SOFONIAS 1:15 - Elizen Arteko Biblia (Biblia en Euskara Traducción Interconfesional)

¹⁵ Haserre-eguna izango da, larritasun- eta nahigabe-eguna, hondamendi handiko eguna, ilunpe- eta goibeltasun-eguna, hodei- eta laino beltzaren eguna.

Navarro-Labourdin Basque

¹⁵ Hasarrezco eguna egun hura, atsecabe eta hesturetaco eguna, ondico eta beharduretaco eguna, ilhumbe eta gobeletaco eguna, hedoi eta xirimoletaco eguna,

SOFONIAS 1:15 ပူးပေါင်းရင်းမြစ်များ

ISAIAS 13:9

Horra hor Jaunaren eguna, gupidagabeko eguna, haserrez eta sumin goriz gainezka; lurraldea basamortu bihurtuko du eta bertako bekatariak suntsituko.

ISAIAS 22:5

Zorigaiztoko eguna baita, hondamen- eta larritasun-eguna, Jainko Jaun ahalguztidunak bidalia. Ikuskari-haranean harresiak lurrera, garrasiak mendiraino.

ISAIAS 8:22

nahiz lurrera begiratu, estualdia eta ilunpea, iluntasun larria izango dute nonahi.

JEREMIAS 30:7

Ai ene! Izugarria izango da egun hura, berdinik gabea, larrialdi-eguna Jakoben herriarentzat. Baina onik aterako da».

JOELEN PROFECIA 2:11

Eta Jaunak deiadar dagi bere gudarostearen aurrean; kontaezinak dira haren gudari-sailak, indartsuak haren aginduak betetzeko. Handia da eta guztiz ikaragarria Jaunaren eguna: nork eman aurpegi?

JOELEN PROFECIA 2:2

Ilunpearen eta itzal beltzaren eguna, hodeien eta laino beltzaren eguna. Hor dator, egunsentia mendi gainetara bezala, gudaroste ugari eta indartsua. Ez da egundaino horrelakorik ikusi, ezta ikusiko ere berriro menderen mendetan.

SOFONIAS 1:18

Ezin izango dituzte beren zilar-urreek ere salbatu Jaunaren haserre-egunean: haren grinaren sugarrak lur osoa irentsiko du. Beldurgarria benetan, lurtar guztiak suntsituko baititu.

SOFONIAS 2:2

egun batean galtzen den gari-hautsa bezala sakabanatuak izan baino lehen, Jaunaren haserre-sumina zuen gainera jausi baino lehen, bai, Jaunaren haserre-eguna zuen gainera jausi baino lehen.

MATEO 24:29

«Egun haietako larrialdiaren ondoren, berehala, eguzkia ilunduko da, ilargiak ez du argirik egingo, izarrak zeru goitik amilduko dira, eta ortzia dardarka ariko.

ERROMATARREI 2:5

Zeure bihotz damugabearen gogorkeriaz zigorra handitzen ari zara zigor-egunerako, Jainkoaren epai zorrotza agertuko den egunerako, alegia.

DUTERONOMA 28:52

Hiri guztiak setiatuko dizkizuete, zeuen herrialdean seguru sentiarazten zintuzteten harresi garai eta sendoek lur jo dezaten arte; Jaunak zeuen Jainkoak emango dizuen lurraldeko hiri guztietan setiatuko zaituztete.

2 PEDRO 3:7

Oraingo zeru-lurrei dagokienez, Jainkoaren hitz berberak eusten die, eta epai- eta gaiztoen hondamen-egunerako gordeak daude.

APOKALIPSIA 6:17

Iritsi baita haren haserrearen egun handia, eta nor egon zutik?»