ISAIAS 44:17 - Elizen Arteko Biblia (Biblia en Euskara Traducción Interconfesional)

¹⁷ Beste erdiarekin, berriz, jainko-irudi bat egiten du eta aurrean ahuspezturik gurtzen. Eta otoitz egiten dio, esanez: «Salba nazazu, zu baitzaitut jainko!»

Navarro-Labourdin Basque

¹⁷ Gaineracoaz, berriz, jainco bat, itchura bat beretzat eguin du; haren aitzinean ahuspecatzen da; adoratzen eta othoizten du, dioelaric: Libra neçaçu, çu baitzare ene jaincoa.

Elizen Arteko Biblia (Biblia en Euskara Traducción Interconfesional)

¹⁷ Beste erdiarekin, berriz, jainko-irudi bat egiten du eta aurrean ahuspezturik gurtzen. Eta otoitz egiten dio, esanez: «Salba nazazu, zu baitzaitut jainko!»

ISAIAS 44:17 ပူးပေါင်းရင်းမြစ်များ

1 ERREGEAK 18:26

Hartu zuten, bada, eman zieten zekorra, prestatu zuten eta goizetik eguerdiraino Baali deika ari izan ziren, esanez: «Baal, erantzun!» Han ez zen, ordea, inolako ahotsik, ez eta erantzungo zuenik. Dantzan ari izan ziren, egina zuten aldarearen inguruan.

1 ERREGEAK 18:28

Haiek, orduan, deiadar handiagoak egiten zituzten eta, ohi zutenez, ebakiak egiten zizkioten beren buruari ezpataz eta zulagailuz, gorputzean behera odola zeriela gelditzeraino.

ISAIAS 2:8

Betea dago lurraldea idoloz: beren eskuz eginaren aurrean dira ahuspezten, beren behatzez landuaren aurrean.

ISAIAS 37:38

Egun batez, bere jainko Nisrok-en jauretxean ahuspeztua zegoelarik, Adramelek eta Saretzer bere semeek ezpataz jo eta hil egin zuten; gero, Ararat inguruko lurraldera egin zuten ihes hiltzaileek. Beste seme bat, Asarhadon, izan zen hurrengo errege.

ISAIAS 44:15

Jendeak su-egurretarako erabili ohi ditu: nahiz su egin eta berotzeko, nahiz ogia erretzeko. Baina berak jainko-irudi bat egiteko erabiltzen du. Eta gurtu egiten, ahuspezturik.

ISAIAS 44:16

Egurraren erdiarekin sua egiten du, eta gainean okela erre eta asetzeraino jaten. Ondoren, su ondoan berotzen da eta esaten: «Ederki! Bero-bero nago! A zer lamada!»

ISAIAS 45:20

«Bil zaitezte, etorri, hurbildu denok, nazioetan bizirik geldituok. Burugabeak dira zurezko idoloak prozesioan daramatzatenak, salbatu ezin dituen jainkoari otoitz degiotenak.

ISAIAS 46:6

Batzuek urrea poltsatik atera, zilarra balantzan pisatu eta zilargina alokatzen dute, jainkoa egin diezaien, eta ahuspezturik huraxe gurtzen.

JEREMIAS 2:27

Egur-puska bati esaten diote: “Zeu zara nire aita”; harriari: “Zeuk nauzu sortu”. Bizkarra ematen didate, ez aurpegia; zoritxar-egunean, ordea, “Zatozkigu salbatzera” diote.

DANIEL 3:17

Zerbitzatzen dugun Jainkoak libra gaitzake labeko sutatik eta zure menpetik.

DANIEL 3:29

Horregatik, hauxe agintzen dut: Xadrak, Mexak eta Abed-Negoren Jainkoaren kontra gaizki hitz egiten duena, edozein herri, nazio edo hizkuntzatakoa delarik ere, txiki-txiki egina izango da, eta halakoaren etxea zabortegi bihurtua. Ez baita gizona horrela libra dezakeen beste jainkorik».

DANIEL 6:16

Baina etorri ziren berriro ere gizon haiek eta esan zioten: —Errege jauna, ondo dakizu, mediarren eta pertsiarren legeen arabera, erregeak sinaturiko debekuak nahiz aginduak aldaezinak direla.

DANIEL 6:27

«Hauxe agintzen dizuet: Nire erreinu guztian Danielen Jainkoari begirune osoa izan diezaiotela guztiek. «Hura Jainko bizia baita, hura betiko dirauena. Haren erregetza ez da hondatuko, haren ahalmenak ez du azkenik.

OSEAS 13:2

Oraindik ere bekatu eginez jarraitzen dute: beren zilarrez, jainko-irudiak moldatzen dituzte beren asmamenaren arabera, artisau-lan hutsa guztia. Baina sakrifizioak eskaini behar omen zaizkie. Gizakiak zekorrei musuka!

MIKEAS 5:12

Ezereztuko ditut zure idolo eta zutarri sakratuak eta zure eskulanen aurrean ez zara gehiago ahuspeztuko.

HABAKUK 2:19

«Zoritxarrekoa zu, egur-puska bati: “Esna zaitez!” eta harri mutuari: “Jaiki!” esaten diezun hori! Agertuko ote dizute horiek mezurik? Urrez eta zilarrez jantziak daude, bai, baina beren baitan ez dute bizi-arnasarik.

EGINAK 19:27

Gure lanbidearen izen ona galtzeko arriskuan gaude; areago, Artemisa gure jainkosa handiaren tenplua ere ezerezkotzat har dezaten arriskuan eta Asia probintzia osoak eta mundu guztiak gurtzen duen jainkosaren ospe handia erabat galtzeko arriskuan».