SALMOAK 148:8 - Elizen Arteko Biblia (Biblia en Euskara Traducción Interconfesional)

⁸ Goretsazue, su eta kazkabar, elur eta laino, eta haren esanera zaudeten haize-erauntsiok;

Navarro-Labourdin Basque

⁸ Sua, harria, elhurra, horma, phesietaco hatsa, haren errana eguiten duçuenac;

SALMOAK 148:8 ပူးပေါင်းရင်းမြစ်များ

JENESA 19:24

Orduan, Jaunak sufre eta suzko euria bota zuen zerutik Sodoma eta Gomorraren gainera.

JOB 37:12

jirabiraka ibilarazten ditu, berak agindutako guztia mundu osoan bete dezaten;

SALMOAK 103:20

Bedeinka ezazue Jauna, beraren aingeruok, haren esana entzun bezain laster betetzen duzuen izaki indartsuok!

SALMOAK 18:12

Gordelekutzat hartu zituen ilunpeak, etxola gisa bere inguruan hodei-laino euritsuak.

IRTEERA 10:13

Luzatu zuen Moisesek makila Egiptoren gain eta, Jaunak eraginik, ekialdeko haizeak jo zuen lurraldean egun osoan eta gau osoan. Biharamun goizerako, ekialdeko haizeak larrapoteak ekarriak zituen.

IRTEERA 10:19

Orduan, Jaunaren eraginez, mendebaldeko haizeak jo zuen indartsu; honek larrapoteak aurrean eraman eta Itsaso Gorrira jaurti zituen. Ez zen larrapote bat bera ere Egipto osoan gelditu.

IRTEERA 14:21

Luzatu zuen Moisesek eskua itsaso gainera eta, Jaunak eraginda, ekialdeko haize indartsuak jo zuen gau osoan. Haizeak itsasoa lehortu egin zuen, urak bi multzotan banatuz.

ISAIAS 66:16

Bai, suz eta ezpataz armaturik epaituko ditu Jaunak gizaki guztiak; asko eta asko eroriko dira hilik.

LEBITICOA 10:2

Orduan, Jaunaren aurretik sua atera eta kiskali egin zituen; hantxe bertan hil ziren.

AMOSEN PROFECIA 4:13

Jainkoa da mendiak eratu dituena, eta haizea sortu duena, gizakiari bere burubideak agertzen dizkiona, ilunpea egunsenti bihurtzen duena, mundu guztiaren gainetik dagoena. Jauna du izena, Jainko ahalguztiduna.

AMOSEN PROFECIA 7:4

Beste hau ere erakutsi zidan Jainko Jaunak: bere herria suaz zigortzera zetorren bera, eta suak lurpeko itsaso handia eta Israel, Jainkoaren ondarea, irentsi behar zituen.

JONAS 1:4

Baina Jaunak haize-erauntsia aterarazi zuen eta itsasoa biziki haserretu zen, ontzia lehertzeko zorian jarriz.

JONAS 1:5

Marinelak erabat beldurtu eta nor bere jainkoari oihuka hasi ziren. Ontziaren zama arintzeko, hornigaiak itsasora jaurti zituzten. Bitartean, Jonas ontzi barrenera jaitsia zen eta etzanik lozorroan zegoen.

NOMBREAC 16:35

Jaunak sua leherrarazi zuen eta intsentsua eskaini zuten berrehun eta berrogeita hamar gizon haiek hil zituen.

JOSUE 10:11

Israeldarrengandik ihesi Bet-Horon aldapan behera zihoazelarik, Jaunak izugarrizko kazkabarra bota zien amortarrei gainera, Azekara heldu ziren arte, eta asko hil ziren. Jende gehiago hil zuen kazkabar-harriak israeldarren ezpatak baino.

APOKALIPSIA 16:21

Egundoko kazkabar-aleak erori ziren zerutik gizon-emakumeen gainera, eta hauek madarikatu egin zuten Jainkoa kazkabar-izurriagatik, benetan zigor ikaragarria izan baitzen.