jainkoa duzu babesleku, Betikoaren besoak dituzu euskarri; ihes eragin dio etsaiari zure aurretik, berau suntsitzeko agindua eman.

1 TIMOTEORI 1:17

Gizaldien Erregeari, beraz, Jainko hilezkor, ikusezin eta bakarrari, ohore eta aintza menderen mendetan. Amen.

1 TIMOTEORI 6:16

bera bakarrik da hilezkorra, eta iritsezineko argitan bizi da: ez du inoiz gizakik ikusi, eta ezin du ikusi ere. Berari aintza eta agintea betiko! Amen.

HEBREARREI 9:14

zenbatez gehiago Kristoren odolak, betiko Espirituaren bitartez akats gabeko oparitzat bere burua Jainkoari eskaini zion harenak, ez du garbituko gure barrua heriotzara daramaten egintzetatik, Jainko biziari kultua emateko gai izan gaitezen!

SANTIAGO 4:6

Baina handiagoa da oraindik ematen digun laguntza, hau baitio Liburu Santuak: Jainkoakaurre egiten die harroei, baina mesede egiten apalei.

1 PEDRO 5:5

Era berean, zuek, gazteok, izan zaitezte adinekoen menpeko. Izan zaitezte denok apalak zeuen harremanetan, Jainkoak harroei aurre egitenbaitie; apalei, berriz, onginahia azaltzen.

APOKALIPSIA 15:4

Nork ez zuri begirune, Jauna? Nork ez goretsi zure izena? Zu bakarrik zara santu! Herriak oro etorri eta zure aurrean ahuspeztuko dira, zure salbamen-asmoak denen aurrean agertu baitira».

APOKALIPSIA 3:7

Idatz iezaiozu Filadelfiako eliz elkartearen aingeruari: Hona zer dioen santuak, egiazkoak, Daviden erreinuko giltza duenak —hark irekia ezin du inork itxi eta hark itxia ezin inork ireki—:

APOKALIPSIA 4:8

Lau izakiok seina hego zituzten, begiz beteak kanpotik eta barrutik. Gau eta egun honela ari dira etengabe: «Santu, santu, santua Jauna, Jainko ahalguztiduna, zena, dena eta etortzekoa».

1 SAMUEL 2:2

Ez da santurik Jauna bezalakorik, ez da, izan ere, zu besterik, ez da harkaitzik gure Jainkoa adinakorik.