ISAIAS 19:3 - Elizen Arteko Biblia (Biblia en Euskara Traducción Interconfesional)

³ Burua galduko dute eta beren asmoak hautsiko dizkiet. Orduan, idolo eta zorilariengana, hildakoen espiritu eta aztiengana joko dute kontseilu eske.

Navarro-Labourdin Basque

³ Eta Eguiptoaren izpiritua nahasico da haren baithan eta galaracico dut haren asmua; eta galdeca harico dira beren jaincorde, beren azti, pithon eta asmaguinei.

Elizen Arteko Biblia (Biblia en Euskara Traducción Interconfesional)

³ Burua galduko dute eta beren asmoak hautsiko dizkiet. Orduan, idolo eta zorilariengana, hildakoen espiritu eta aztiengana joko dute kontseilu eske.

ISAIAS 19:3 ပူးပေါင်းရင်းမြစ်များ

2 SAMUEL 15:31

Albiste hau eman zioten Davidi: —Ahitofel ere Absalomen alde ari da azpilanean. Orduan, esan zuen Davidek: —Otoi, Jauna, bihur itzazu hutsal Ahitofelen aholkuak.

2 SAMUEL 17:14

Orduan, Absalomek eta israeldar guztiek esan zuten: —Huxai arkitarraren aholkua hobea da Ahitofelena baino. Izan ere, erabakia zuen Jaunak Ahitofelen aholkua, ona izan arren, bertan behera uztea, Absalom hondamenera eramateko.

2 SAMUEL 17:23

Ahitofel, berriz, bere aholkuari jarraitu ez ziotela ikustean, bere astoa txalmaturik, abiatu eta bere hirira, bere etxera, joan zen; eta, etxeko gorabeherak zuzendu ondoren, urkatu egin zuen bere burua. Horrela hil zen, eta bere aitaren hilobian lur eman zioten.

2 ERREGEAK 1:2

Akazias Samarian zuen etxeko goiko gelako barandatik amildu zen eta larriki zauritu. Mezulariak bidali zituen mandatu honekin: «Zoazte eta galdetu Ekrongo jainko Baal-Zebubi ea onik aterako naizen zauri hauetatik».

1 KRONIKAK 10:13

Jaunarekiko desleiala izan zelako hil zen Saul; izan ere, ez zuen bete Jaunak agindua eta, gainera, emakume nekromante bati egin zion kontsulta,

SALMOAK 107:27

Bueltaka eta balantzaka, mozkorraren antzera, beren trebetasun guztia alferrik zutela.

SALMOAK 33:10

Nazioen egitasmoak Jaunak ditu desegiten, herrien asmoak hutsean galtzen.

SALMOAK 76:12

Egin promesak Jaunari, zeuen Jainkoari, eta bete; haren inguruan bilduok, ekarri emaitzak Jainko beldurgarriari,

ERRAN-ÇAHARRAC 21:30

Jaunaren laguntzarik gabe, ezertarako ez dira zuhurtzia, zentzu ona eta aholkua.

ISAIAS 14:27

Jaun ahalguztidunak hartu duen erabakia nork galarazi? Jaunak luzatua duen eskuari nork atzera eragin?»

ISAIAS 15:2

Dibongo jendea muinoetara doa, santutegian negar egitera. Aieneka ari dira moabdarrak, Nebo eta Medaba hiriak suntsituak direlako: burua soil eta bizarra motz daramate guztiek.

ISAIAS 19:1

Egiptoren aurkako mezua. Hor dator Jauna Egiptora, hodei bizkor baten gainean jarria. Hura agertzean, ikara dira Egiptoko idoloak, adoregabe gelditzen egiptoarrak.

ISAIAS 44:25

Huts eragiten diet aztien zantzuei, zentzugabe bihurtzen igarleak; jakintsuak hankaz gora botatzen eta haien zientzia zorakeria bilakarazten.

ISAIAS 47:12

Eutsi gogor, beraz, gaztetandik hain gogoko izan dituzun aztikeria eta sorginkeria guztiei: ea ezertarako balio dizuten, ea inor izutzea lortzen duzun.

ISAIAS 57:16

Ez dut beti auzitan jardungo, ez naiz etengabe haserre egongo, neuk egindako bizidunek nire aurrean bizi-arnasa gal ez dezaten.

ISAIAS 8:19

Bai, hau esango dizuete segur aski: «Egiezue kontsulta nekromante eta igarleei, isil-misilean eta marmarka ari ohi diren horiei. Herri batek ez ote dizkie bizien gorabeherak beren jainkoei eta hildakoei galdetu behar?»

JEREMIAS 46:15

Zergatik dago lurrean zure idi sakratu hori? Zergatik ez da zutitzen? Jaunak bultza egin

EZEKIEL 21:7

«Gizaseme, itzuli Jerusalemerantz eta mintzatu toki santuei begira; hitz egin nire izenean Israel lurraldearen kontra.

EZEKIEL 22:14

Jasango ote du zure bihotzak eta egongo ote zure eskua tinko, zure aurka ekingo diodanean? Nik, Jaunak, esandakoa bete egiten dut.

DANIEL 1:20

Jakinduria eta buru argia eskatzen zuten arazoetan erregeak iritzia eskatzen zienean, haien erantzunak erreinuko azti eta igarle guztienak baino hamar aldiz hobeak iruditzen zitzaizkion.

DANIEL 2:2

Orduan, azti, igarle eta astrologoei dei egin zien, ametsaren esanahia azal ziezaioten.

DANIEL 5:7

Deiadarka hasi zen, aztiak, astrologoak eta igarleak ekartzeko aginduz. Honela esan zien: «Hor idatzia eta berorren esanahia azalduko didana purpuraz jantziko dut, lepoan urrezko katea jarriko diot eta agintez hirugarrena izango da nire erreinuan».

1 SAMUEL 25:37

argi-nabarrean, ordea, mozkorra joan zitzaionean, gertaturikoa jakinarazi zion Nabali. Bihotzekoak eman zion orduan Nabali, eta harria bezain gogor gelditu zen.