SOFONIAS 3:5 - Elizen Arteko Biblia (Biblia en Euskara Traducción Interconfesional)

⁵ Hiri erdian dago, ordea, Jaun zintzoa, ez du gaiztakeriarik egiten. Goizero agertzen du zuzenbidea, egunsentiz, huts egin gabe. Gaiztoak, ordea, berean jarraitzen, lotsarik gabe.

Navarro-Labourdin Basque

⁵ Haren erdian Jauna da çucena, bidegabequeriaric ez du eguinen; goiz-goicetic arguira atheraturen du bere erabaquia; bainan gaixtaguinac ez du eçagutzen ahalqueric.

SOFONIAS 3:5 ပူးပေါင်းရင်းမြစ်များ

JENESA 18:25

Utikan zuregandik errugabea errudunarekin batera hilaraztea! Nola jokatuko duzu, bada, berdin batarekin zein bestearekin? Munduaren epaileak ez ote du zuzenbiderik egingo?

JOB 34:10

«Entzun, zentzudunok: Urruti Jainkoarengandik gaiztakeria, urruti Ahaltsuagandik bidegabekeria!

JOB 7:18

goizero ikuskatzeko, uneoro aztertzen jarduteko?

JOB 8:3

Okertu egiten al du Jainkoak zuzenbidea, okertu egiten Ahaltsuak justizia?

SALMOAK 145:17

Zuzena da Jauna jokabide guztietan, leiala egintza guztietan.

SALMOAK 37:6

goizeko argia bezain distiratsu egingo du zure zuzentasuna, eguerdiko eguzkia bezain argitsu zure zuzenbidea.

SALMOAK 92:15

Zaharturik ere fruitu emango du, mardul eta heze iraungo beti,

ISAIAS 12:6

Egin poz-irrintzi eta oihu, Siongo bizilagunok, handikiro ari baita zuen alde Israelgo Santua».

ISAIAS 28:19

Etorraldi bakoitzean joko zaituzte, egunero-egunero, gau eta egun. Horren berri jakite hutsak ikara gorria emango dizue.

ISAIAS 33:2

Erruki gutaz, Jauna, zuregan baitugu itxaropen! Izan gure indar egunero, gure salbamen estualdian.

ISAIAS 45:21

Galdegin elkarri, mintza zaitezte, azaldu frogak: nork adierazi zuen hau lehendanik, nork iragarri aspalditik? Ez ote nik, Jaunak? Ez baita ni beste jainkorik. Jainko garaile eta salbatzailerik ez da neu besterik.

ISAIAS 50:4

Jainko Jaunak hitz egiteko trebatu nau, bihotz-eroriak adore-hitzez bizkor ditzadan. Goizero dit belarria ernearazten, ikasle onak bezala entzun diezaiodan.

JEREMIAS 21:12

Daviden ondorengook! Hau dio Jaunak: Ardura zaitezte egunero justizia egiten; askatu zapaldua zapaltzailearen eskutik. Bestela, sua bezala piztuko da nire haserrea, erre egingo zaituzte zeuen egintza gaiztoengatik eta ezin izango du inork itzali.

JEREMIAS 3:3

Horregatik huts egin dizute hodei-zaparradek, ez da udaberriko euririk izan. Baina zuk emagalduaren kopeta zenuen, eta zeure izen txarrak axolarik ez.

JEREMIAS 6:15

Lotsatu egin behar lukete beren egintza higuingarriengatik; baina ez dira batere lotsatzen, ez dakite lotsa denik ere. Horregatik, erori egingo dira, besteak bezalaxe, lur joko dute nire zigorraldian. Nik, Jaunak, esana».

JEREMIAS 8:12

Lotsatu egin behar lukete beren egintza higuingarriengatik; baina ez dira batere lotsatzen, ez dakite lotsa denik ere. Horregatik, erori egingo dira, besteak bezalaxe, lur joko dute nire zigorraldian. Nik, Jaunak, esana».

NEGAR KANTAK 3:23

Goizero berritzen dira. Bai handia, Jauna, zure leialtasuna!

EZEKIEL 18:25

«Esango duzue: “Ez da bidezkoa Jaunaren jokabidea”. Entzun, israeldarrok: Nire jokabidea ez dela bidezkoa? Zuena da bidezkoa ez dena.

EZEKIEL 48:35

Hiriaren perimetroa bederatzi kilometrokoa izango da. «Aurrerantzean, “Jauna bertan dago” deituko da hiria».

OSEAS 14:9

Efraimek esango du: “Zer axola niri sasijainkoak jadanik?” Nik, Jaunak, erantzuten diot eta ardura dut berari buruz. Zipresaren antzeko naiz ni, beti berde: niregandik datorkizu fruitua».

OSEAS 6:5

Horregatik, zigorra iragarri diet profeten bidez, hondamena neure ahoko hitzez. Nire epaiak argiak bezala egiten du distira.

MIKEAS 3:11

Buruzagiek eskupekoaren truke epaitzen dute, apaizek soldatagatik irakasten, profetek diru-ordainetan iragartzen; eta, halere, Jaunarengan babesten dira, esanez: «Ez al dugu, bada, Jauna geurekin? Zoritxarrak ez gaitu joko».

MIKEAS 7:9

Jaunaren haserrea jasan beharra dut, haren aurka egin baitut bekatu; baina laster erabakiko du Jaunak nire auzia eta nire alde aterako da; argitara eramango nau, eta ikusi ahal izango dut haren salbamena.

HABAKUK 1:3

Zergatik ikusarazten didazu horrenbeste bidegabekeria? Nola egon zintezke zapalketari begira? Hondamen eta gogorkeria ugari aurrean, auziak eta borrokak nonahi.

SOFONIAS 2:1

Bil zaitezte, gogoemazue, jende lotsagabea,

SOFONIAS 3:13

Israelen bizirik geldituek ez dute aurrerantzean bidegaberik egingo, ez gezurrik esango, ez beren ahotan engainu-hitzik izango. Eta inoren beldurrik gabe jango dute eta atseden hartuko».

SOFONIAS 3:15

Alde batera utzi baitu Jaunak zure aurkako epaia, uxatu ditu zure etsaiak. Jauna, Israelgo erregea, zurekin dago: ez zara gehiago ezeren beldur izango.

SOFONIAS 3:17

Zure Jainko Jauna zurekin dago, salbatzeko ahaltsu! Pozik bai pozik dago zurekin. Bere maitasunez biziberritzen zaitu. Pozez jauzika eta kantari dago zuregatik».

ZAKARIAS 2:5

Jaso nituen begiak berriro eta gizon bat ikusi nuen, neurtzeko haria eskuan zuela.

ZAKARIAS 9:9

Poztu biziro, Sion hiri eder! Egin irrintzi, Jerusalem hiriburu! Hara, badatorkizu zeure erregea: zuzen eta garaile dator, apal eta asto baten gainean, astakume baten gainean.

LUKAS 12:2

Ez dago ezer gordeta agertuko ez denik, ezta ere ezer ezkutuan jakingo ez denik.

ERROMATARREI 2:5

Zeure bihotz damugabearen gogorkeriaz zigorra handitzen ari zara zigor-egunerako, Jainkoaren epai zorrotza agertuko den egunerako, alegia.

1 KORINTOARREI 4:5

Ez dezazuela, beraz, epea baino lehen epai. Itxaron Jauna etorri arte. Berak argituko du ilunpean ezkutatua dagoena, berak agertuko bihotzeko asmo gordeak. Eta orduan, nork bere merezia jasoko du Jainkoarengandik.

DUTERONOMA 23:14

Makila bat hartuko duzue zeuekin eta, sabela hustera irtetean, berarekin zuloa egin eta gorotza lurrez estaliko duzue.

DUTERONOMA 32:4

Bera babes-harkaitza: hark egina benetan bikaina, haren jokabidea zuzen-zuzena; Jainko leiala da bera, bidegabekeriarik gabea, zintzoa beti eta zuzena.

1 PEDRO 1:17

Inolako bereizkeriarik gabe, nor bere egintzen arabera epaitzen duenari «Aita» deitzen diozuenez gero, joka begirunez munduko erbestealdian bizi zareten bitartean.