SALMOAK 36:6 - Elizen Arteko Biblia (Biblia en Euskara Traducción Interconfesional)

⁶ Jauna, zure maitasuna zeru zabala adinakoa, zure leialtasuna hodeietarainokoa.

Navarro-Labourdin Basque

⁶ Çure çucentasuna arguia beçala aguerraracico du, eta çure çucena egüerdia beçala.

SALMOAK 36:6 ပူးပေါင်းရင်းမြစ်များ

JENESA 18:25

Utikan zuregandik errugabea errudunarekin batera hilaraztea! Nola jokatuko duzu, bada, berdin batarekin zein bestearekin? Munduaren epaileak ez ote du zuzenbiderik egingo?

NEHEMIAS 9:6

Zu zara Jauna, zu bakarrik! Zeuk egin dituzu zeruak, zeruen zeruak eta izar guztiak, lurra eta lur gainekoak, itsasoa eta bertako guztiak. Zeuk biziarazten dituzu guztiak, zeruko izarrak ahuspez dituzu aurrean jarriak.

JOB 37:23

Ezin dugu atzeman Ahaltsua, nagusi da indar eta zuzenbidez, justiziaz aberatsa, ez du inor zanpatzen.

JOB 7:20

Bekatu egin al dut? Zer egin dizut zuri, gizakiaren zelatari horri? Zergatik hartu nauzu jo-puntutzat? Zertan bihurtu naiz zama zuretzat?

SALMOAK 145:9

Ona da Jauna guztientzat, gupidaz betea bere sorkari guztientzat.

SALMOAK 147:9

Janaria ematen die abereei eta karranka ari zaizkion belakumeei.

SALMOAK 31:20

Bai handiak, Jauna, begirune dizutenentzat gordeak dituzun ondasunak! Denen bistan ematen dizkiezu zuregan babesa dutenei.

SALMOAK 71:19

Zure salbamen-asmoa, oi Jainko, zerurainokoa da, gauza handiak egin baitituzu. Nor zu adinakorik, oi Jainko?

SALMOAK 77:19

Zure trumoi-burrunbak zeruan jotzean, oinaztarriek mundua argitu zuten, lur-barrenak ikara eta dardara egin.

SALMOAK 92:5

Pozarren nauka, Jauna, zure ekintzak, poz-oihuka zuk egindakoak.

SALMOAK 97:2

Hodei beltz-ilunak haren inguruan, justizia eta zuzenbidea haren tronu-oinarri.

IRTEERA 9:28

Egiozue erregu Jaunari; trumoitik eta kazkabarretik aski dugu; joaten utziko dizuet, ez zaituztet gehiago geldiaraziko.

ISAIAS 40:28

Ez al dakizu? Ez al duzu inoiz entzun? Jauna betiereko Jainkoa da, lurbira osoa egin duena: ez da nekatzen, ez akitzen; ulermenaz gaindikoa haren adimena.

ISAIAS 45:19

Ez naiz mintzatu ezkutuan, lur-zoko ilunen batean; ez diet esan Jakoben ondorengoei: “Bila nazazue ezerez hutsean”. Ni naiz Jauna, zuzen dena iragarri eta bidezkoa adierazten dudana.

JEREMIAS 12:1

Nolatan hasi zurekin auzitan? Zuzenegia zara zu, Jauna. Hala ere, arazo bat nahi nizuke proposatu: zergatik du arrakasta gaiztoen jokabideak? Nola bizi daitezke lasai azpisuge maltzurrak?

NEGAR KANTAK 3:23

Goizero berritzen dira. Bai handia, Jauna, zure leialtasuna!

JONAS 4:11

Eta nik ez ote diot erruki izango Ninive hiri handi horri, bertan ongia eta gaizkia bereizten ez dakiten ehun eta hogei mila gizakitik gora eta ezin konta ahala abere bizi delarik?

ERROMATARREI 11:33

Bai handi eta sakonak Jainkoaren eskuzabaltasuna, jakinduria eta ezaguera! Bai aztergaitzak beraren erabakiak eta sumaezinak haren bideak!

ERROMATARREI 3:25

Jesu Kristok bere odola isuri zuen, eta Jainkoak barkamen-bide egin du Kristo beronengan sinesten dutenentzat. Horrela, garbi erakusten du Jainkoak zuzen jokatu zuela bere eroapenaz lehengo bekatuak zigortu gabe utzi zituenean, eta zuzen jokatzen duela orain ere, bera salbatzaile azaldu eta Jesusengan sinesten dutenak onartzen dituenean.

DUTERONOMA 32:4

Bera babes-harkaitza: hark egina benetan bikaina, haren jokabidea zuzen-zuzena; Jainko leiala da bera, bidegabekeriarik gabea, zintzoa beti eta zuzena.

DUTERONOMA 7:9

«Aitor ezazue, beraz, Jauna zeuen Jainkoa dela egiazko Jainkoa: Jainko leiala, maite dutenei eta beraren aginduak betetzen dituztenei itun-hitza gorde eta onginahia mila belaunaldiz agertzen diena;

1 TIMOTEORI 4:10

Horregatik saiatzen gara lanean eta borrokan, gizon-emakume guztien eta batik bat sinestedunen salbatzailea den Jainko biziarengan itxaropen dugulako.

1 SAMUEL 14:15

Izua nagusitu zen kanpalekuan eta zelaian, jende guztiarengan. Gudari-tokikoak eta erasotzaileak ere ikaratu egin ziren. Lurralde osoa dardaratu zen; beldur ikaragarria sartu zitzaien.