SALMOAK 145:17 - Elizen Arteko Biblia (Biblia en Euskara Traducción Interconfesional)

¹⁷ Zuzena da Jauna jokabide guztietan, leiala egintza guztietan.

SALMOAK 145:17 ပူးပေါင်းရင်းမြစ်များ

JENESA 18:25

Utikan zuregandik errugabea errudunarekin batera hilaraztea! Nola jokatuko duzu, bada, berdin batarekin zein bestearekin? Munduaren epaileak ez ote du zuzenbiderik egingo?

2 SAMUEL 22:31

«Jainkoaren bidea on-ona, Jaunaren hitza sinesgarria. Bera da harengana jotzen dutenen babesa.

JOB 34:10

«Entzun, zentzudunok: Urruti Jainkoarengandik gaiztakeria, urruti Ahaltsuagandik bidegabekeria!

JOB 34:12

Benetan, Jainkoak ez du gaizki jokatzen, Ahaltsuak ez du zuzenbidea hausten.

SALMOAK 103:6

Jaunak justizia egiten du, zapalduen eskubideak defendatzen.

SALMOAK 112:4

Ilunpetan argia ageri da zuzenentzat: Jainko errukiorra, bihozbera eta zintzoa.

SALMOAK 116:5

Errukiorra eta zintzoa da Jauna, gupidatsua gure Jainkoa.

SALMOAK 50:6

Iragar beza zeruak Jainkoaren justizia. Jainkoa bera da epaile!

SALMOAK 89:14

Indartsua da zure ezkerra, garailea zure eskuina.

SALMOAK 97:2

Hodei beltz-ilunak haren inguruan, justizia eta zuzenbidea haren tronu-oinarri.

ISAIAS 45:21

Galdegin elkarri, mintza zaitezte, azaldu frogak: nork adierazi zuen hau lehendanik, nork iragarri aspalditik? Ez ote nik, Jaunak? Ez baita ni beste jainkorik. Jainko garaile eta salbatzailerik ez da neu besterik.

SOFONIAS 3:5

Hiri erdian dago, ordea, Jaun zintzoa, ez du gaiztakeriarik egiten. Goizero agertzen du zuzenbidea, egunsentiz, huts egin gabe. Gaiztoak, ordea, berean jarraitzen, lotsarik gabe.

ZAKARIAS 9:9

Poztu biziro, Sion hiri eder! Egin irrintzi, Jerusalem hiriburu! Hara, badatorkizu zeure erregea: zuzen eta garaile dator, apal eta asto baten gainean, astakume baten gainean.

DUTERONOMA 32:4

Bera babes-harkaitza: hark egina benetan bikaina, haren jokabidea zuzen-zuzena; Jainko leiala da bera, bidegabekeriarik gabea, zintzoa beti eta zuzena.

APOKALIPSIA 19:11

Gero, zerua irekia ikusi nuen, eta zaldi zuri bat agertu zen. Zaldizkoari «Leial» eta «Egiazko» deritza, justiziaz epaitzen eta borrokatzen baitu.

APOKALIPSIA 19:2

haren epaiak egiazkoak eta zuzenak baitira. Kondenatu du emagaldu handia, bere prostituzioaz mundua usteltzen zuena, eta beraren bizkar mendekatu du bere zerbitzarien heriotza».

APOKALIPSIA 4:8

Lau izakiok seina hego zituzten, begiz beteak kanpotik eta barrutik. Gau eta egun honela ari dira etengabe: «Santu, santu, santua Jauna, Jainko ahalguztiduna, zena, dena eta etortzekoa».