ZAKARIAS 1:17 - Elizen Arteko Biblia (Biblia en Euskara Traducción Interconfesional)

¹⁷ Aingeruak Jaun ahalguztidunaren beste mezu hau ere aldarrikatzeko agindu zidan: «Berriro ere gainez egingo dute ondasunez nire hiriek, berriro kontsolatuko dut Sion, nire aukeratua izango da berriro Jerusalem».

Navarro-Labourdin Basque

¹⁷ Eguiçu oraino oihu, erranez: Hau dio armadetaco Jaunac: Ontasunac ene hirietara gaindica ethorriren dire oraino; eta Jaunac goçacari emanen dio oraino Sioni, eta Jerusaleme hautaturen du oraino.

ZAKARIAS 1:17 ပူးပေါင်းရင်းမြစ်များ

ISAIAS 51:3

Bai, Jaunak Sion kontsolatzen du, hondatua dagoen hiriari poz ematen. Herrialde erraustua Edengo baratze bihurtuko du, eremua Jaunaren paradisu. Zoriona eta alaitasuna izango dira, gorespena eta kantu-hotsa.

ZAKARIAS 2:12

Jaun ahalguztidunak aginpidez bidali nau larrutu zaituzteten nazioei adieraztera: «Zuek ukitzen zaituztetenak, neure begi-ninia ukitzen du.

ISAIAS 14:1

Bai, erruki izango die Jaunak Jakoben ondorengoei: bere aukeratua izango du oraindik Israel eta beren lurraldean ezarriko ditu berriro. Atzerritarrak haiengana bilduko dira eta bat egingo dute Jakoben herriarekin.

ABDIAS 1:20

Ipar Israelgo erbesteratuen gudarosteak kanaandarren lurra hartuko du Sareptaraino. Eta Jerusalemgo erbesteratuek, Sefaraden bizi direnek, Negeveko hiriak hartuko dituzte.

EZEKIEL 36:33

«Hau diot nik, Jainko Jaunak: Zeuen erru guztietatik garbituko zaituztedanean, hiri hondatuak berreraiki eta bizilagunez beteko ditut.

ISAIAS 66:13

Amak haurra kontsolatzen duen bezala, halaxe kontsolatuko zaituztet; bai, Jerusalemen kontsolatuko zaituztet».

ISAIAS 54:8

Haserrealdi batean, unetxo batez aurpegia ezkutatu nizun, baina etengabe maite zaitudalako gupidatu naiz zutaz. Hala diot nik, Jaunak, zure askatzaileak.

ISAIAS 52:9

Ekin denok poz-oihuka, Jerusalemgo horma eroriok, Jaunak bere herria kontsolatu baitu, Jerusalem askatu.

ISAIAS 44:26

Baina neure zerbitzarien hitza betearazten dut, neure mezularien egitasmoa gauzatzen. Jerusalemi diotsot: “Berriro izango dituzu bizilagunak”, eta Judako hiriei: “Berriz eraikiko zaituztete”. Neuk jasoko ditut bertako horma eroriak.

SALMOAK 69:35

Gorets bezate zeru-lur eta itsasoek eta bertan bizi diren guztiek.

NEHEMIAS 11:20

Gainerako israeldar, apaiz eta lebitarrak Judako herrietan bizi ziren, nor bere etxaldean.

2 KRONIKAK 6:6

Orain, ordea, Jerusalem hautatu dut neure bizileku eta David neure herri Israelen buruzagi”.

EFESOARREI 1:4

Kristorengan aukeratu gintuen mundua mundu izan baino lehen, haren aurrean santu eta akats gabe izan gaitezen maitasunez.

ZAKARIAS 3:2

Jaunaren aingeruak esan zion Satani: «Isilaraz hazala Jaunak, Satan, isilaraz hazala Jerusalem aukeratu duen Jaunak. Josue sutatik ateratako ilintia bezala da».

AMOSEN PROFECIA 9:14

Nire herri Israelen zoria aldatuko dut: desegindako hiriak jasoko dituzte eta berorietan biziko dira, mahastiak jarriko dituzte eta berorien ardoa edango, baratzeak landatuko dituzte eta horietako fruituak jango.

JEREMIAS 33:13

Mendialdeko, Xefela lautadako eta Negeveko hirietan, Benjaminen herrialdean, Jerusalemgo inguruetan eta Judako hirietan ikusiko dira oraindik artzainak ardiak zenbatzen. Nik, Jaunak, esana».

JEREMIAS 31:13

Neskek pozik egingo dute dantzan mutil eta agureekin. Haien dolua alaitasun bihurtuko dut, atsekabearen ondoren kontsolatu eta alaituko.

ISAIAS 51:12

Jaunak dio: «Neuk kontsolatuko zaitut, neuk: zer dela-eta diozu beldur gizaki hilkorrari, belarra bezain igarokor den gizakiari?

ISAIAS 49:13

Egin poz-oihu, zeruok! Alai zaitez, lurra! Egin poz-irrintzi, mendiok! Jaunak bere herria kontsolatu baitu, atsekabean gupida izan dio.

NEHEMIAS 11:3

Eskualdeko buruzagiak Jerusalemen jarri ziren bizitzen. Israeldarrak, baita apaiz, lebitar, laguntzaile eta Salomonen zerbitzarien ondorengoak ere, nor bere herri eta etxaldean bizi ziren.

ZAKARIAS 1:14

Aingeruak Jaun ahalguztidunaren mezu hau aldarrikatzeko agindu zidan: «Maitasun biziz maite dut Jerusalem, espa handiz Sion;

ZAKARIAS 2:4

Eta galdetu nion: —Horiek zertara datoz? Hark erantzun zidan: —Adarrak Judako jendea inork burua ezin jaso izateraino sakabanatu zuten nazioak dira; errementariok, berriz, Judako jendea sakabanatu zuten nazioak izutzera datoz, eta haien indarra suntsitzera.

JEREMIAS 33:9

Jerusalem pozbide izango da niretzat; munduko nazio guztiek goretsiko naute eta ospetsu aitortuko, hari emango diodan ongizatea ikustean. Harri eta zur geldituko dira Jerusalemi emango dizkiodan ongizate eta bakearengatik».