ERRAN-ÇAHARRAC 15:8 - Elizen Arteko Biblia (Biblia en Euskara Traducción Interconfesional)

⁸ Jaunak higuin du gaiztoaren sakrifizioa, atsegin du gizon zuzenen otoitza.

Navarro-Labourdin Basque

⁸ Jaunari hatsgarri çaizco gaixtaguinen bitimac, eta gogaragarri prestuen botuac.

Elizen Arteko Biblia (Biblia en Euskara Traducción Interconfesional)

⁸ Jaunak higuin du gaiztoaren sakrifizioa, atsegin du gizon zuzenen otoitza.

ERRAN-ÇAHARRAC 15:8 ပူးပေါင်းရင်းမြစ်များ

2 SAMUEL 15:12

Sakrifizioa eskaintzen ari zelarik, etorrarazi zuen Absalomek Gilotik Ahitofel giloarra, Daviden aholkularia. Azpilanak gero eta indar handiagoa zuelarik, gero eta jende gehiago ari zitzaion biltzen Absalomi.

1 ERREGEAK 3:10

Atsegin izan zuen Jaunak Salomonen eskari hau.

1 KRONIKAK 29:17

«Badakit, ene Jainko, gure asmorik gordeenak aztertzen dituzula eta zuzentasuna maite duzula; asmo zuzenez eskaini dizkizut bat-batean gauza hauek guztiak, eta bozkarioz ari naiz ikusten hemen dagoen herri guztiak ere eskuzabal egiten dizkizula bere emaitzak.

SALMOAK 141:2

Nire otoitza izan bedi zure aurrean intsentsua bezala, nire esku altxatuak arrats-oparia bezala.

SALMOAK 17:1

Daviden otoitza. Entzun, Jauna! Justizia eske nator! Zaude adi nire deiadarrari, makur belarria nire otoitzari: ez dut engainurik ezpainetan.

ERRAN-ÇAHARRAC 10:24

Zeren beldur, huraxe gertatzen zaio gaiztoari; zeren irrika, huraxe ematen zintzoari.

ERRAN-ÇAHARRAC 15:29

Jauna urruti dago gaiztoengandik, baina entzuten du zintzoen otoitza.

ERRAN-ÇAHARRAC 15:7

Zuhurren ezpainek jakintza barreiatzen dute; ez horrela zentzugabeen buruak.

ERRAN-ÇAHARRAC 21:27

Gaiztoen sakrifizioak higuingarriak dira, are gehiago asmo txarrez eskainiak badira.

ERRAN-ÇAHARRAC 21:3

Nahiago Jaunak gizakiak justiziaz eta zuzenbidez jokatzea, sakrifizioak eskaintzea baino.

ERRAN-ÇAHARRAC 28:9

Norbaitek ez badu legea aditu nahi, haren otoitza bera ere Jaunarentzat higuingarri.

KOHELET 5:1

Ez bedi zure ahoa zalapartaka mintza, zure bihotzak ere ez dezala bizkor hitz egin Jaunaren aurrean; zeruan baita Jainkoa eta zu lurrean. Ez egin, bada, hitz asko.

KANTARIK EDERRENA 2:14

Ene uso, gordeleku haitzuloak, labarreko zirrikituak, dituzun hori, ikus dezadala zure irudia, entzun dezadala zure ahotsa! Gozoa baita zure ahotsa, ederra zure irudia!

ISAIAS 61:8

Nik, Jaun honek, zuzenbidea dut maite, lapurreta eta bidegabekeria gorroto. Leialki emango diet saria eta betiko ituna egingo beraiekin.

ISAIAS 66:3

«Zezena oparitan lepo egiten dute, baina baita gizakia hiltzen ere; ardia sakrifiziotzat eskaintzen dute, baina baita txakurrari lepo-hezurra hausten ere; labore-oparia eskaintzen dute, baina txerri-odola ere bai; intsentsua erretzen, baina baita idoloa gurtzen ere. Horiek beren bidea aukeratu dute eta beren idolo higuingarriak dituzte atsegin.

JEREMIAS 6:20

Zertarako dut nik Sabako intsentsua, zertarako urrutiko lurraldeetako kanabera usaintsua? Ez ditut atsegin zuen erre-opariak, ez ditut gogoko zuen sakrifizioak.

DANIEL 9:23

Zu otoitzean hasi bezain laster, mezu bat eman du Jainkoak, eta horren berri ematera natorkizu, bereziki maite baitzaitu Jainkoak. Ahalegin zaitez, beraz, mezua eta ikuskariaren esanahia ulertzen.

LEBITICOA 7:18

Oparia eskaini duenak opariko haragitik hirugarren egunean jango balu, ez litzaioke Jaunari atsegin izango, eta haren oparia balio gabe geldituko litzateke; gaitzesgarria da haragi hori, eta hartatik jan dezanak bere hobenaren ondorenak jasan beharko ditu.

MIKEAS 6:6

Zerekin agertuko naiz Jaunaren aurrean? Zerekin, Jainkoari gurtza ematerakoan? Urteko zekorrak ekarriko ote dizkiot erre-oparitzat?

MIKEAS 6:7

Zer du Jaunak atsegin? Ahariak milaka eskaintzea? Olioa ibaika isurtzea? Lehen-semea eskaini behar ote diot neure errebeldiaren ordain? Sabeleko fruitua, neure bekatuaren barkamena eskatzeko?

AGEO 2:14

Orduan, Ageok esan zuen: «Honela dio Jaunak: Halaxe da jende hau eta herri hau ere nire aurrean. Egiten duten eta eskaintzen didaten guztia kutsatua dago.

MALAKIAS 1:10

Hobe zuetakoren batek tenpluko ateak itxiko balitu, nire aldarean alferrikako surik gehiago ez egiteko. Ez zaituztet gogoko, eta zuen eskaintza ez dut atsegin. Hala diot nik, Jaun ahalguztidunak.

JOAN 4:24

Jainkoa Espiritu da, eta hura adoratzen dutenek egiaren arabera eta Espirituak eraginda adoratu behar dute.