ERRAN-ÇAHARRAC 3:6 - Elizen Arteko Biblia (Biblia en Euskara Traducción Interconfesional)

⁶ Zeure jarduera guztietan, izan Jauna gogoan, eta berak eramango zaitu bide zuzenetik.

Navarro-Labourdin Basque

⁶ Çure hara-huna gucietan hura içan çaçu gogoan, eta berac bidaturen ditu çure urhatsac.

Elizen Arteko Biblia (Biblia en Euskara Traducción Interconfesional)

⁶ Zeure jarduera guztietan, izan Jauna gogoan, eta berak eramango zaitu bide zuzenetik.

ERRAN-ÇAHARRAC 3:6 ပူးပေါင်းရင်းမြစ်များ

1 KRONIKAK 28:9

«Zu, berriz, Salomon, ene seme hori, saia zaitez zeure aitaren Jainkoa ezagutzen; zerbitzatu bera bihotz osoz eta gogo handiz. Bihotz guztiak aztertzen ditu Jaunak, eta badaki nolakoak diren giza gogoetak. Haren bila ibiltzen bazara, utziko dizu bera aurkitzen; baztertzen baduzu, ordea, betiko arbuiatuko zaitu.

ESDRAS 7:27

Bedeinkatua izan bedi Jauna, gure gurasoen Jainkoa, berak baitio eragin erregeari Jerusalemen dagoen Jainkoaren etxea horrela ohoratzera.

NEHEMIAS 1:11

Jauna, beude adi zure belarriak nire eta zure zerbitzari guztien otoitzera. Leial izan nahi genuke zurekin. Lagundu zure zerbitzari honen asmoak ongi atera daitezen, eta erregeak onginahiz har nazan». Erregearen edari-emaile nintzen ni orduan.

NEHEMIAS 2:4

Orduan, erregeak: —Zer eskatzen didazu, bada? Zeruetako Jainkoari otoitz egin ondoren,

NEHEMIAS 7:5

Orduan, Jainkoaren eraginez, handiki, agintari eta gainerako herritarrak bildu nituen erroldatzea egiteko. Eta aurkitu nuen hasieran atzerritik etorritakoen zerrenda; bertan hauxe zegoen idatzirik:

SALMOAK 32:8

«Irakatsi egingo dizut eta jarraibidea erakutsiko; aholku emango dizut eta zure ardura izango.

ERRAN-ÇAHARRAC 11:5

Zintzoari zuzentasunak bidea prestatzen, gaiztoa bere maltzurkeriak erorarazten.

ERRAN-ÇAHARRAC 16:3

Utzi Jaunaren esku zeure eginbeharra eta bete egingo dira zure egitasmoak.

ERRAN-ÇAHARRAC 16:9

Gizonak bere bidea aukeratzen du, baina Jauna da urratsak zuzentzen dituena.

ERRAN-ÇAHARRAC 23:17

Ez izan bekatariekiko inbidiarik; izan, ordea, Jaunarenganako begirunea beti;

ISAIAS 26:7

Zintzoaren bidea zuzena da: zuk egiten duzu, Jauna, zintzoaren bidea zuzen.

ISAIAS 30:21

Zeuen belarriz entzungo duzue atzetik esaten: «Hona hemen bidea, hemendik ibili». Noiz jo eskuinera, noiz ezkerrera erakutsiko dizue.

ISAIAS 45:13

Neuk sorrarazi dut Ziro salbamen-ekintzarako, eta bide guztiak zelaituko dizkiot; berak berreraikiko du nire hiria eta libre ateraraziko nire erbesteratuak, ordain eta saririk eskatu gabe». Jaun ahalguztidunak esan du.

ISAIAS 48:17

Hau dio Jaunak, zure askatzaileak, Israelen Jainko santuak: «Neu naiz Jauna, zure Jainkoa, zeure onerako irakasten dizudana, ibili beharreko bidetik gidatzen zaitudana.

JEREMIAS 10:23

Badakit, Jauna, gizakia ez dela bere jokabidearen jabe, ezin duela aukeratu bere ibilbidea.

JEREMIAS 42:3

Erakuts diezagula Jaunak, zeure Jainkoak, zein bidetatik jo eta zer egin.

NOMBREAC 9:20

Lainoa egun gutxitan gelditzen bazen egoitzaren gainean, Jaunaren agindura etxolatzen ziren eta haren agindura abiatzen.

1 KORINTOARREI 10:31

Nolanahi ere, nahiz jan, nahiz edan, nahiz beste edozer egin, egizue dena Jainkoaren aintzarako.

2 KORINTOARREI 8:16

Eskerrak ematen dizkiot Jainkoari Titoren bihotzean zuenganako nire ardura bera sortu duelako.

FILIPOARREI 4:6

Ez eduki ezeren kezkarik, baizik eta, gorabehera guztietan, agertu Jainkoari zeuen eskabideak, otoitz eta erregu eginez eta eskerrak emanez.

KOLOSARREI 3:17

Eta esan nahiz egin dezazuen guztia, egizue Jesus Jaunaren izenean, honen bidez Jainko Aitari eskerrak emanez.

KOLOSARREI 3:23

Egin dezazuen guztia egizue gogo osoz, Jaunarentzat bezala eta ez gizakientzat,

SANTIAGO 1:5

Zuetakoren bat jakinduria beharrean badago, eska diezaiola Jainkoari eta eman egingo dio, eskuzabal ematen baitu, inori ezer aurpegira bota gabe.

1 SAMUEL 30:8

Honela egin zion kontsulta Davidek Jaunari: —Joango al naiz lapur-talde horren ondoren? Harrapatuko ote ditut? Jaunak erantzun: —Zoaz ondoren! Horixe harrapatuko dituzula eta askatuko zutarrak!