2 KRONIKAK 20:21 - Elizen Arteko Biblia (Biblia en Euskara Traducción Interconfesional)

²¹ Gudarostearekin hizketatu ondoren, gudarien aurretik kantari-talde bat ipini zuen, jantzi sakratuak soinean, Jauna goretsiz joan zitezen hau kantatuz: «Goretsi Jauna, haren maitasuna betikoa baita».

Navarro-Labourdin Basque

²¹ Populuari conseilu eman çaroen, eta Jaunaren cantatzaileac eçarri cituen, hura lauda ceçaten beren andanetan, eta armadaren aitzinean ibilceco, eta boz batez erran ceçaten: Aithor bihur dioçoçue Jaunari, ceren bethicoa den haren urricalpena.

Elizen Arteko Biblia (Biblia en Euskara Traducción Interconfesional)

²¹ Gudarostearekin hizketatu ondoren, gudarien aurretik kantari-talde bat ipini zuen, jantzi sakratuak soinean, Jauna goretsiz joan zitezen hau kantatuz: «Goretsi Jauna, haren maitasuna betikoa baita».

2 KRONIKAK 20:21 ပူးပေါင်းရင်းမြစ်များ

1 KRONIKAK 16:29

goretsi Jaunaren izen ospetsua! Sartu haren aurrera eskaintzak eramanez, adora Jauna, bere santutasunez agertzean.

1 KRONIKAK 16:34

Goretsazue Jauna, ona baita, haren maitasuna betikoa baita.

1 KRONIKAK 16:41

Laguntzaile zituzten Heman eta Jedutun, baita Jauna goretsiz «Haren maitasuna betikoa baita» kantatzeko aukeratu eta izendatu zituzten beste haiek ere.

2 KRONIKAK 30:21

Jerusalemen ziren israeldarrek poz handiz egin zuten zazpi egunez Legamia gabeko Ogien Jaia. Lebitarrek eta apaizek egunero goretsi ohi zuten Jauna, musika-tresna ozenen laguntzaz, haren ohoretan kantatuz.

2 KRONIKAK 5:13

Turuta-jotzaileak eta kantariak batera ari ziren Jauna goresten eta ospatzen. Turuta, txilin eta gainerako musika-tresnen laguntzaz, «Goretsi Jauna, ona baita, haren maitasuna betikoa baita» oihuka kantatzen ari zirenean, lainoak bete zuen tenplua, Jaunaren etxea.

2 KRONIKAK 7:3

Israeldar guztiek, sua jaitsi eta Jaunaren aintzak tenplua betetzen zuela ikustean, lurreraino makurturik, Jauna adoratu eta goretsi zuten, esanez: «Ona baita, haren maitasuna betikoa baita».

2 KRONIKAK 7:6

Apaizak beren tokian zutik zeudelarik, lebitarrek, David erregeak Jauna goresteko egin zituen musika-tresnak eskuetan, Davidek berak asmaturiko kantua abesten zuten: «Haren maitasuna betikoa baita». Haien aurrez aurre, beste apaiz batzuek turutak jotzen zituzten. Israeldarrak zutik zeuden.

NEHEMIAS 12:27

Jerusalemgo harresiaren sagarapen-jaia egiterakoan, lebitarrak beren bizileku guztietatik Jerusalemera etorrarazi zituzten, sagarapen-jaia alai ospatzeko, gorespen-kantuz, txilin, lira eta harpa-soinuz.

SALMOAK 106:1

Aleluia! Gora Jauna! Goretsazue Jauna, ona baita, haren maitasuna betikoa baita.

SALMOAK 107:1

Goretsazue Jauna, ona baita, haren maitasuna betikoa baita.

SALMOAK 18:4

Goretsia zu! Dei egin nion Jaunari, eta etsaiengandik salbatu ninduen.

SALMOAK 29:2

goretsi Jaunaren izen ospetsua! Ahuspeztu Jaunaren aurrean, bere santutasunez agertzean!

SALMOAK 50:2

Siondik, edertasun beteko menditik, Jainkoa distiraz ageri da.

SALMOAK 90:17

Guregana bedi Jaunaren, gure Jainkoaren, gozoa! Burutu bitza ongi gure eginbeharrak, burutu ongi gure eginbehar guztiak!

SALMOAK 96:9

adora Jauna, bere santutasunez agertzean. Ikara zaitezte haren aurrean, lurtar guztiok!

ERRAN-ÇAHARRAC 11:14

Zuzendaritza gabe, herria behera; aholkulari asko bada, orduan aurrera.

JEREMIAS 33:11

berriro entzungo dira poz-alaitasunezko oihuak eta senar-emaztegaien kantuak, berriro entzungo tenplura gorespen-opariak ekarriz kantatuko duten hau: “Goretsazue Jaun ahalguztiduna, ona baita, haren maitasuna betikoa baita”. «Izan ere, herrialde honen zoria aldatuko dut, lehengo egoerara ekarriko. Nik, Jaunak, esana».