1 ERREGEAK 20:13 - Elizen Arteko Biblia (Biblia en Euskara Traducción Interconfesional)

¹³ Hortan, profeta bat hurbildu zitzaion Israelgo errege Akabi, eta esan zion: —Hau dio Jaunak: «Ikusten al duzu jendetza handi hori? Zeure eskura emango dizut gaur. Horrela jakingo duzu ni naizela Jauna».

Navarro-Labourdin Basque

¹³ Eta huna profeta batec, Israelgo erregue Acaben gana hurbilduric, erran çaroela: Hau dio Jaunac: Ikusi duçu nasqui oste gaitz hori gucia? huna bada nic egun non arthiquico dudan çure escura, jaquin deçaçunçat ni naicela Jauna.

Elizen Arteko Biblia (Biblia en Euskara Traducción Interconfesional)

¹³ Hortan, profeta bat hurbildu zitzaion Israelgo errege Akabi, eta esan zion: —Hau dio Jaunak: «Ikusten al duzu jendetza handi hori? Zeure eskura emango dizut gaur. Horrela jakingo duzu ni naizela Jauna».

1 ERREGEAK 20:13 ပူးပေါင်းရင်းမြစ်များ

2 SAMUEL 10:13

Hasi ziren, bada, Joab eta berekin zuen gudarostea aramearren kontra borrokan. Aramearrak ihesi joan ziren.

1 ERREGEAK 18:39

Hau ikustean, herri osoa lurreraino ahuspeztu zen, esanez: «Jauna da Jainkoa! Jauna da Jainkoa!»

1 ERREGEAK 20:14

Akabek esan zuen: —Noren bidez? Profetak erantzun: —Hau dio Jaunak: «Eskualdeburuen laguntzaile diren gazteen bidez». Akabek, berriro: —Nork ekingo dio borrokari? Profetak erantzun: —Zuk.

1 ERREGEAK 20:22

Hurbildu zitzaion profeta Israelgo erregeari eta esan zion: —Sendo ezazu gudarostea eta begira ongi zer egin; izan ere, urte bete barru, berriro erasoko dizu Siriako erregeak.

1 ERREGEAK 20:28

Orduan, Jainkoaren gizon batek Israelgo erregeagana hurbildu eta esan zion: —Hau dio Jaunak: «Siriarrek diotenez, mendietako jainkoa naiz ni, ez lautadakoa. Hara bada, zeure eskura emango dizut jendetza hori. Horrela jakinen dute ni naizela Jauna».

2 ERREGEAK 13:23

Baina Jauna errukitu egin zitzaien eta gupidatu, eta barkatu egin zien, Abraham, Isaak eta Jakobekin egina zuen itunarengatik. Ez zituen desegin nahi izan, oraino ez baitzituen beregandik urruti egotzi.

2 ERREGEAK 3:18

Hori ez ezik, eskuetara emango dizkizue Jaunak moabdarrak.

2 ERREGEAK 7:1

Eliseok erantzun zuen: —Entzun Jaunak dioena! Hau dio Jaunak: «Bihar ordu honetan huskeria batean erosi ahal izango dituzue Samariako merkatuan zazpi kilo irin garbi nahiz hamalau kilo garagar».

2 KRONIKAK 20:15

Lebitarrak esan zuen: «Entzun ongi zuek, Juda eta Jerusalemgo jendeok, eta zuk, Josafat errege horrek! Hau diotsue Jaunak: “Ez izutu, ez izan beldur jendetza izugarri horren aurrean. Ez zarete zuek borrokatuko, Jainkoa bera baizik.

2 KRONIKAK 20:17

Oraingoan, borroka ez duzue zuek egingo. Egon bertan geldi, eta ikusiko duzue nola salbatzen zaituzten Jaunak. Juda eta Jerusalemgo jendea, ez izutu, ez izan beldur! Irten bihar horien kontra eta zeuekin izanen duzue Jauna”».

SALMOAK 83:18

Betiko izu-ikaraz eta lotsaz beterik, gal bitez desohorez!

IRTEERA 14:18

Hori gertatzean, jakingo dute egiptoarrek ni naizela Jauna».

IRTEERA 16:12

«Aditu dut israeldarren marmarra. Esaiezu: Ilunabarrean okela jango duzue, eta bihar goizean ogiz aseko zarete. Honela jakingo duzue ni naizela Jauna, zuen Jainkoa».

ISAIAS 37:20

Zuk, ordea, Jauna, gure Jainko horrek, salba gaitzazu Senakeriben eskuetatik. Horrela, lurreko erreinu guztiek jakingo dute, Jauna, zu bakarrik zarela Jainko».

EZEKIEL 20:14

Halere, ez nuen egin, baizik eta neure izenaren ohorez jokatu nuen, nire izena belztua izan ez zedin israeldarrak Egiptotik ateratzen ikusi ninduten nazioen artean.

EZEKIEL 20:22

Halere, ez nuen egin, baizik eta neure izenaren ohorez jokatu nuen, nire izena belztua izan ez zedin israeldarrak Egiptotik ateratzen ikusi ninduten nazioen artean.

EZEKIEL 6:7

Zuetako asko hilda erortzean, orduan jakingo duzue ni naizela Jauna.

JOSUE 10:8

Jaunak esan zion: «Ez izan horien beldur, zure menpe utzi baititut. Horietako batek ere ezin izango dizu aurre egin».